وسیم اکرم خپل ټيم کې د څیشي کمي احساسوي؟

د پاکستان کرکټ لوبډلې پخواني لوبډلمشر وسیم اکرم له اسیا جام شل اوریزه سیالیو څخه وړاندې د هند لوبډلې سیالۍ تحلیل کړی دی او دا لوبډله یې له خپلې لوبډلې پیاوړې یاده کړې ده

وسیم اکرم وايي، د تېر کال له بریا وروسته د هند پر وړاندې د پاکستان مورال زیات شوی، پاکستان ډاډه دی چې هند ته هر وخت ماتې ورکولی شي، د نړیوال جام له بریا وروسته د هند او پاکستان سیالیو سړه جذبه بیا تازه شوې ده. دغه پخواني لوبډلمشر زیاته کړې چې د پاکستان کرکټ لوبډله په تیرو دوو کلونو کې ډېره ښه شوې ده، خو د پاکستانۍ لوبډلې یواځینۍ ستونزه د میډل آرډر دی، له افتخار احمد پرته په میډل آرډر کې هیڅ تجربه لرونکی لوبغاړی نشته

نور یی ولوله | شاهد افریدی د خپل زوم شاهین په اړه: ما ورته ویلي ول چې توپ پسې ځان مه غورځوه

نور یی ولوله | ګوتم ګمبیر یو ځل بیا کرکټ ته مخه کړه

وسیم اکرم ویلي چې بابر او رضوان به په شل اوریزه کرکټ کې ډېر مهم رول ولوبوي، د هند او پاکستان لوبه به د دواړو لوبډلو لپاره ډېره مهمه وي، د ویرات او بابر اعظم پرتله کول طبیعي خبره ده، په تېر کې هم داسې شوي دي

وسیم اکرم وايي زموږ په وخت کې به خلکو د سچن او انضمام په اړه خبرې کولې او پخوا به د ګواسکر او میانداد بحثونه و. د یادونې وړ ده چې هند او پاکستان راتلونکې یکشنبه سره مخامخ کېږي.باید دا هم هېره نه کړو چې کله هم د هند او پاکستان لوبه تر سره کیږي نو اکثریت خلک ېې ډېر لېواله وي او ننداره ېې کوي