Uncategorized

په هرات کې د کتابونو نندارتون جوړ شوی

په هرات کې د کتابونو یو نندارتون جوړ شوی چې ۱۰ زره جلده ډول ډول کتابونه پکې نندارې ته ایښودل شوي دي

د دې نندارتون دایروونکو ویلي چې له دې کاره یې موخه کتاب لوستنې ته د ځوانانو هڅونه ده.

دا نندارتون د لسو زرو بیلابیلو ټوکو کتابونو په ایښودلو سره د هرات ښار دیارلسمې ناحیې اړوند د المهدي جبراییل په ښارګوټي کې جوړ شوی دی.

نوموړی نندارتون د مومني خپرندویه مرکز لخوا جوړ شوی چې یوه اوونۍ به دوام وکړي.

د نندارتون مسوول ښاغلي فرید سعیدي ویلي چې له دې نندارتون څخه د لیدونکو زیاتوالی د رضایت وړ دی.

د نندارتون لیدونکو د داسې برنامو جوړولو په اړه خوښي څرګنده کړې او هیله یې ښودلې چې ښایي په دې سره ډیر ځوانان د کتاب لوستلو ته مخ کړي.

له دې نندارتون څخه ځینو ښځینه وو هم په داسې حال کې لیدنه کړې چې پر مخ یې د ښوونځیو او پوهنتونونو دروازې تړلي او له دولت څخه یې غوښتنه کړې چې د کتاب لوستنې فرهنګ د تقویې لپاره دې داسې نندارتونونه او نورې ډول ډول برنامې جوړې کړي.

ځینو ننداچیانو لکه ښاغلی محمد رحیمي په دې اړه خوښي ښودله چې ویې کولی شول خپل د خوښې وړ کتابونه په ډیره ارزانه بیه ترلاسه کړي.

نوموړي د افغان غږ خبري آژانس سره په مرکه کې د هرات له ځوانانو غوښتنه وکړه چې د خپل ژوند او پانګې یوه برخه د کتابونو لپاره ځانګړې کړي.

د روان کال په جریان کې دا څووم ځل دی چې په هرات کې د کتابونو نندارتون جوړیږي

د نندارتون جوړوونکو ویلي چې په روان کال کې دا څووم ځل دی چې په هرات ښار کې د کتابونو نندارتون جوړیږي.

دوی د دې نندارتونونو په جریان کې د کتاب اخیستلو ته د ځوانانو د لا هڅونې په موخه د پچې اچونې مسابقې هم کړې دي چې د ګډونوالو له ښه هرکلي سره مخ شوې دي.

دې مرکز د کتابونو وروستی نندارتون د هرات ښار د صرافانو په مارکیټ کې جوړ کړی و چې ډیرو ځوانانو ترې لیدنه کړې وه.

خو په هیواد کې د کتابونو پلورونکي له خپل کاره راضي نه دي

دا په داسې حال کې ده چې په افغانستان کې د کتابونو پلورونکي له خپل څخه راضي نه ښکاري او د کتابونو له کم پلور څخه شکایت کوي.

په کابل کې د مینه یار کتاب پلورونکو مارکیټ یوه کتاب پلورونکي افغان ناو ته وویل چې د پخوا په پرتله د کتابونو بازار ډیر خراب شوی او څوک د کتابونو اخیستلو ته په اسانه زړه نه ښه کوي.

دوی وایي چې په تیر جمهوري حکومت کې دا چار مخ پر وده وه خو د اسلامي امارت په راتګ سره ډیری لوستي کسان بهرنیو هیوادونو ته کډوال شول او دا مهال کم شمیر ځوانان د کتابونو پیرودلو ته زړه ښه کوي.

افغان سالار

افغان سالار افغان سالار د لومړي لاس او کره معلومات تر تاسو درسوي. افغان سالار به تاسو ته د سیاست، ادب او کلتور، اقتصاد، روغتیا، سپورټ او نور په زړه پورې مطالب برابر او تر نورو به یې چټک درته وړاندې کوي.

اړوند خبرونه

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button