په شپږیزه کرکټ لیګ کې ګډون وکړئ
د افغانستان کرکټ ملي لوبډلې تجربه کاره الراونډر لوبغاړی او د شل اوریزو لوبو لوبډلمشر محمد نبي په شپږیزه کرکټ لیګ کې د ګډون لپاره نن سهار کابل ته راورسېد.
هغه به د کابل لپاره لوبه کوي
نوموړی به په شپږیزه کرکټ لیګ کې د کابل بازانو لوبډلې لپاره لوبېږي او د کابل بازانو لوبډلې په ټولنیزو رسنیو کې د محمد نبي تازه عکسونه هم خپاره شوي دي، چې په کابل کې اخیستل شوي دي. تر دې مخکې هم د محمد نبي ځینې عکسونه په ټولنیزو رسنیو کې خپاره شوي و، چې هغه له دوبۍ څخه کابل ته راروان و او په هوايي ډګر کې اخیستل شوي و.
نور یی ولوله | شاداب خان: راشد خان په ۲۴ توپونو ۲۴ ویکټې اخیستلو توان لري
نور یی ولوله | د شپږیزې د ۱۶ لوبو وروسته مخکښه لوبډله
محمد نبي د شپږیزې کرکټ لیګ د ۱۶ لوبو ترسره کېدو وروسته کابل ته راغی او د کابل بازانو لوبډلې په راروانه لوبه کې به ګډون وکړي، چې سبا د پامیر زلمي پر وړاندې ترسره کېږي.نوموړی د دی وړاندې هم په بېلابېلو سیریزو کې برخه اخیستې ده..
د یادولو وړ ده، چې د محمد نبي او راشد خان په اړه د شپږیزې له پیل څخه مخکې ویل شوي و، چې دوی به د شپږیزې په نیمايي کې کابل ته راشي، خو د راشد خان په اړه تراوسه پورې معلومات نشته دی، چې ایا هغه به د شپږیزې لپاره کابل ته راشي او که نه
