د افغانستان کرکټ بورډ نن رسنیو ته ویلي، چې ملي لوبډله به د راتلونکې اګست میاشت کې ایرلېنډ ته سفر ولري او هلته به په سټورمونټ لوبغالي کې له کوربه لوبډلې سره شل اوریزې لوبې ترسره شي.
دغه لوبې چې د اګست میاشتې میاشتې له ۹مې نیټې به پیل شي او تر ۱۷مې نیټې به دوام وکړي، د راتلونکي نړیوال جام ته د چمتوالي په موخه برابرې شوي دي.
د کرکټ بورډ اجراییوي مشر نصیب خان ویلي دي چې افغانستان له یوې لسیزې راپدیخوا له ایرلینډ سره د لوبې کولو ډېره تجربه لري او دا لوبه به د دواړو ترمنځ غوره بڼه خپله کړه.
نور یی ولوله | په ترکیه کې د مارشال دوستم په کوربتوب د افغان سیاستوالو ناسته
هغه زیاتوي، موږ په نږدې راتلونکي کې له ایرلینډ سره یوه ټیسټ او درې یو ورځنیو لوبې هم لرو. د ویلو ده چې دا لوبې کوم بل وخت ترسره شي.
د افغانستان او ایرلېنډ لوبډلو ترمنځ لومړۍ شل اوریزه لوبه د اګست په ۹مه، دویمه ۱۱مه، دریمه ۱۲مه، څلورمه ۱۵ او پنځمه او وروستۍ شل اوریزه لوبه د همدې میاشتې په ۱۷مه ترسره کېږي.
