کابل –
قطر او ترکیه هیوادونه د کابل هوايي ډګر چارو ساتنه کې همکاری کوي د قطر او ترکیې د خارجه وزیرانو ویلی چی هېوادونه به یې افغانستان کې د طالبانو له حکومت سره د کابل هوايي ډګر چارو په سمبالښت کې مرسته وکړي.
د قطر خارجه وزیر محمد بن عبدالرحمان آل ثاني او د ترکیې خارجه وزیر مولود چاووش اوغلو په دوحه کې د دواړو هېوادونو له کلنۍ ستراتیژیکې غونډې لړ کې له لیدنې څخه وروسته په یوځای خبري غونډه کې دا ښکاره کړی. د ترکیې خارجه وزیر همدغه غونډې کې ویلی چی هېواد یې داسې مهال په افغانستان کې د سولې رامنځته کولو هڅې کوي چې افغانان بیړنۍ بشري همکاری ته اړ دی . په ورته مهال د قطر خارجه وزیر ویلی چی هېواد به یې له افغانستان سره بشري او اقتصادي همکاری ته دوام ورکړي.
دا هم ولولئ | طالب چارواکي په کابل کې د متحده عربي اماراتو د سفارت د بیا پرانیستلو خبر ورکړی.
د اګست په نیمايي کې ترکیې ته په افغانستان کې د طالبانو حکومت خارجه وزیر امیر خان متقي له سفر سره د ترکیې ولسمشر رجب طیب اردوغان ویلی وو که هوکړه وشي هېواد به یې له قطر او افغانستان سره په یو ځای د کابل هوايي ډګر چارې سمبال کړي. قطري چارواکو له دې وړاندی د سپتمبر نیمايي کې ویلي وو د طالبانو په ګډون له ټولو اړخونو سره له څرګنده هوکړې پرته د کابل هوايي ډګر مسووليت پر غاړه نه اخلي.
د قطر د خارجه وزير محمد بن عبدالرحمان آل ثاني هغه مهال خبریالانو ته ویلی.چی مونږ غواړو چې هر څه روښانه شي که داسې ونشي کړای مونږ د هوايي ډګر مسووليت نشو اخیستلای. خو ښاغلی د دې تر څنګ زیاته کړه چې په دې تړاو یې له ټولو ښکېلو لورو سره خبرې روانې دي.
له کابل هوايي ډګره څخه د امریکایي ځواکونو له وتلو وروسته قطر او ترکیې هیوادونو دا هوايي ډګر بېرته رغونه وکړه او بیا الوتنې پيل شوې. د قطر او ترکیې مشرانو تر منځ دوې ورځني ستراتیژیک مذاکرات چې طمعه کېږي لږ تر لږه به ۱۲ هوکړه لیکونه پکې لاسلیک شي چی د سې شنبې پر ورځ پیل کیږی .
