راتلونکې اوونۍ کې سعودي عربستان د مذهبي منځلاریتوب په خاطر نړیوال کنفرانس جوړوي
سعودي عربستان به راتلوکې اونۍ د مذهبي منځلاریتوب د پراختیا په تړاو د اسلامي عالمانو د نړیوال کنفرانس کوربه وي.
د سعودي دولتي خبري اژانس د راپور له مخې دغه ناسته به په مکه مکرمه کې د ۸۵ هېوادونو د ۱۵۰ مفتیانو او دیني عالمانو په ګډون ترسره شي.
مذهبي افراطیت په پراخېدو دی
سعودي هڅه کوي چې د مذهبي افراطیت مخه ونیسي، په داسې حال کې چې پر افغانستان د شوروي اتحاد له یرغل سره سم، امریکا، سعودي عربستان او د دوی متحدینو له ډیورنډ کرښې سره داسې مدرسې ایجاد کړې چې د سوله ییز اسلام چې د سولې دین هم دی، د افراطیت نظریه خوره کړه او نن سعودي بیا هڅه کوي چې دا کچه راټیټه کړي.
نور ولولئ: د اسلامي همکاریو سازمان د اسلاماباد غونډه کې د افغانستان پر وضعیت خبرې کوي
مصر، سعودي او نور اسلامي هېوادونه په دې هڅه کې دي چې د اسلام مبارک دین اصلي څېره دنیا ته ښکاره کړي، ځکه په اصل کې د اسلام مبارک دین د سولې او د بشر لپاره د خیر او رفا دین دی نو د همدې لپاره سعودي دوه ورځنی کنفرانس جوړوي.
دغه دوه ورځنی کنفرانس (د زمري ۲۲مه) د سعودي عربستان د اسلامي چارو د وزارت لخوا جوړیږي.
د افراطیت مخنیوی کول
د دغه وزارت د معلوماتو له مخې، په دغې ناسته کې به له افراطیت او ترهګرۍ سره د مبارزې او په نړۍ کې د سوله ییز ژوند پر پیاوړتیا خبرې وشي.
د سعودي د دولتي خبري اژانس د راپور له مخې سعودي عربستان غواړي، د دیني منځلارۍ د پیاوړتیا او د مذهبي افراطیت پر وړاندې د مبارزې په موخه له دغه کنفرانس سره «د دیني عالمانو ترمنځ اړیکه ټینګه کړي».
نور ولولئ: د بایډن او د سعودي وليعهد د افغانستان په اړه خبرې شوي
تر اوسه لا څرګنده نه ده ، چې له افغانستانه چاته په دغه کنفرانس کې د ګډون بلنه ورکړل شوې او که نه.
له طالبانو سره د سعودي عربستان اړیکې تل د القاعده د ملاتړ له امله سړې وې، چې سعودي عربستان او نور هېوادونه یې یوه ترهګره او وحشي ډله ګڼي.
همدا ډول شنونکي وايي، چې که له یوې خوا د افراطیت د مخنیوي هڅه کېږي، نو له بلې خوا همدا هېوادونو د خپلو ګټو د خوندیتوب لپاره د افراطیت نظریه خوندي کوي او په کې د اسلامي امت وینې بهوي.
