پوتین وايي، یاد توغندی په بریالیتوب سره ازمایل شوی او دا توغندی په اتومي انرژۍ چلېږي
پوتین دا څرګندونې وروسته له هغه کړې چې د هغه ویاند د نیویارک ټایمز هغه راپور رد کړ چې ګواکې د “بوریویڅتنیک” په نامه د وسلې یوه ازموینه رانژدې شوې ده.
دا ازمویل کېدونکې وسله چې په لومړي ځل په ۲۰۱۸ کال کې اعلان شوه، د نا محدود واټن ویشتونکې بلل شوې وه.
نور ولولئ: سي ای اې وايي، روسیه د ایران په همکارۍ د ډرون الوتکو کارخانه جوړوي
مګر په رسمي ډول د دې وړتیاوو په اړه لږ څه مخې ته راغلي او راپورونه ښیي چې پخوانۍ ازموینې ناکامې شوې دي.
ایا د یاد توغندي ازمایل څومره یقیني دي؟
هغه څه چې پوتین ویلي په خپلواکه توګه نه دي تایید شوي او د روسیې له دفاع وزارت څخه تر اوسه کوم معلومات نه دي ترلاسه شوي.
مګر تېره میاشت خپاره شوي د سپوږمکۍ عکسونو ښودلې چې روسیې په د شمالي قطب لیرې یوه ټاپوي کې نوي تاسیسات جوړ کړي چېرې چې مخکې شوروي اټومي ازموینې ترسره کړې وې.
په انځورونو کې د نوایا زیمیلیا د ودانیزو چارو کارونه ښودل شوي د شمالي بارټنس له ټاپوګانو یو دی.
نور ولولئ: اوکراین کې د مسکو او غرب سیالي؛ کېم جونګ اون روسیې ته رسېدلي
پوتین د پنجشنبې په ورځ د سوچي مېله ځای د تور سمندرګي په ریزورټ کې یوې غونډې ته وویل: “موږ اوس د ستراتیژیکو وسلو د عصري ډولونو په اړه کار پای ته رسولی چې ما یې په اړه خبرې کړې وې او ما څو کاله وړاندې اعلان کړی و.”
هغه زیاته کړه: “د بوریویڅتنیک توغندي یوه بریالۍ وروستۍ ازموینه ترسره شوه، دا د اټومي ځواک یو کروز توغندی دی چې نا محدود واټن وهي.”
ناټو ولې دا توغندی د سکایفال په نوم یاد کړی؟
دا توغندی، چې ناټو د “سکایفال” Skyafall په نوم یاد کړی، داسې انګېرل کېږي چې د اټومي ریکټور په مټ پرمخ وړل کېږي، چې د جامدو تېلو راکټ بوسټرونو په مرسته هوا ته له توغولو وروسته فعال شوی.
خو نیویارک ټایمز د اټومي وسلو د کنټرول یوې ډلې، د اټومي ګواښ نوښت په حواله ویلي چې د ۲۰۱۷ او ۲۰۱۹ ترمنځ د سیسټم ۱۴ پخوانۍ پطژندل شوي ازموینې ټولې ناکامې وې.
پوتین دا هم وویل چې د “سرمات” په نوم د بین البراعظمي بالیسټیک توغندي کار نژدې بشپړ شوی دی.
پوتین دا هم وویل چې روسیه پلان نه لري خپل اټومي منشور بدل کړي، دا پالیسي هغه شرایط تعریفوي چې د هغه ځواکونه کولی شي اټومي وسلې وکاروي.
هغه زیاته کړه چې د روسیې د دولت موجودیت له ګواښ سره مخ نه دی او د “هېڅ سالم عقل او حافظې خاوند” به یې پر ضد د اټومي برید په اړه فکر ونه کړي.
