ډاکټر هاتف مختار: د هیبت الله غیراسلامي رژیم پرضد باید افغانان پاڅون وکړي
![afghan 2024 07 22t100558.553](https://afghannow.net/wp-content/uploads/2024/07/Afghan-2024-07-22T100558.553-780x470.jpg)
د طالبانو پخوانی مدافع او اوسنی منتقد هاتف مختار وايي، د اسلامي رژیم غیر اسلامي دی
ډاکټر هاتف مختار په افغانستان کې د جمهوري نظام پر مهال ناورې کې و او له شاوخوا لسو کلونو راهیسې یې یو شمېر نورو بهر مېشتو افغانانو سره په ګډه په افغانستان کې د امریکایي ځواکونو د حضور خلاف د طالبانو تبلیغاتي ملګرتیا پيل کړې وه.
د طالبانو د رژیم یو مخکینی سرسخت مدافع ډاکټر هاتف مختار، چې له څه مودې راهیسې د دوی په منتقد بدل شوی، وایي د ملا هبت الله په مشرۍ واکمن طالب رژیم اسلامي نه دی او خلک دې یې پر ضد قیام وکړي.
د طالبانو خلاف د انسجام هڅې
د هغه په وینا، نه یوازې ده؛ بلکې یوه لویه برخه نورو کسانو هم د طالبانو خلاف د افغانستان دننه د انسجام هڅې پيل کړي او د ملي ګټو د تامین لپاره غواړي یا طالبان اصلاح او یا له واکه لیرې کړل شي.
نور ولولئ: د بشري حقونو د څار سازمان: طالبانو افغانستان د بشري حقونو له جدي بحران سره مخامخ کړی
نور ولولئ: د بشري حقونو یو بنسټ: منیژه صدیقي دې د طالبانو له بنده خوشي شي
هغه په دې تړاو نور جزیات ورنه کړل، خو ادعا یې وکړه چې د طالبانو د رهبرۍ یو شمېر کسانو د نجونو د زده کړو، د ښځو د حقونو، فردي ازادیو د تامین او د طالبانو لخوا د قدرت د انحصار او بې قانونیو پر وړاندې د اعتراض له امله دی او د کورنۍ غړي یې بندیان کړي او ان په مرګ ګواښلي.
نوموړي ادعا وکړه، چې لا هم د افغانستان په یوه سیمه کې پټ ژوند کوي او د طالبانو خلاف به انتقاد او مبارزه وکړي.
پر رسنیو د طالبانو کنټرول
ډاکټر هاتف مختار د طالبانو تر واک لاندې کابل څخه یو شمېر نشرات لرونکي خصوصي تلویزونونه تورن کړل، چې د طالبانو په کنټرول کې دي او د ده په ګډون د نورو اصلاح غوښتونکو غږونه خاموشه کوي.
هغه په عین حال کې وویل، چې د جمهوري نظام پر مهال ناورې کې و او له شاوخوا لسو کلونو راهیسې یې یو شمېر نورو بهر مېشتو افغانانو سره په ګډه په افغانستان کې د امریکایي ځواکونو د حضور خلاف د طالبانو تبلیغاتي ملګرتیا پيل کړې وه.
هاتف مختار له څه مودې راهیسې په څو مرکو کې د طالبانو مشر ملا هبت الله ننګولی او ویلي، چې هغه د چا زوی دی، پیغمبر که صحابي دی، چې میلیونونه نجونې او ښځې یې له کار او زده کړو منع کړي او د افغانانو ازادۍ او حقونه یې تروړلي؟
طالبانو د نوموړي څرګندونو ته کوم غبرګون نه دی ښودلی، خو هغه ادعا لري چې د طالبانو استخبارات د سوشل میډیایي تبلیغاتو لپاره نږدې ۵ زره معاش خواره لري او د هغو په وسیله د ده خلاف کنځلې او تبلیغات کوي.