په هند کې د حجاب مسئلې په اړه هندي کرکټران هم د حجاب په حق کې میدان ته راووتل، چې له هغې ډلې هندي کرکټر یوسف پټان د حجاب ملاتړ کړی دی.
د هند په کرناټک ایالت کې پر حجاب د بندیز پر مهال د هند کرکټ لوبغاړي یوسف پټان په ټولنیزو رسنیو کې له خپلې مېرمنې سره، چې حجاب اغوستی و، یو عکس خپور کړی و.
یوسف پټان یاد عکس د مسلمانانو لخوا وستایل شو، خو هندو افراطیانو پرې سختې نېوکې وکړې او له عکس څخه د یوسف پټان موخه د حجاب ملاتړ کول و.
نور یی ولوله | نواز الدین صدیقي خپل خوب په حقیقت بدل کړ
د ویلو ده چې د هند په کرناټک ایالت کې حکومت د ښځینه محصلینو پر حجاب بندیز ولګاوه، چې وروسته له هغې ښځینه زده کوونکې د خپل دیني ارزښتونو دفاع لپاره مبارزه پیل کړه.
د زده کوونکو له اعتراضونو وروسته حکومت پرېکړه وکړه چې تعلیمي ادارې وتړي، چې اوس د ابتدايي ښوونځیو د بیا پرانیستلو په حال کې دي.
