ایران، حزب الله او د یمن حوثیانو دغه کار د اسرائیلو د استخباراتو عمل بللی دی
په دې چادونو کې په زرګونو کسان ټپیان شوي هم دي چې د ځینو حالت نازک بلل شوی دی، خو حزب الله ګواښ کړی چې له اسرائیلو به ددغه برید غچ واخلي.
د لبنان په بېلابېلو سیمو کې د حزبالله غورځنګ “سلګونه” غړي د پېجرونو په چاودنو کې ټپي شوي دي. دغه پېښه سې شنبې (۱۷ سپټمبر) رامنځ ته شوې دي.
د لبنان روغتیا وزیر ویلي، لږترلږه ۹ کسان وژل شوي او ۲۷۵۰ نور ټپيان دي. د ځینو ټپيانو روغتیايي وضعیت نازک ښودل شوی دی.
د پیچر په چاودنه کې د ایران د سفیر ټاپي کېدل
ایرانۍ رسنۍ وايي، بېروت کې د ایران سفیر مجتبی اماني هم ټپي شوی دی.
حزب الله منلې چې په وژل شویو کې دوه د دوی غړي او یوه کوچنۍ نجلۍ ده.
بلخوا د سوریې د بشري حقونو سازمان چې مرکز یې په لندن کې دی وايي، په سوریه کې هم د حزبالله د وسله والو پېجرونه چاودلي دي.
نور ولولئ: استرالیا هڅه کوي د سایبري بریدونو په وړاندې خپله ټکنالوژي پیاوړې کړي
نور ولولئ: استرالیا هڅه کوي د سایبري بریدونو په وړاندې خپله ټکنالوژي پیاوړې کړي
نور ولولئ: هکرانو افغانستان کی فیسبوک کارکونکی په نښه کړی
د لبنان بېلابېلو سیمو کې له ځینو روغتونونو د خلکو د هلې ګولې تصویرونه خپاره شوي دي.
اټکل دا کېږي چې ښايي د مرګژوبلې شمېره لوړه شي.
د ایران غبرګون
حزب الله ته نژدې یوې امنیتي سرچینې اې اېف پي خبري اژانس ته ویلي، چې د دوی په اند اسرائیل د حزب الله د غړو پر وړاندې د فېجرونو چاودنو کې لاس لري.
د ایران د بهرنیو چارو وزارت د دغو بريدونو په غندلو سره د دې پړه پر اسرائیلو اچولې ده. د دغه وزارت وياند وايي،”په لبنان کې د نن ورځې ترهګریز عملیات د صهیونیستي رژيم او د هغوی د لاسپوڅو له خوا ترسره شوي چې د ټولو اخلاقي او انساني اصولو، نړيوالو حقونو په ځانګړې توګه د نړيوالو بشردوستانه حقونو خلاف دي.”
پیچر څه ډول مخابراتي دستګاه ده؟
پیجر د مخابراتي اړیکو وسیله ده چې د راډیويي څپو له لارې لنډلیکلی متن او غږیز پیغام ور استول کېدای شي.
پېجرونه لومړی ځل په ۱۹۵۰مه او ۶۰مه لسیزه کې جوړ او خدمت ته وړاندې شول.
هر پېجر د تېلفون په څېر خپله ځانګړې شمېره لري.
د کیودو خبري اژانس د رپوټ له مخې تر ۱۹۹۶ کال پورې جاپان کې یوازې توکبو شرکت ۱ اعشاریه ۲ میلیون کسانو ته د پېجر په وسیله د لنډلیکلي پیغام یا مسج استولو خدمت وړاندې کاوه او په ټول جاپان کې یې د کاروونکو شمېر ۱۰ میلیونه کسانو ته رسېده.
دا په داسې حال کې ده چې د امریکا د بهرنیو چارو وزارت د لبنان په بریدونو ناخبري وښوده او یې ویل، دوی ته په دې اړه معلومات نه دي ورکړل شوي.
