اړوند خبرونه:
چمپینز ټرافي؛ شیبه وروسته د پاکستان او نیوزیلانډ تر منځ لومړنۍ سیالي پیلېږي
کرېکټ؛ افغان اتلانو زېمبابوې ته په دویمه ۲۰ اوریزه لوبه کې ماته ورکړه
د ګڼو هڅو وروسته، د طالبانو تر واک لاندې د افغانستان د فوټبال فدراسیون وایي چې د افغانستان د فوټسال ملي لوبډلې لوبغاړو او تخنیکي ډلې د برازیل ویزې ترلاسه کړې دي.
د افغانستان د فوټبال فدراسیون ویاند، مصطفی هاشمي د سه شنبې په ورځ، ۱۴ حوت، په خپله فیسبوک پاڼه کې په یوه پیغام کې لیکلي چې بالاخره په ایران کې د برازیل سفارت د افغانستان د فوټسال ملي لوبډلې لوبغاړو او تخنیکي ډلې ته ویزې ورکړې دي.
هغه زیاته کړې چې اوس د ملي ټیم غړو لپاره د ټکټ اخیستلو هڅې دوام لري، خو تر اوسه برازیل ته د افغانستان د ملي لوبډلې د الوتکې د الوتنې مشخص وخت مالوم نه دی.
هغه څرګنده کړې چې احتمال شته چې د افغانستان او ایران ترمنځ لوبه وځنډول شي.
د افغانستان د فوټسال ملي لوبډلې ویزه په داسې حال کې ورکړل شوې چې ټاکل شوې وه هغوی سبا په برازیل کې د ایران د فوټسال ملي لوبډلې په وړاندې ولوبیږي.
د برازیل څلور اړخیزې سیالۍ د برازیل، افغانستان، ایران او ګرینلینډ ټیمونو ترمنځ ترسره کیږي.
