سیمه

په میانوالي کې د هوایي ځواکونو پر اډې د برید وروستي جزیات

د پاکستان په زړه له پنجاب سره نږدې وسله والو کسانو پر یوه پوځي مرکز برید وکړ

په دې برید کې د پاکستان پوځ ته مالي او ځاني زیان اوښتی، خو د پاکستان پوځ وايي چې د پوځیانو تلفات یې دومره ډېر نه و، ځکه دوی د یاد برید په اړه له اوله راپور درلود.

وسله‌والو تېره شپه ناوخته د پنجاب ایالت په میانوالي کې د پاکستان د هوايي ځواک پر اېم اېم عالم اډې برید کړی دی.

سیمه‌ییزو چارواکو ویلي:« په دې برید کې زموږ لوري ته مرګ ژوبله نه ده اوښتې، ځواکونه لا دمخه خبر وو.»

ددې برید مسئولیت طالبانو منلی

په همدې حال کې د تحریک جهاد پاکستان ویاند ملا قاسم په یوه بیان کې د دغه برید مسوولیت منلی دی.

له بلې خوا د پاکستان پوځ د یوې خبرپاڼې په خپرولو سره لیکلي:« د نومبر په څلورمه د پاکستان د هوايي ځواک د میانوالي په روزنیزې هوایي اډې ناکامه ترهګریز برید شوی، چې د پوځيانو د چټک او اغېزمن ځواب له امله، ناکامه شو.»

نور ولولئ: د پاکستان د کورنیو چارو وزیر: افغانان په پاکستان کې روانو بریدونو کې ښکېل دي

نور ولولئ: پر پاکستاني پوځ برید کې پوځ ته مرګ ژوبله اوښتي ده

خبرپاڼه کې راغلي، چې پر وخت د غبرګون په ښودلو سره، ۳ تنه ترهګر مخکې له دې چې اډې ته ننوځي، له منځه یوړل شول او پاتې ۳ تنه ترهګر وروسته د ځواکونو د ځوابیه عملیاتو په ترڅ کې ووژل شوه؛ خو د برید له امله درې الوتکې زیانمنې شوې دي.

د پاکستاني پوځیانو د مرګ ژوبلې په اړه

پاکستان طالبان وايي، چې په برید کې یې ګڼې نظامي الوتکې او پوځي تجهیزات له منځه وړي او ددې تر څنګ یې د پاکستان پوځ ته مرګ ژوبله هم ور اړولي ده.

پر ټولنیزو رسنیو د یاد برید خپرې شوي ویډیوګانې هم ښيي چې برید لوی و او وسله وال توانېدلي چې پوځي اډې ته ننوځي او دننه خپل هدفونه په نښه کړي، خو د پاکستان پوځ بیا وايي چې دوی تلفات نه دي ورکړي او د وسله والو برید هغه ډول کامیاب نه و لکه څه ډول چې دوی ورته پلان نیولی و.

د پوځ خبر خبرپاڼه بیا زیاتوي، چې د سیمې د بشپړ پاکولو لپاره پراخ ګډ چاڼیز عملیات په وروستي پړاو کې دي.

د یادونې وړ ده چې په دې وروستیو کې پاکستان وسله وال بریدونه زیات شوي چې دغه بریدونو اسلام اباد وارخطا کړی دی او ددې تر څنګ د پاکستان د امینتي کسانو مرګ ژوبله هم زیاته شوي ده.

افغان سالار

افغان سالار افغان سالار د لومړي لاس او کره معلومات تر تاسو درسوي. افغان سالار به تاسو ته د سیاست، ادب او کلتور، اقتصاد، روغتیا، سپورټ او نور په زړه پورې مطالب برابر او تر نورو به یې چټک درته وړاندې کوي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button