انګلنډ په ۲۰ اوریزه لوبلړۍ کې ویسټ انډیز ته ماته ورکړه او د لوبلړۍ اتله شوه
ویسټ انډیز له انګلېنډ سره د ۲۰ اوریزو لوبو لړۍ درلوده چې دریمه لوبه انګلېنډ ترې وګټله او ویسټ انډیز یې د اتلولۍ له ګټلو بهر کړ.
د انګستان کرېکټ ملي لوبډلې د پنځو ۲۰ اوره سیالیو لوبلړۍ په درېیمه لوبه کې د درې وېکټو پر مټ کوربه ویسټانډیز ته په خپل کور کې ماتې ورکړه او د یادې لوبلړۍ اتلولي یې په خپل نوم کړه.
دغه لوبه کله او چېرته وشوه؟
دا لوبه پنجشنبه د نوامبر پر ۱۴مه د ویسټانډیز په کوربهتوب په «ګروس ایسلېټ» لوبغالي کې شوې ده.
د لوبې ټاس انګلېنډ وګاټه او لومړی یې توپوهنه وکړه چې ویسټانډیزۍ لوبډلې خپلو ۸ لوبغاړو په زیان سره د رومن ۵۴، روماریو ۳۰ او الزاري جوزف ۲۱ منډو پر مټ ۱۴۶ منډې هدف وټاکه.
نور ولولئ: افغان ملي لوبډلې بنګله دیش ته په لوی توپیر ماته ورکړه
نور ولولئ: د بنګله دېش او افغانستان تر منځ یو ورځنۍ کرېکټ لوبې نن پیلېږي
نور ولولئ: سريلانکا سره لوبلړۍ ته افغان کرکټ بورډ لوبډله اعلان کړه
په توپاچونه کې د انګستان په ګټه جوفرا یوه، ثاقب محمود او جېمي اورټون درې-درې وېکټې واخیستې.
ثاقب چې ۴ اورونو کې ۱۷ منډې ورکړې او درې وېکټې یې واخیستې د لوبې غوره لوبغاړی ونومول شو او جایزه یې واخیسته.
بلخوا، انګلېنډۍ لوبډلې د خپلو ۷ لوبغاړو په زیان سره د سام کوران ۴۱، لیام لیوېنګسټون ۳۹ او وېل جېکز ۳۲ منډو پر مټ ۱۴۹ منډې وکړې او ټاکل شوي هدف ته یې ځان ورساوه.
د دغه سریز اتله لوبډله
انګلستان د دې لوبې په ګټلو سره د یادې لوبلړۍ اتلولي وګټله.
لیونګسټون په ۲۹ توپونو پرته له کوم چوکۍ څخه د جوزف په ډیپ میډ ویکټ کې منډې جوړې کړې خو د پورن لخوا په پرله پسې اوورونو کې په شپږو او اتو منډو وسوځید. انګلینډ په یو سست آؤټ فیلډ کې سینګلز ترلاسه کړل مګر د غوښتنې نرخ لوړیدو سره ، کورن د موټي په وروستي بال مستقیم شپږیزه ووهله.
په توپاچونه کې د کوربه ویسټانډیز لپاره اکیل حُسین څلور، الزاري، ټیرېنس او ګوداکېش موتي یوه-یوه وېکټه واخیسته، خو د لوبې په ګټلو کې پاتې راغلل.
د یادونې ده چې له دې مخکې د یو ورځنیو سیالیو لوبلړۍ دوه پر یو ويسټانډیزۍ لوبډلې ګټلې وه.
