په هند کې واورین پړانګان موجود دي چې شمېر یې ۷۱۸ ته رسېږي
د هند د چاپېريال وزارت وايي د لومړي ځل لپاره يوه سروې ښيي چې په دغه هېواد کې ۷۱۸ واورين پړانګان ژوند کوي.
دا په دې معنی ده چې په نړۍ کې د ټولو وارين پړانګانو د نفوس له ۱۰ تر ۱۵ سلنه يې په هند کې دي.
د طبيعت د ساتنې نړيوالې ټولنې (IUCN) واورين پړانګ د يوه زيان منوننکي ځناور په توګه ياد کړی. دا ډله هغه حيوانات دي چې د ورکېدو له ګواښ سره مخ دي. د استوګنې د سيمې له منځه وړلو نيولې تر ښکار او د زيربناو تر پراختيا پورې.
دغه سروې څومره وخت ونیوه
دغه سروې چې په نړۍ کې د واورين پړانګانو د شمېر معلومولو برخه وه له ۲۰۱۹ کال څخه تر ۲۰۱۳ پورې ترسره شوې ده.
په دې سروې کې په هند کې د هماليا غرونو شاوخوا ۱۲۰ زره کيلومتره مربع سيمه ارزول شوې ده.
نور ولولئ: د مرغانو انفلونزا؛ برازیل کې بېړنی حالت اعلان شوی
نور ولولئ: اوچا وايي افغانستان کې ۲۱.۲ میلیونه خلک د څښلو اوبو ته لاس رسی نه لري
نور ولولئ: په ناپاک چاپیریال لرونکو هېوادونو کې د افغانستان ۷ مقام
د هند د چاپېريال وزارت وايي، تر وروستيو کلونو پورې په هند کې د واورين پړانګانو د ارزونو نشتوالي له کبله يې شمېر او د ساحې په اړه معلومات نه و.
په دې سروې کې په هند کې د واورين پړانګانو د استوګنځایونو شاوخوا ۷۰ سلنه سيمه چې په کې لداخ، جمو کشمير، هېماچل پردېش، اتراکنډ، سيکېم او اروناچل پردېش شامل دي ارزول شوي.
په نورو هېوادونو کې هم واورین پړانګان موندل کېږي
په سروې کې د کامرو پر مټ ۲۱۴ واروين پړانګان ليدل شوي چې د نورو ترلاسه شويو معلوماتو په مرسته يې په ټول هېواد کې شمېر ۷۱۸ اټکل شوی دی.
د هند تر څنګ د افغانستان، بوتان، چين، قزاقستان، قرغيزستان، منګوليا، نيپال، پاکستان، روسيه، تاجکستان او ازبکستان په غرونو کې هم واورين پړانګان موندل کېږي.
خو په افغانستان کې بیا د اوږدمهاله جګړو، په دې خاوره کې د ډول ډول کمیاوي وسلو کارول، وچکالي، ښکار او دې ته ورته نور لاملونه ددې سبب شول چې د واورینو پړانګانو تر څنګ نور ځنګلي ژوي او مرغان هم زیان وویني.
