د دفاع وزارت چارواکي
د اسلامي امارت مشر د قول اردوګانو او د ملي دفاع وزارت د سټراټېژیکو استخباراتو معینیت مسوولینو ته لارښونه کوي چې له بندیانو سره د شرعي احکامو مطابق چلن وکړي او له نا روا ربړونې دې ډډه وکړي.
مولوي هبت الله اخندزاده
مولوي هبت الله اخندزاده له دغو چارواکو سره په کتنه کې ویلي، چې د اسلامي امارت ځواکونه باید د تحقیق او تعقیب پر مهال بې ګناه کسان ونه نیسي. د اسلامي امارت د ویاند مرستیال بلال کریمي په دې هکله وايي:«د اسلامي اصول له مخې هغوی باید د ظالمانه قوانینو په رڼا کې ونه ځورول شي او له هغوی سره د اسلامي احکامو او اسلامي شریعت په رڼا کې چلن وشي
نور یی ولوله | یو شمېر سوداګر د خپلو توکو د بازار پیکه کېدو ته اندېښمن دی
نور یی ولوله | د افغانستان بانک: نوي بانک نوټونه به د اړتیا پر بنسټ بازار ته وړاندې شي
د اسلامي امارت ویاند
د اسلامي امارت ویاند مرستیال زیاتوي، مولوي هبت الله آخندزاده د قول اردوګانو مسوولینو سره په لیدنه کې د اسلامي امارت د ځواکونو له لیکو د نامطلوبو کسانو پر ویستلو هم خبرې کړې دي. ښاغلي کریمي وویل:«مسوولینو ته په دې برخه کې سپارښتنې شوې، چې صفونه باید مخلصو، متحدو او ژمنو کسانو څخه تشکیل وي، ترڅو هېواد، دین او ولس ته ښه خدمتونه عرضه کړي او د هېواد پرمختګ او سوکالۍ ته لاره هواره شي.
د سیاسي چارو شنونکی
بلخوا د سیاسي چارو شنونکی سید بلال احمد فاطمي په دې اړه داسې وايي:«دا مسله د اسلامي شریعت سره برابره ده او په عین حال دا له نړۍوالو قوانینو سره هم درست رفتار دی، چې اسلامي او نړۍوال قوانین په دې برخه کې سره نږدې دي. د خبرپاڼې له مخې د اسلامي امارت مشر د نظام حاکمیت او د فساد په له منځه وړلو کې د استخباراتو رول مهم بللی دی
