په ترکیه کې د یو شمېر افغان سیاستوالو غونډه د اعلامیې له خپریدو پرته پای ته ورسیده
راپورونه وايي چې د ترکیې په استانبول کې د یو شمېر افغان سیاسي څېرو دوه ورځنۍ غونډه، چې د “ملي خبرې اترې بهیر” په نوم د پنجشنبې په ورځ پیل شوې وه، د جمعې په ورځ پای ته ورسېده.
ویل کیږي چې دا غونډه د ترکیې په ملاتړ ترسره شوې وه او د افغانستان د پخواني حکومت یو شمېر معتدله او ځوانو جګپوړې څېرو پکې ګډون کړی وو، خو دا غونډه د جمعې په ورځ بې له دې چې کومه اعلامیه خپره کړي، پای ته ورسیده.
د اجنډا او هدف
د غونډې برخوالو هڅه وکړه چې د خپلې اجنډا او هدف په اړه رسنیو ته څه ونه وايي.
ځینو رسنیو ویلي چې دا غونډه د جمهوري نظام د باندنیو چارو پخوانی مرستیال وزیران حکمت خلیل کرزي، ادریس زمان، او همداراز د اقتصاد پخواني وزیر مصطفی مستور، په مشرۍ ترسره شوه.
د دې غیرعلني غونډې بحثونه د افغانستان د سیاسي وضعیت ارزونې او د ثبات د لارو چارو موندلو ته ځانګړي شوي وو.
نور ولولئ: د افغان-قزاق سوداګریز وصل کېدل او دویم لوی نندارتون
نور ولولئ: په ملي صنعت او نړیوال نندارتون کې ښځې سوداګرې
د افغانستان د ملي ګوند مشر، جعفر مهدوي، په غونډه کې د ګډون لپاره له کابل څخه دې استانبول ته تللی و.
مهدوي په غونډه کې وویل: “زه هیله لرم چې د طالبانو چارواکي به د دې ارزښتمن اسلامي او ملي دریځ په درک کولو ګټور ګامونه پورته کړي، ترڅو د ټول شموله خبرو اترو لپاره زمینه برابره کړي.”
مشخص جزیات نه دي خپاره شوي
سرچینو تایید کړه چې شاوخوا ۵۰ کسانو په دې غونډه کې ګډون کړی وو، چې پکې د افغانستان د پخواني حکومت سیاسي استازي او د ښځو د حقونو فعالانې لکه شکریه بارکزۍ، فوزیه کوفي، او شاه ګل رضایي شاملې وې.
خو ګډونوالو د بحثونو مشخص جزییات نه دي خپاره کړي.
په ترکیه کې د طالبانو پخواني مخالفان، چې ډېر یې جنګسالارن بولي، هم کله نا کله حضوري او انلاین غونډې کوي خو راپورونه وايي چې د ترکیې حکومت اجازه نه ورکوي چې له دغه هیواده د طالبانو پر ضد پراخ فعالیت وکړي.
خو داسې هم ویل کېږي چې دغه ناسته د حامد کرزي او ډاکټر عبدالله عبدالله په هڅو له طالبانو سره د خبرو اترو لپاره هڅه وه، خو تر اوسه دغه خبره تائید شوي نه ده.
