اړوند خبرونه:
م.م. کې د امریکا سفیره وايي، امریکا طالبان په رسمیت نه پیژني
افغانستان په هغو لسو هېوادونو کې دی چې نجونې پکې ښوونځي ته نه شي تللی
توماس: افغانستان کې زدهکړو ته د نجونو پر تګ او ټولیزو ګټو اجماع شته
د سپینې ماڼۍ ځوانې ویاندې «کارولین لیویت» تېره ورځ په خپل وروستي مطبوعاتي کنفرانس کې، یو ځل بیا د جو بایډن د ولسمشرۍ پرمهال له افغانستان څخه د امریکا د وتلو په څرنګوالي سختې نیوکې وکړې.
اغلې لیویت د امریکا د لوړ پوړو امنیتي او دفاعي چارواکو د یوې ډلې د خبرواترو څخه د نویو معلوماتو د افشا کیدو په اړه د خبریالانو پوښتنو ته ځوابونه ورکول، هغې له افغانستان څخه د وتلو “ناورین” ته اشاره وکړه او د بایډن ادارې د دې پیښې لپاره د مسوولیت نشتوالی یې “کرکه وړ” وباله.
د سپینې ماڼۍ ویاند ټینګار وکړ چې په کابل کې امریکایي سرتېرو خپل ژوند له لاسه ورکړ، خو د بایډن په اداره کې هیچا د دې غمیزې مسوولیت په غاړه نه دی اخیستی. هغه د حساب ورکولو دا نشتوالی د افغان پوځي ځواکونو او متحدینو د برخلیک په اړه د بې پروایۍ نښه وګڼله چې د متحده ایالاتو سره د دوو لسیزو همکارۍ په دوام کې له ګواښ سره مخ شوي وو.
له افغانستان څخه د امریکا وتل د بایډن ادارې د بهرنۍ پالیسۍ یو له خورا جنجالي پریکړو څخه و، چې د امریکا اوسني ولسمشر ډونالډ ټرمپ او د هغه نږدې ملګرو په مکرر ډول د پخوانۍ ادارې کمزوري او جدي تېروتنه ګڼلې ده.
رسمي راپورونو، د کانګرس تحقیقاتو او د پوځي چارواکو بیانونو په ګډون، دا هم ښودلې چې د بایډن ادارې د افغان امنیتي ځواکونو د چټک سقوط په اړه په مکرر ډول خبرداری له پامه غورځولی او د امریکایانو او افغان متحدینو د خوندي ایستلو لپاره یې مناسب پلان نه دی جوړ کړی.
هخوا د بایډن ادارې تل استدلال کړی چې دا وتل د ۲۰۲۰ کال د فبروري په میاشت کې د ا.ا سره د دوحې د تړون پایله وه، کوم چې د ډونالډ ټرمپ د ادارې پرمهال لاسلیک شو او د بایډن انتخابونه یې محدود کړل.
