غواړئ یو پیاوړی شخصیت ولرئ؟ په دې مقاله کې هغه ۷ کلیدي لارښوونې ولولئ چې له تاسو سره مرسته کوي له رواني پلوه غښتلي شئ او د ژوند په ننګونو کې بریالي واوسئ.
په ژوند کې د یوه پیاوړي او غښتلي شخصیت درلودل یوه لویه شتمني ده. هغه کسان چې له رواني پلوه پیاوړي وي، د ژوند په سختو او ستونزمنو حالاتو کې ماتې نه خوري او تل د بریا پر لور روان وي. که تاسو هم غواړئ چې یو پیاوړی شخصیت ولرئ او له رواني پلوه یو غښتلی انسان شئ، نو دا ۷ مهمې لارښوونې تعقیب کړئ:
۱. پیاوړی شخصیت، خپل وخت او انرژي مه ضایع کوئ
هغه کسان چې غواړي یو پیاوړی شخصیت ولري، پوهېږي چې ژوند تل د دوی د خوښې سره سم نه وي. دوی د نامناسبو شرایطو یا د نورو د ناسم چلند له امله په پښېمانۍ خپل وخت نه ضایع کوي. دوی د خپلو کړنو مسؤلیت اخلي او خپله انرژي پر هغو شیانو لګوي چې د دوی په واک کې وي.
۲ پیاوړی شخصیت، مثبت فکر وکړئ او له منفي خلکو لرې اوسئ
د بریا یو مهم راز مثبت فکر کول دي. پیاوړي خلک منفي فکرونه له ځانه لرې کوي او ماتې د راتلونکي بریا لپاره یو فرصت ګڼي. دوی له هغو کسانو سره اړیکې کموي چې تل نیوکې کوي او د هغوی پر ځای له خوشبینه خلکو سره ملګرتیا کوي.
۳. د نورو تر واک لاندې مه اوسئ او “نه” ویل زده کړئ
یو پیاوړی شخصیت نورو ته اجازه نه ورکوي چې د ده پر احساساتو او ژوند کنټرول ولري. دا ډول خلک په ډاډه زړه “نه” ویل زده کوي او د نورو د ناسم چلند یا غیر عادلانه غوښتنو پر وړاندې په کلکه درېږي.
۴. بدلون منونکي او زړور اوسئ
له رواني پلوه غښتلي خلک له بدلونونو څخه نه وېرېږي. دوی د مثبتو بدلونونو هرکلی کوي او خپل استعدادونه له نویو شرایطو سره سموي. دوی د لویو پرېکړو پر مهال زړور وي او له احتمالي خطرونو څخه نه ډارېږي.
۵. له تېروخت څخه زده کړه وکړئ، خو په هغه کې مه اوسئ
پیاوړي خلک په اوسني وخت کې ژوند کوي او د راتلونکي لپاره پلانونه جوړوي. دوی د تېر وخت پر تېروتنو افسوس نه کوي، بلکې ترې درس اخلي ترڅو په راتلونکي کې یې تکرار نه کړي. د تېرو اشتباهاتو پړه پر نورو اچول د ضعیفو خلکو ځانګړنه ده.
۶. د نورو په بریا خوشحاله شئ او له یوازیتوب نه مه وېرېږئ
که غواړئ پیاوړی شخصیت ولرئ، نو د نورو په بریا د حسد پر ځای خوشحالي څرګند کړئ. پیاوړي خلک پوهېږي چې بریا د سخت کار پایله ده. همدارنګه، دوی له یوازې پاتې کېدو نه وېرېږي او له دغه وخت څخه د ځان پېژندنې او فکري ودې لپاره ګټه اخلي.
۷. د چټکو پایلو تمه مه لرئ
پیاوړي خلک پوهېږي چې رښتیني بدلونونه او لوی اهداف وخت ته اړتیا لري. که هغه د نوې دندې پیل وي او یا د روغتیا ښه کول، دوی صبوره وي او په پرله پسې هڅو باور لري. دوی پوهېږي چې بېړنۍ پایلې ډېر ځله پایداره نه وي.
د یو پیاوړی شخصیت جوړول په یوه شپه کې نه کېږي، بلکې دا یو دوامداره سفر دی. که تاسو پورته یاد شوي ټکي په خپل ورځني ژوند کې پلي کړئ، نو ډېر ژر به خپل ځان کې د پام وړ رواني بدلون او پیاوړتیا احساس کړئ.
