د اسلامي همکاریو سازمان: “د افغانستان په اړه به غونډه راوغواړو”
![organization of islamic](https://afghannow.net/wp-content/uploads/2024/02/Organization-of-Islamic-780x470.jpg)
د اسلامي همکاریو سازمان وايي چې په ګامبیا کې د افغانستان په اړه ځانګړې ناسته جوړوي
د اسلامي همکاریو سازمان د یوې خبرپاڼې په خپرولو سره ویلي، چې په دې ناسته کې د افغانستان په چارو کې د دغه سازمان ځانګړی استازی طارق علي بخیت هم برخه اخلي.
طارق علي بخیت د دوحې ناستې په څنډه کې د افغانستان لپاره د یو شمېر هېوادونو له ځانګړو استازو سره هم کتلي دي.
د افغانستان د وضعیت په اړه بحثونه
د اسلامي همکاریو سازمان په افریقایي هېواد ګامبیا کې د افغانستان په اړه د یوې ناستې د ترسره کېدو خبر ورکړ. دغه سازمان د سې شنبې په ورځ (د کب لومړۍ) نیټه وویل، چې د افغانستان وضعیت به د دې ناستې له لومړیتونو څخه وي.
![organization of islamic1](https://afghannow.net/wp-content/uploads/2024/02/Organization-of-Islamic1-300x170.jpg)
د اسلامي همکاریو سازمان په اېکس ټولنیزه پاڼه د یوې خبرپاڼې په خپرولو سره زیاته کړې، چې په دې ناسته کې د افغانستان په چارو کې ددغه سازمان ځانګړی استازی طارق علي بخیت هم برخه اخلي.
د خبرپاڼې له مخې، طارق علي بخیت د دوحې ناستې په څنډه کې د افغانستان لپاره د یو شمېر هېوادونو له ځانګړو استازو سره هم کتلي دي.
نور ولولئ: د اسلامي همکاریو سازمان د اسلاماباد غونډه کې د افغانستان پر وضعیت خبرې کوي
نور ولولئ: کابل کې د اسلامي همکاریو سزمان دفتر رسماً پرانیستل شو
نور ولولئ: د اسلامي همکاریو سازمان: زموږ پلاوي د نجونو د زده کړو او د ښځو کار په اړه له طالبانو سره خبرې کړي
خبرپاڼه زیاتوي، چې په دې کتنه کې نوموړي له افغانستان سره د اسلامي همکاریو د سازمان پر ژمنو او له طالب چارواکو سره پر رغنده خبرو ټینګار کړی دی.
په کامرون کې بله غونډه
په خبرپاڼه کې راغلي، چې ټاکل شوې د اسلامي همکاریو د سازمان (د بهرنیو چارو د وزیرانو شورا) تر نامه لاندې بله غونډه په کامرون کې جوړه شي.
![organization of islamic2](https://afghannow.net/wp-content/uploads/2024/02/Organization-of-Islamic2-300x170.jpg)
د دې غونډې د ترسره کېدو د کره وخت په اړه څه نه دي ویل شوي.
د افغانستان په اړه د دوحې ناسته د یکشنبې او دوشنبې په ورځو د بېلابېلو هېوادونو د استازو په حضور کې جوړه شوه. د ملګرو ملتو سرمنشي په دې ناسته کې ټینګار کړی چې د دغه سازمان غونډې ګټورې وې.
د اسلامي همکاریو سازمان په تېره لیندۍ میاشت د افغانستان په چارو کې د امریکا د ځانګړي استازي ټام ویسټ په شتون کې د بشري مرستو او د کډوالو، ښځو او نجونو د وضعیت په اړه غونډه وکړه.
اخوا طالبان بیا وايي چې د افغانستان اوسنی وضعیت د ډاډ وړ دی، خو بل لورته دوی د افغان ملت او نړیوالو مشروعیت نه لري.
د یادونې وړ ده چې طالبان شاوخوا په دوو کلونو کې د نړیوالو اندېښنو ته ځواب نه دی ویلی.