هند پر افغانستان د پاکستان هوايي بمباري وغندله او د پاکستان دغه کار یې له نړیوالو قوانینو خلاف وباله
په یادو بریدونو کې، چې د طالبانو په وينا د وزیرستاني کډوالو یو کمپ يې په نښه کړی، لږ تر لږه ۴۶ کسان په کې وژل شوي وو.
دغه بریدونو د مرغومي په ۴ مه د جنوب غرب پکتیکا ولایت د برمل ولسوالۍ اړوند څلور کلي په نښه کړل.
د هند د بهرنیو چارو وزارت ویاند راندیر جايسوال پر پاکستان نیوکه کړې، چې د خپلو کورنیو ستونزو پړه پر ګاونډیو هېوادونو اچوي.
تر یاد برید وروسته د طالبانو حکومت هم پکتیکا کې تر فرضي کرښې هاخوا بریدونه وکړل، چې د طالبانو په وینا هغه مرکزونه یې له منځه یوړلو چې ترې افغانستان کې بریدونه پلانېدل.
تر یاد برید وروسته د دواړو هېوادونو ترمنځ څو ځلې وسله والې نښتې هم وشوې.
