په ملګرو ملتونو کې د افغانستان استازي د افغانستان د بیا ادغام له پلان ملاتړ وکړ
![faeq](https://afghannow.net/wp-content/uploads/2023/11/Faeq-348x196.png)
نصیر احمد فایق د یوې ویډیو په خپرولو سره وايي د افغانستان د بیا ادغام لپاره د ملګرو ملتونو د عمومي منشي د پلان هرکلی کوم
په ملګرو ملتونو کې د افغانستان د دایمي استازولۍ سرپرست نصیر احمد فایق د پنجشنبې په ورځ (د لېندۍ دویمه) په یوه ویډیويي پیغام کې نړۍوالې ټولنې ته د افغانستان د بیا ادغام لپاره د ملګرو ملتونو د عمومي منشي د پلان هرکلی وکړ.
فايق وويل، دغه پلان اوسمهال هغه پلان دی چې د خبرو اترو او د افغانستان په مسله کې د ټولو ښکېلو غاړو د سلا مشورو په پايله کې چمتو شوى دى.
نور ولولئ: فایق: د افغانستان خلکو ته باید د سپټمبر د یوولسمې د بریدونو تاوان ونه رسیږي
نوموړي وویل، که څه هم د دغه پلان د عملي کېدو په اړه لا هم پوښتنې شته؛ خو په دغه پلان کې د افغانستان د سیاسي کړکېچ د ماتولو لپاره وړاندیز شوې حل لارې مهمې دي.
طالبانو د ملګرو ملتونو د سرمنشي له وړاندیز سره مخالف دي
دا په داسې حال کې ده، چې طالبانو په وروستیو ورځو کې ملګرو ملتونو ته د یوه لیک په استولو سره د ملګرو ملتونو د سرمنشي له وړاندیز سره خپل بشپړ مخالفت اعلان کړی دی.
د ملګرو ملتونو سرمنشي په دې وروستیو کې د افغانستان په چارو کې د دغه سازمان د ځانګړي همغږي کوونکي د ارزونې پر بنسټ یو پلان جوړ کړی، چې په کې د بین الافغاني خبرو په پیل، د یوه ټول ګډونه حکومت په جوړېدو او د اساسي قانون په عملي کېدو ټینګار شوی دی.
نور ولولئ: رحمت الله نبیل: طالبان د نړیوالو د غوښتنو له پوره کولو عاجز دي
دغه پلان، طالبان د بشري حقونو او ډیموکراسۍ په برخه کې د نړۍوالو کنوانسیونونو سره چې افغانستان یې غړیتوب لري، په رعایت کولو اړ کوي.
طالبان هره ورځ بشري حقوق نقضوي
دا پلان په داسې حال کې جوړېږي چې، پر افغانستان د طالبانو له واکمنېدو وروسته دغه ډله په پراخه کچه د بشري حقونو په سرغړونې، په خپلسرو کړنو او نورو پخوانیو چارواکو او قومونو ته په حکومتي جوړښت کې په نه برخې ورکولو تورنه ده.
پر دې سر بېره چې خلکو ته خپل سري سزاګانې ورکول کېږي، بلکې طالبانو د کانونو استخراج او نور لوی مسایل چې په ملت پورې تړلي دي، دا ډله یې بې له کوم تصویب شوي قانون سرته رسوي او د ځانونو لپاره شتمنۍ راټولوي.
طالبانو د پخوانیو سرتېرو په وژلو او شکنجه کولو هم تورن دي، ځکه ډېرې داسې پېښې مستند شوې چې دوی په کې دا جنایتونه سرته رسولي دي.