اړوند خبرونه:
د ای سي ای لخوا د طالبانو پرضد د پخوانیو افغان سیاستوالو د کارولو نوي هڅه
م.م. کې د امریکا سفیره وايي، امریکا طالبان په رسمیت نه پیژني
ذبیح الله مجاهد: پخواني سیاستوال د ای ایس ای په مرسته بیا واک ته نه شي راتللی
ځوان سیاستوال او د ډیموکراتیک ګوند غړی «زهران ممداني» د ښاریانو له نیمایي ډېرو رایو په ګټلو سره د نیویارک ښار د لومړني مسلمان ښاروال په توګه ټاکل شوی دی.
د نیویارک د ښاروال په وروستیو ټاکنو کې، ۳۴ کلن زهران ممداني وکولای شول چې له ۵۰ سلنې څخه ډیرې رایې ترلاسه کړي، او له خپل اصلي سیال «انډریو کوومو» څخه مخکې شي.
انډریو کومو د ډېرو شتمنو مالي ملاتړ درلود، خو یوازې شاوخوا ۴۳ سلنه رایې ترلاسه کړې او د پایلو له اعلان وروسته یې ویلي چې هغه د نیویارک د خلکو پریکړې ته درناوی کوي.
د جمهوري غوښتونکي ګوند نوماند کرتیس اسلیوا هم په وروستیو پایلو لږ اغیزه درلوده، چې له ۵ سلنې څخه یې کمې رایې ترلاسه کړې. ویل کیږي چې له ۱.۸ میلیون څخه زیاتو خلکو په ټاکنو کې برخه اخیستې وه، دا هغه پیښه ده چې ډیری یې د امریکا په سیاست کې د نسلي بدلون سمبول ګڼي.
روسیه: ا.ا به امریکا ته اجازه ورنکړي چې د بګرام اډې ته بېرته راشي
زهران ممداني، چې کورنۍ یې په هند کې ریښې لري، د کارګرانو او منځنۍ طبقې د حقونو کلک مدافع دی. د خپل ټاکنیز کمپاین په جریان کې، هغه په ټولنیز عدالت، د کورونو د شرایطو ښه کولو او د ژوند لګښت کمولو باندې تمرکز وکړ، هغه چلند چې د ځوانو رایه ورکوونکو پراخه پاملرنه یې ځانته راواړوله.
ممداني لومړنی شیعه مسلمان او تر ټولو ځوان کس دی چې پخوا یې د نیویارک ایالتي اسمبلۍ کې دنده ترسره کړې او د خپلو مترقي دریځونو او د دودیزو ډیموکراتیک ګوند پالیسیو د نیوکې لپاره پیژندل کیده.
سیاسي کارپوهان وايي چې د ممداني بریا په ډیموکراتیک ګوند کې د مترقي سیاستوالو د نوي نسل د راپورته کیدو نښه ده؛ هغه نسل چې هڅه کوي د حکومت او خلکو ترمنځ واټن کم کړي او د امریکا په سیاست کې د ټیټو طبقو غږونه ډیر مهم کړي.
