د قزاقستان د لومړي وزیر دفتر وايي، له افغانستان سره سوداګري ۳ میلیارد ډالرو ته لوړو
د قزاقستان د لومړي وزیر مرستیال سریک ژومانگارینر ویلي، چې هېواد یې له افغانستان سره د سوداګریزو همکاریو په برخه کې جدي کار کوي.
د هغه په وينا، له لوژستيکي ستونزو سربیره قزاقستان په پام کې لري چې له افغانستان سره د سوداګرۍ کچه په کال کې له يو ميليارد څخه درې ميليارد ډالرو ته لوړه کړي.
له قزاقستان سره د افغانستان اوسنۍ سوداګري
د روسيې انټرفکس خبري اژانس په وینا، د قزاقستان د لومړي وزير مرستيال د دغه هېواد د ملي شورا د غونډې په څنډه کې خبريالانو ته وويل: “اوسمهال له افغانستان سره د سوداګرۍ اندازه څه باندې يو ميليارد ډالره ده، زموږ هدف دا دی چې دا اندازه درې میلیارده ډالرو ته لوړه کړو.”
د ښاغلي ژومانگارینپه وینا، قزاقستان غواړي افغانستان ته د اوړو، غنمو او نورو توکو صادرات زیات کړي.
نور ولولئ: د ټاپي پروژې چارې ولې ځنډېدلي دي؟
نور ولولئ: ملا برادر او قزاقستاني چارواکي د اوسپنې پټلۍ پر نوي شبکه خبرې کړي
قزاقستان په پام کې لري چې د یوې نوې لارې په پرانیستلو سره له افغانستان سره سوداګري پراخه کړي. له الماتا څخه د ايټاليا د سوداګرۍ او پانګونې د اژانس د ګزارش له مخې، ښاغلي ژومانگارینوويل، چې هېواد يې هڅه کوي چې د ترکمنستان له لارې د افغانستان له لوېديځ سره يوه لنډه سوداګريزه لاره پرانيزي.
لومړی به لوژستیکي اسانتیا برابرېږي
هغه زیاته کړه: “لویدیځ افغانستان ته لاسرسی به موږ ته اجازه راکړي چې خپل صادرات دې هیواد ته زیات کړو.”
اوس مهال دغه هېواد له افغانستان سره د ازبکستان له لارې سوداګري کوي. ژومانگارینټینګار وکړ چې له دغه هیواد سره د سوداګرۍ زیاتول د لوژیستیکي مشکلاتو له حل وروسته شونې ده.
همدارنګه د قزاقستان د لومړي وزیر مرستیال اعلان وکړ چې “د سوداګرۍ او لوژستیک لومړنی کنفرانس به د جون په پای کې د اکتاو په ښار کې جوړ شي او د افغانستان استازي به په کې ګډون وکړي.”
