اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
د ۲۰۲۵ مالي کال په ترڅ کې د منځنۍ آسیا له هېوادونو، افغانستان او آذربایجان سره د پاکستان دوه اړخیزه سوداګري ۲.۴۱ میلیارده ډالرو ته لوړه شوې ده، چې دا د تېر مالي کال (۱.۹۲ میلیارده ډالر) پرتله د پام وړ زیاتوالی ښيي.
د ایکسيریس تریبیون د راپور له مخې، دغو هېوادونو ته د پاکستان د صادراتو کچه ۱.۷۷ میلیارد ډالرو ته رسېدلې، په داسې حال کې چې واردات ۶۴۱ میلیون ډالره ثبت شوي دي. دا د ۲۰۲۴ مالي کال پرتله څرګند زیاتوالی دی، ځکه چې هغه مهال صادرات یوازې ۱.۳۴ میلیارده او واردات ۵۸۱ میلیون ډالر و.
افغانستان لا هم د پاکستان تر ټولو لوی سوداګریز شریک پاتې شوی، چې صادرات یې ۱.۳۹ میلیارده ډالرو ته او واردات یې ۶۱۲.۵ میلیون ډالرو ته رسېدلي دي.
قزاقستان هم د پاکستان لپاره د پام وړ شریک په توګه څرګند شوی، چې د پاکستان صادرات دې هېواد ته ۲۵۰.۸ میلیون ډالرو ته رسېدلي.
ازبکستان ته بیا د پاکستان صادرات د ۹۱.۴ میلیون ډالره او له دې هیواده واردات ۲۰.۳ میلیون ډالره وو.
نورو هېوادونو لکه قرغیزستان، تاجکستان، ترکمنستان او آذربایجان ته د پاکستان د سوداګرۍ اندازه کوچنۍ خو ثابته وه.
د منځنۍ اسیا هیوادونو ته د پاکستان راکړه ورکړه د افغانستان له لارې شوې ده. پاکستان په داسي حال کې د منځنۍ اسیا هیوادونو ته د افغانستان له لارې په خپلو صادراتو کې د زیاتوالي راپور ورکوي چې په یاده موده کې یې په ځلونو د افغانستان د صادراتو او ترانزیت مخه نیولې او افغانستان ته د ملیونونو ډالرو زیان اړولی دی.
