د طالبانو د سرې میاشتې مشر شهاب الدین دلاور د بیلګیټس له بنسټ څخه د مرستو غوښتنه کړي ده
د طالبانو د سرې میاشتې ریاست رئیس شهاب الدین دولار د بیلګېټس بنسټ ته ویلي چې د سرې میاشتې ریاست سره مرسته وکړي تر څو دوی بیا د بې وزله افغانانو لاسنیوی وکړي.
د طالبانو تر واک لاندې باختر اژانس وايي، چې د دغې ډلې د سرې میاشتې مشر د اسیا لپاره د بیلګیټس له بنسټ څخه د مرستو غوښتنه کړې. شهاب الدین دلاور د اسیا لپاره د بیلګیټس بنسټ د پولیو څانګې له مشرې اناماریا سره په کابل کې کتلي.
له بېلګېټس بنسټ د هکارۍ غوښتنه
د طالبانو تر واک لاندې باختر اژانس په خپله ایکس پاڼه لیکلي، چې د دغې ډلې د سرې میاشتې مشر شهاب الدین دلاور تېره ورځ یکشنبه د (لړم ۲۷مه) په کابل کې د اسیا لپاره د بیلګیټس بنسټ د پولیو څانګې له مشرې اناماریا سره کتلي او له هغې یې د مرستو غوښتنه کړې.
د مایکروسافټ کمپنۍ مخکنی مشر بیلګټس یو امریکايي شتمن دی چې د نړۍ د تر ټولو شتمنو کسانو په کتار کې راځي.
نور ولولئ: سیګار: امریکا د طالبانو تر حاکمیت لاندې افغانستان سره ۸۸۵ میلیونه ډالره مرستې کړې
نور ولولئ: مولوي نور جلال جلالي: افغانستان کې د روغتیايي ستونزو د حل لپاره نړیوالې مرستې ضرور دي
باختر اژانس دا نه دي ویلي، چې دغه طالب چارواکي له دغه امریکايي بنسټ څخه په کومه برخه کې د مرستو غوښتنه کړې.
تر دې وړاندې د طالبانو مشر ملا هبتالله په سوېلي ولایتونو کې د پولیو واکسین پر کمپاین بندیز لګولی و چې تر بهرنیو فشارونو یې وروسته د بڼې بدلیدو په پلمه (د کور په کور په ځای جومات په جومات) دغو واکسینو ته په محدود ډول اجازه ورکړه.
د ښځو پر زده کړو او کار د طالبانو بندیز
طالبانو په افغانستان کې د نجونو او ښځو په زدهکړو او کار بندیز لګولی او وايي چې دغه کار یې د شریعت د ښه پلي کولو په موخه کړی خو دوی بیا له بهرنیو ښځو سره لیدنې کتنې کوي.
که څه هم دغې بهرنۍ مرسته کوونکې خپله څه نه دي ویلي، خو طالبانو د اسیا لپاره د بیلګېټس بنسټ د مسوولې اناماریا له قوله ویلي، چې هغې د افغاني سرې میاشتې خدمتونه ستایلي او ژمنه یې کړې چې له اړمنو او ناروغانو سره به د افغاني سرې میاشتې له لارې مرستې کوي
بل خوا طالبان داسې مهال ددغه مرستې غوښتنه کوي چې له دې وړاندې څو ځلې د سیګار ادارې په خپل راپور کې ویلي وو چې طالبان د موسساتو او بهرنیو مرسته کوونکو ادارو په چارو کې لاسوهنه کوي.
