پاکیستان v–
د پاکستانخارجه وزیر شاه محمود قریشي ویلي امید لري چې د افغانستان د ګاونډی هېوادونه په راتلونکې غونډو کې به د افغان طالبانو استازو ته هم بلنه ورکړی. نوموړي دا ښکاره کړی چی د پنجشنبه اسلام اباد کې د طالبانو د خارجه وزیر له امیر خان متقي سره دلیدنی پر مهال کړې.
د طالبانو د خارجه وزیر امیر خان متقي په مشرۍ د دې ډلې یو پلاوی دا مهال د پاکستان په رسمي سفر بوخت دی. له دې سفر سره د پنجشنبه ورځ اسلام اباد کې د افغانستان د ګاونډیو هېوادونو ټرایکا-پلس استازو خپلمنځي ناسته وکړه. د افغان طالبانو پلاوي پدی ناسته کې ګدون نه درلوده خو لدی وروسته یې د امریکا، چین، روسیې او پاکستان له استازو سره بیلا بیلی لیدنه وکړه او د ټرایکا-پلس ناستې په تړاو معلومات ورکړه. طالبانو د خارجه وزیر امیر خان متقي ویلي چی د ټرایکا-پلس هېوادونو له استازو سره یې
دا هم ولولئ | د کرېکټ نړیوال جام: انګلستان او استرالیا نیمه پایلوبې ته ورسېدل
لیدنی کې د افغانستان پر سیاسي او بشري ناورین د وضعیت او د افغان دولت د کنګل شویو شتمنیو په تړاو خبرې کړې. نوموړی وایي، د امریکا، چین، روسیې او پاکستان استازو سره د افغانستان پر امنیتي وضعیت او د بی ثباتی د مخنیوي په تړاو هم استدلال کړی. د پاکستان حکومتي چارواکي ټینګار کوي چې افغان طالبان له نړیوالې ټولنې سره تعامل غواړي خو باید چې نړیواله ټولنه هم له دې ډلې سره خبرو ته غاړه کېږدي. د پاکستان خارجه وزیر شاه محمود قریشي همدا رنګه ویلي چی په سیمه کې پر هغو کړنو باید نظر وساتل
شي چې افغانستان کې دننه او بهر سوله نه غواړي ښاغلی نړیوالې ټولنې ته خبرداری ورکړی چې په افغانستان کې د نا امنی لوی بشري او امنیتي کړکیچ رامنځته کولی شي او د مخنیوي لپاره یې باید نړیواله ټولنه طالبانو سره تعامل وکړي. یاده دې وي چې پر افغانستان له واکمنۍ رادیخوا دا لومړی ځل دی چې د طالبانو یو جګپوړی پلاوی پاکستان ته سفر کوي. طمعه کېږي چې دا پلاوی به د خپل درې ورځني سفر په بهیر کې د پاکستان له لومړي وزیر عمران خان سره هم وګوري ښاغلي عمران خان پنجشنبه په یوه لنډ بیان کې ویلي نړیواله ټولنه باید په افغانستان کې د بشري کړکیچ مخه ونیسي
