اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
د عزیزي ګروپ مشر میرویس عزیزي په کابل کې د ۱۰ میلیارد ډالرو په ارزښت د انرژۍ د تولید د یوې سترې پروژې هوکړه لاسلیک کړه. د دې پروژې، چې ټاکل شوې په راتلونکو پنځو کلونو کې بشپړه شي، تمرکز به د برېښنا تولید وي.
میرویس عزیزي د هوکړې د لاسلیک پر مهال وویل، له دې پروژې سره به افغانستان د انرژۍ له اړخه پر ځان بسیا شي او همداراز به ډېرو خلکو ته د کار زمینه برابره شي.
د کلاعبدالغني برادر په شمول د طالبانو یو شمېر چګپوړي چارواکي چې د هوکړې د لاسلیک په مراسمو کې یې ګډون درلود، دغه پروژه د افغانستان د اقتصادي پرمختګ او انرژۍ د برخې لپاره یو مهم ګام وباله.
دا هوکړه په داسې وخت کې کېږي چې افغانستان، په ځانګړې توګه د کابل ښار، د برېښنا له کمښت سره مخامخ دی، او خلک د دوامداره انرژۍ نشتوالي له امله له ګڼو ستونزو سر ټکوي. تمه کېږي چې د ښاغلي عزیزي دا پانګونه به د دې ستونزې په حل کې رغنده رول ولوبوي.
