د ترانس افغان رېللارې لپاره د ازبکستان فرمان؛ د ۸.۲ میلیارده ډالرو په ارزښت پروژه تصویب شوه
د ترانس افغان رېللارې په اړه د ازبکستان فرمان په رسمي ډول لاسلیک شو؛ د دې سیمهییزې پروژې د مسیر، لګښت او د ازبکستان، افغانستان او پاکستان ترمنځ د هوکړې په اړه بشپړ جزیات دلته ولولئ.
د ازبکستان ولسمشر شوکت میرضیایف په ترانس افغان رېللاره کې د خپل هېواد د ګډون او د دغې سترې پروژې د امکانسنجۍ مطالعې په موخه د ازبکستان فرمان لاسلیک کړ. دغه فرمان چې د تاشکند له خوا په رسمي ډول تصویب شوی، د منځنۍ او جنوبي اسیا ترمنځ د نوي ترانزیټي دهلېز د رامنځته کېدو پر لور یو مهم ګام بلل کېږي.
د ازبکستان فرمان او درې اړخیزه موافقه
د ازبکستان د رسنیو د راپورونو له مخې، دغه هوکړه لومړی د ۲۰۲۵ کال د جولای په ۱۷مه د ازبکستان، افغانستان او پاکستان ترمنځ لاسلیک شوې وه. اوس چې د ازبکستان فرمان صادر شوی، دغه پروژه د عملي کېدو پړاو ته داخله شوې ده. د دې هوکړې پر بنسټ به د ازبکستان د ترانسپورت وزارت، د طالبانو تر ادارې لاندې د افغانستان د ټولګټو وزارت او د پاکستان د رېللارو وزارت په ګډه د نایبآباد او خرلاڅۍ ترمنځ د رېللارې جوړولو ارزونه کوي.
د ازبکستان فرمان، د مسیر او مدیریت جزیات
د ولسمشر له خوا صادر شوی د ازبکستان فرمان د ازبکستان د ترانسپورت وزارت د دغې موافقې د پلي کېدو مسوول بنسټ ټاکلی دی. د وړاندیز شوې نقشې له مخې، دغه رېللاره به د ازبکستان له ترمذ ښاره پیل، د نایبآباد، میدانښار او لوګر له لارې تېره او په پای کې به د خیبرپښتونخوا خرلاڅي سیمې ته ورسېږي. د دغې پروژې ټولې چارې په تاشکند کې د نړیوالو ترانسپورتي دهلېزونو د پراختیا دفتر له خوا همغږي کېږي، چې په کابل او اسلاماباد کې هم څانګې لري.
د پروژې لګښت او اقتصادي اهمیت
که څه هم په ۲۰۱۸ کال کې د دغې پروژې لومړنی لګښت ۵ میلیارده ډالره اټکل شوی و، خو تازه ارزونې چې په د ازبکستان فرمان کې ورته اشاره شوې، ښیي چې دا لګښت ۸.۲ میلیارده ډالرو ته لوړ شوی دی. د دغې پروژې په بشپړېدو سره به په کال کې نږدې ۲۰ میلیونه ټنه بار د منځنۍ او جنوبي اسیا ترمنځ لېږدول کېږي، چې د سیمې پر اقتصاد به خورا مثبت اغېز ولري.
دا ستره پروژه نه یوازې د افغانستان د رېللارو د شبکې یوه مهمه برخه ده، بلکې د ازبکستان لپاره هم د جنوبي اسیا تودو اوبو ته د رسېدو تر ټولو نږدې او ارزانه لاره ګڼل کېږي.
