ډوډۍ، کار او عدالت؛ ددې شعار ورکوونکو ښځو لاریون طالبانو په درنو ډزو تیت او پرک کړ
![AFGHANISTAN CONFLICT PROTEST](https://afghannow.net/wp-content/uploads/2023/07/210907-kabul-women-mb-0928-348x196.jpg)
په کابل کې ښځو د سنګارتونونو د تړلو پرضد لاریون وکړ چې طالبانو پر دوی ډزې وکړې او اوبه یې ورباندې وشندلې
دا ښځې تېره ورځ کابل کې سړکونو ته را وتلې وې او ګډونوالو یې د “کار، ډوډۍ او عدالت غوښتنې” شعارونه ورکول.
احتجاج کوونکو ښځو چې لاریون یې پیل کړی وو، د طالبانو امنیتی ساتونکو یې مخه نیولې او د تیت او پرک کولو لپاره یې پرې اوبه شیندلې دي.
نور ولولئ: د جرمني لومړی وزیر: د افغان ښځو او نجونو لپاره باید کار وکړو
یو شمېر لاریونوالو ښځو ادعا کړې، چې دوی د طالبانو د امنیتي کسانو له خوا “ټیل وهل شوې” او د خورولو لپاره یې هوایی ډزې هم کړې دي.
په دې اړه طالبانو څه نه دي ویلې
طالب چارواکي تر دې دمه د دغه لاریون په اړه له خبرو ډډه کوي، خو په تېر کې هم طالبانو د ګڼو هغو ښځو مخه نیولې چې ښځو ته د کار او زدکړو د حق غوښتلو لپاره احتجاجونو ته راوتلې وې.
په افغانستان کې د ملګرو ملتونو استازولۍ یوناما په دغه لاریون کې د طالب ځواکونو له خوا “زور کارونې ژوره اندېښنه ښوولې.”
یوناما پر ټوېټر ویلي “افغانان د دې حق لري چې له تاوتریخوالي پرته خپل نظر څرګند کړي او د طالب واکمن باید دا په پام کې ونیسي
د نړیوالو غبرګونونو دوام
دا غبرګونونه وروستي نه دي بلکې له دې وړاندې هم نړیوالو سازمانونو او د بشر حقونو بنسټونو د ښځو پر وړاندې د طالبانو پر تبعیضي چلند سخت غبرګونونه ښودلي دي، خو طالبان بیا وايي چې دوی ښځو ته حقوق ورکړي دي.
نړیوال د ښوونځیو او پوهنتونونو د خلاصون غوښتنه کوي، خو طالبانو تر اوسه په دې اړه کوم عملي اقدام نه دی کړی او ښځې یې له هر ډول حقوقو محرومې کړي دي.
لا زیات ولولئ: ملګري ملتونه: طالبانو د افغان ښځو او نجونو په اړه خپلې ژمنې ماتې کړې
ملګري ملتونه: طالبانو د افغان ښځو او نجونو په اړه خپلې ژمنې ماتې کړېملګري کلتونه مل
د طالبانو حکومت د امر بالمعروف وزارت د جولای پر دریمه افغانستان کې ټولو سینګارتونو ته یوه میاشت کې د تړلو امر کړی و.
طالبانو ویلي وو، دا پرېکړه یې د خپل مشر مولوي هبت الله اخونزاده پهامر سینګارتونونو کې د ډېرو لګښتونو او هغو کارونو مخنیوي په موخه کړې چې د دوی په باور په “شریعت کې یې جواز نشته.”
د طالبانو دغه پرېکړه د عامو خلکو له نیوکو سربېره هغه ښځې هم اندېښمنې کړې دي، چې کلونه یې دې برخه کې کار کړی او له دې درکه یې خپلو کورنیو ته روزي ګټله.