افغانستان کې د چین سفارت پرون جمعی ورځ چینايی شرکتونو او چینايي وګړو ته خبرداری ورکړی چې په پټو سترګو او له رسمي اجازې پرته دې د افغانستان د کانونو برخه د پلټنې په موخه دغه هېواد ته سفر نه کوي
سفارت په یوه بیان کې ویلي .چې د طالبانو حکومت د کانونو او پټرولیم وزارت د کانونو برخه کې د پلټنې جواز تر لاسه کولو لپاره ډېر سخت شرطونه ايښي په افغانستان کې د چین د سفارت له اړخ په دې خپاره شوي رپور کې راغلي چې که هر څوک او یا هر شرکت له اجازې پرته د کانونو د پلټنې چاره ترسره کړي ښايي د نیولو له خطر سره مخامخ شي دې رپور کې چې د سفارت پر ویپاڼې خپور شوی همدغه رنګه ویل شوي چې اوس مهال د افغانستان په بېلابېلو سیمو کې یو شمېر داسې بهرنی وګړی نیول شوي چې د فعالیت جواز یې نه درلود.
نور یی ولوله | روسیې په خپل ګاونډیو هیوادونو کې د ناټو پر فعالیتونو د سختو بندیزونو غوښتنه کړې
رپور زیاتوي چې د طالبانو د حکومت د کانونو او پټرولیم وزارت د کانونو برخه کې د پلټنې جواز لاسته کولو لپاره ډېر سخت شرطونه ايښي دي افغانستان ډېرې طبیعي زېرمې لري. په ۲۰۱۰ کال کې د امریکا د ځمک پیژندنې بنسټ د اټکل له مخې افغانستان کې د مسو، سرو زرو، لېتیمو او نورو فلزاتو زیرمې شته چې نړۍ کې کم لیدل کېږي د دې ارزونې له مخې هغه مهال د دې زیرمو ارزښت له یو تریلیون نه تر درې تریلیون ډالرو اټکل شوی وو او دا چې اوس یې ارزښت اوس څومره دی په دې اړه تازه او کره معلومات نشته.
د چین د سفارت له اړخ چینايي شرکتونو او چینایانو ته افغانستان ته د سفر نه کولو خبرداری په داسې مهال ورکړل شوی چې په دې وروستیو ورځو کې فایننشل ټایمز ورځپاڼې رپور ورکړی چې یو شمېر چینايي شرکتونه افغانستان کې د لیتیمو او مسو د زېرمو لټون کوي.
ویل شوی چې افغانستان کې د لېتیمو پراخې زیرمې شته چې تراوس مهال لاسته نه دی راغلی لېتیمو ته چې د برېښنايي موټرو په بطریو کې کارول کېږي اوس مهال نړۍ کې ډېره اړتیا ده.
