ملا متقي: نړیوالو له طالبانو سره د نشهيي توکو په له منځه وړلو کې همکارې نه ده کړې
![afghan 2024 07 23t152437.525](https://afghannow.net/wp-content/uploads/2024/07/Afghan-2024-07-23T152437.525-780x470.jpg)
د طالبانو د بهرنیو چارو وزیر وايي، نړیوالو له طالبانو سره د نشه یي توکو پر وړاندې مبارزه کې ددوی لاسنیوی نه دی کړی
امیرخان متقي زیاتوي چې نړېوالو نه یوازې دا چې په افغانستان کې د نشهیي توکو پر وړاندې مبارزه نه ده ترسره کړې، بلکې د افغانستان پر بانکي سکټور او افغان سوداګرو د بندیزونو تر څنګ یې، افغان بزګرانو ته د نشهیي توکو د بدیل کښت په برخه کې همکاري نه ده کړې.
د طالبانو بهرنیو چارو وزیر د دغې ډلې له لوري د «کار ملي کنفرانس» په نوم جوړې شوې غونډه کې ویلي، نړېوالو ورسره د نشهيي توکو پر وړاندې مبارزه کې همکاري نه ده کړې.
پر خصوصي سکتور بندیزونه
امیرخان متقي وايي، د دې تر څنګ یې د افغانستان پر خصوصي سکټور بندیزونه هم لګولي.
د طالبانو د بهرنیو چارو وزیر نن سه شنبه د (زمري دویمه) د دغې ډلې د کار او ټولنیزو چارو وزارت له لوري د «کار ملي کنفرانس» په نوم جوړې شوې غونډه کې ویلي، نړېوالو ورسره د نشهيي توکو پر وړاندې مبارزه کې هغسې همکاري نه ده کړې، څنګه یې چې ژمنې ورسره کړې وې.
نور ولولئ: د حماس ډلې مشر ۳ زامنو وژل کېدل او د امیرخان متقي تسلیت
نور ولولئ: د اړیکو په ښه والي کې د پاکستان نوي حکومت ته د امیرخان متقي تمه
نور ولولئ: امیرخان متقي: «ترهګري» او «بشرحقونه» لا هم بې تعریفه پاتې دي
امیرخان متقي زیاتوي چې نړېوالو نه یوازې دا چې په افغانستان کې د نشهیي توکو پر وړاندې مبارزه نه ده ترسره کړې، بلکې د افغانستان پر بانکي سکټور او افغان سوداګرو د بندیزونو تر څنګ یې، افغان بزګرانو ته د نشهیي توکو د بدیل کښت په برخه کې همکاري نه ده کړې.
زورواکي له منځه تللي ده
متقي په دغې غونډه کې د وینا پرمهال ویلي، «په افغانستان کې زورواکي له منځه تللې، ډلې ټپلې ختمې شوې، د فساد مخنیوی شوی، پر لویو پروژو کار روان دی او له افغانستانه هېڅ هېواد ته ګواښ نه دی پېښ.» خو بیا هم نړۍ په ځانګړي ډول ګاونډي هېوادونه هغسې مرسته نه کوي لکه څنګه چې لازمه وه.
د طالبانو د کار او ټولنیزو چارو وزارت دغه دوه ورځینۍ غونډه د وزګارتیا د لاملونو ارزولو او خلکو ته د کاري زمینو د برابرولو په موخه جوړه کړې، چې ګډونوال یې د دولتي ادارو تر څنګ د خصوصي سکټور، د کورنیو او نړېوالو ادارو او سازمانونو استازي دي.
د یادونې ده چې په افغانستان کې د هرې ورځې په تېرېدو د وزګارتیا کچه لوړېږي او ځوانان هڅه کوي چې له ناقانونه لارو نورو هېوادونو ته په کار پسې له هېواده ووځي.