د پاکستان دفاع وزیر خواجه اصف وايي، طالبان له اسلام اباد سره د ترهګرو په ځپلو کې مرسته نه کوي
هاخوا د پاکستان نیشنل پارټي، جمعیت علماء اسلام او نورو ګوندونو په خیبرپښتونخوا او شمالي وزیرستان کې د پاکستان د عزم استحکام عملیاتو د پیلولو مخالفت کړی او ویلي یې دي چې دا یوه جنګي تجربه ده.
تازه د پاکستان دفاع وزیر خواجه محمد اصف له پاکستاني وسله والو سره د طالبانو حکومت اړېکو ته په اشارې سره ویلي، چې طالبان د ترهګرۍ ضد د پاکستان د نويو عملیاتو ملاتړ نه کوي.
پاکستان کې د وسله والو بریدونو زیاتوالی
دی وايي، چې یو شمېر طالب چارواکي له پاکستاني طالبانو سره خواخوږي لري.
د پاکستان امنیتي ځواکونو په خیبرپښتونخوا او بلوچستان ایالتونو کې د ترهګریزو بریدونو له زیاتوالي وروسته د پاکستاني طالبانو د ځپلو لپاره د «عزم استحکام» په نوم نوي عملیات پیل کړي دي.
نور ولولئ: اسلام اباد له طالبانو د ټي ټي پي د له منځه وړلو غوښتنه وکړه
نور ولولئ: د پاکستان پوج: کراچۍ کې مو د ټي ټي پي خطرناکه اوولس کسیز ګروپ نیولی
نور ولولئ: اسلام اباد له طالبانو د ټي ټي پي د له منځه وړلو غوښتنه وکړه
ښاغلي اصف د سې شنبې په ورځ د چنګاښ په پنځمه د پاکستان ډان نیوز ته وویل، چې ایران په بلوچستان ایالت کې د بلوڅ وسله والو د فعالیتونو سرچینه نه ده او تهران د وسله والو پر ضد د پاکستان د نویو عملیاتو ملاتړ کړی.
د ټي ټي پي او افغان طالبانو تر منځ خواخوږي
د پاکستان د دفاع وزیر وویل: «دا د افغانستان لپاره توپیر لري. ځکه چې په طالبانو کې داسې کسان شته چې له پاکستاني طالبانو سره خواخوږي لري، تر دې مخکې ټي ټي پي په افغانستان کې د طالبانو تر څنګ د تېر جمهوري حکومت په وړاندې جګړه کوله.»
پاکستان له څو میاشتو خونړیو بریدونو وروسته د پاکستاني وسله والو پر ضد نوي عملیات پیل کړي دي. په همدې حال کې اسلام اباد تور لګوي چې د طالبان حکومت ټي ټي پي ته پناه ورکړې او د هغوی د بریدونو مخه نه نیسي.
د طالبانو حکومت د پاکستاني وسله والو د ځپلو او شړلو لپاره د پاکستان غوښتنه رد کړې او له دغه هېواده یې غوښتي چې له ټي ټي پي سره خبرې اترې وکړي.
په ورته وخت کې په پاکستان کې تحریک طالبان پاکستان د پاکستان پر پوځ او ټوله امنیتي دستګاه مرګوني بریدونه کوي او هر ورځ درانه تلفات ور اړوي.
په افغانستان کې د طالبانو رژیم هر ځل د پاکستان د ادعاوو په اړه ویلي چې ټي ټي پي افغانستان کې نشته او داد پاکستان کورنۍ ستونزه ده.
