کرکټ کې د افغانستان ماته؛ هند لومړۍ لوبه وګټله
کرکټ کې د افغانستان ماته هغه مهال ثبت شوه چې هند د درې شل اوریزو لوبو د لړۍ په لومړۍ سیالۍ کې افغانستان ته په اوو وېکټو ماتې ورکړه.
افغانستان د پچې له بایللو وروسته لومړی توپ وهنه وکړه او په ۲۰ اورونو کې یې د اتو لوبغاړو په سوځېدو ۱۵۶ منډې جوړې کړې. هند ورکړل شوی هدف په ۱۴ اورونو کې د درېیو لوبغاړو په زیان پوره کړ.
عظمت الله عمرزي نیمه سلیزه ووهله
عظمت الله عمرزي د افغانستان لپاره تر ټولو ډېرې ۶۴ منډې وکړې او تر پایه ناسوځېدلی پاتې شو. دا په شل اوریزو نړیوالو سیالیو کې د هغه دویمه نیمه سلیزه ده.
محمد نبي هم ۳۳ منډې جوړې کړې، خو صدیقالله اتل ۱۳، ابراهیم ځدراڼ ۱۱ او مجیبالرحمن ۹ منډې وکړې.
د هند په توپ اچونه کې ارشدیپ سېنګ درې افغان لوبغاړي وسوځول، په داسې حال کې چې جسپریت بومرا، اکشر پټېل او ورون چکرورتي یوه ـ یوه وېکټه واخیسته.
کرکټ کې د افغانستان ماته، ابیشیک شرما هند بریا ته ورساوه
هند د هدف په تعقیب کې چټکه لوبه وکړه او ابیشیک شرما ۸۲ منډې جوړې کړې. ایشان کېشن ۴۲، سنجو سمسن ۱۰، شرییاس ایر ۸ او تلک ورما درې منډې وکړې.
د افغانستان لپاره محمد نبي دوه او عظمت الله عمرزي یوه وېکټه واخیسته، خو د هند د چټکې توپ وهنې مخه یې ونه شوای نیولی.
د درې لوبو لړۍ
کرکټ کې د افغانستان ماته د دې لړۍ په لومړۍ لوبه کې د هند د اوو وېکټو بریا په معنا ده. د افغانستان او هند ترمنځ د درې شل اوریزو لوبو دا لړۍ د افغانستان په کوربهتوب په ډیلي کې ترسره کېږي.
