اړوند خبرونه:
د افغانستان سرپل ولایت کې هره ورځ د ۹۰۰ټنه نفتو استخراج
شهاب الدین دلاور: چنايي شرکت ته هله کانونه ورکوو چې افغانستان کې پروسس وکړي
د کلیو بیارغونې او پراختیا وزارت مسوولینو د پکتیکا ولایت په «وازیخوا» کې د ۶۹ بېلابېلو رغنیزو پروژو د پلېکېدو خبر ورکړی.
د یاد وزارت مسوولینو ویلي چې په دغو پروژو کې د یو کوچني بند، کلیوالي سړکونو، پلونو، پلچکونو، استنادي دېوالونو او کانالونو جوړول شامل دي چې شاوخوا ۸۶ میلیونه افغانۍ به پرې مصرف شي.
د کلیو بیارغونې او پراختیا وزارت په خبرپاڼه کې ویل شوي چې د دې پروژو د پلېکېدو پر وخت به سلګونه کسانو ته کار زمینه برابره شي او د چارو له بشپړېدو وروسته به د یادې ولسوالۍ د اوسېدونکو ستونزې تر ډېره حل شي.
بلخوا د پکتیکا د وازیخوا ولسوالۍ یو شمېر اوسېدونکي د دغو پروژو د کارونو شروع کېدو ته خوښ دي، او له سرپرست حکومته یې غوښتي چې په بېلابېلو برخو کې د دې ولسوالۍ د اوسېدونکو ستونزو ته رسېدنه وکړي.
د ویلو ده چې تر دې مخکې هم د پلازمېنې، کابل په ګډون په یو شمېر ولایتونو کې د ورته رغنیزو پروژو د پلېکېدو راپورونه ورکړ شوي وو چې د ډېری چارې یې بشپړې او ګټېاخیستنې ته سپارل شوې دي.
