د کابل ښار په دارالامان ماڼۍ کې د نوي کال د (غوره ملي خدمتونو ملي نندارتون) جوړ شوی دی

دا نندارتون چې د حکومت په هڅو جوړ شوی نن (د وري په لومړۍ) د سهار په ۹ بجو پيل شو چې د نوي کال د وري تر درېیمې به دوام وکړي.

د غوره ملي خدمتونو په ملي نندارتون کې د هيواد له بېلابېلو لويو او وړو شرکتونو محصولات او توليدات نندارې ته وړاندې کيږي.

حکومتي چارواکي وايي چې نوموړی نندارتون يې د وړو کاروبارونو او کوچنيو تجارتونو د لا ودې په موخه پيل کړی دی او د لا نورو خلکو د راتلو غوښتنه يې کوي.

ځينو ننداره کوونکو ويلي چې نوموړی نندارتون د ټولو لپاره نه دی او په وينا يې په داخلي دروازه کې د حکومت لخوا ځانګړو ټاکل شوو کسانو ته د ورتګ اجازه ورکول کيږي.

د نندارتون په پيل کې ځینې ځانګړي مراسم هم وو

دغه نندارتون د سرپرست حکومت د ځينو مسوولينو په ويناوو پيل شو چې پکې بېلابېلو چارواکو خپلې څرګندونې ګډونوالو ته واورولې، د سرپرست حکومت د اقتصاد وزارت مرستيال په خپلو څرګندونو کې وويل: تېر ۱۴۰۱ لمريز کال زموږ د وړو کاروبارونو او کوچنيو تجارتونو لپاره له برياوو ډک کال و او په وينا يې حکومت لا هم هڅه کوي چې د کاروبارونو پر وړاندې شته خنډونه له منځه يوسي.

د وړو کاروبارونو او کوچنيو تجارتونو مسوولين وايي چې ورته نندارتونونه د هېواد په اقتصادي وضعه مثبته اغيزه لري

د ملي خدمتونو په ملي نندارتون کې تر سلو ډېرو شرکتونو خپل توليدات نندارې ته وړاندې کړي. د دې شرکتونو ځینو مسوولینو ویلي چې دا ډول نندارتونونه په هیواد کې د کاروبارونو د ودې لپاره ډېر مهم دي او د خپلو توليداتو د لا پراختيا لپاره ډېره مرسته کولی شي.

نوموړي نندارتون ته بېلابېلې رسنۍ هم راغلي دي او پراخ رسنيز پوښښ لري.

نور ولولئ: کابل کې د تولید، کار او تحصیل تر سرلیک لاندې د نندارتون دایر شوی

د نندارتون يو تن ګډونوال افغان ناو ته وویل: دا ډول نندارتونونه موږ له خپلو توليداتو سره آشنا کوي او په وينا يې زموږ د داخلي کاروبارونو په وده کې اغيزناک رول لري. دی زياتوي: ما زموږ د خپلو توليداتو ډېرې برخې وليدې او د نجونو په لاس جوړ شوي لاسي صنايع ماته ډېر په زړه پورې وو.

د لاسي صنايعو يوې مسوولې د نندارتون له جوړېدو خوښي څرګنده کړه او په لومړۍ ورځ يې په خپلو ګوتو د لسو يخنو د خرڅلاو خبره وکړه.

نور ولولئ: په هرات کې د کتابونو نندارتون جوړ شوی

دا څووم ځل دی چې په نیږدې ورځو کې د حکومت لخوا د کورنیو تولیداتو د هڅونې په موخه دا ډول نندارتونونه جوړیږي چې له دې وړاندې وروستی هغه یې په کابل سرینا هوټل کې و.