اسدالله خالد له دفاع وزارت نه داستعفا خبر رد کړ

اسدالله خالد د دفاع وزارت نه داستعفا خبر رد کړه په سوشل میډیا کې د ملي دفاع د وزرات د وزير ښاغلي اسدالله خالد د استعفا په اړه خبرونه لاس په لاس کېږي، د ملي دفاع وزير اسدالله خالد رسنیو ته د خپلې استعفا خبر در کړ او دا يې صرف اوازه وګڼله.

مخکې داسې خبر خپور شوی و چې ګواکي د ملي دفاع وزير اسدالله خالد د خپلې دندې څخه استعفا کړې ده او په ځای يې لوی درستیز یاسین ضيا ټاکل شوی دی.څو شېبې مخکې کې چې دا اوازه خپره شوه نو خبريال وېبپاڼې ددې اوازې د سپيناوي لپاره په دې هکله د سرچينو څخه پوښتنه وکړه او وروسته په رسمي ډول د ملي دفاع وزير دا خبر خبريال وېبپاڼې ته در کړ او دا يې صرف آوازه وبلله.

د هېواد‌ دفاع د وزرات په رهبرۍ کې هرڅه آرام او نورمال روان دي، ټول پخپلو دندو بوخت دي او د هېواد د ارامۍ او دفاع لپاره په ګډه کار کېږي.له بده مرغه چې ټولنيزې رسنۍ د زياتو ګټو سره سره د ناوړه نیت لرونکو کسانو لپاره د ناسم خبر خپرولو یوه ښه وسيله هم ده، دوی اکثره د خلکو د ګټو لپاره نا سم خبر خپروي او خلک په تشویش کې اچوي.

اوپه ټولنیزو رسنیو کې خبر ډېر په چټکۍ سره خپرېږي، د خبر زيات چټک خپرېدل ددې سبب شي چې ځينې د باور وړ کسان ان په دې ډول جعلي خبر او اوازې باندې باور وکړي.او بيا ځينې معتبرې سرچینې هم په دې غفلت کې ولوېږي او دا ډول خبر خپور کړي.

اسدالله خالد له دفاع وزارت نه داستعفا خبر رد کړ
اسدالله خالد له دفاع وزارت نه داستعفا خبر رد کړ

له بده مرغه چې د سوشل میډیا کارونکي هم ډېر وخت د خبر په سرچينه پسې سر نه خوږوي او فوراً خبر پخپل پروفایل کې هم نشروي چې دا د اوازې د عمومي کېدو سبب کېږي.اکثره خلک پیسو ګټلو لپاره هم دا ډول کارونه کوي. او خلکو باندې فکر کوي چې ګینی داعام ولس په دې تخنیکونو نه پوهیږي.

خالد: د سولې روانو خبرو باندې پوره باوري نه یو

خالد: د سولې روانوخبرو باندې پوره باوري نه یوداسې مهال چې د طالبانو او امریکا تر منځ د لاسلیک شوي توافق پر بنسټ له هیواده د بهرنیو ځواکونو د وتلو لړۍ پیل شوې ده او تر څنګ يې په دوحه کې د سولې خبرې هم جیریان لري.د افغانستان د دفاع وزارت سرپرست «اسدالله خالد» وایي، اوس هم باوري نه دی چې په قطر کې روانې خبرې به پایلې ولري.

ښاغلي خالد دغه خبرې په ولسي جرګه کې د خپلې کاري تګلارې د وړاندې کولو په مهال وکړې.هغه وویل، چې د بهرنیو ځواکونو شمېر شاید کم او یا هم زیات شي؛ خو داسې څه حس شوي نه دي چې وښيي بهرني ځواکونه به په بشپړ ډول له افغانستانه وځي؛ ځکه دده له قوله، د طالبانو او بهرنیانو تر منځ سوله شونې نه ده.او ښايي دا خبرې هيڅ پایلې هم ونلري ځکه دا خبرې لار پوره معلومه نده چې نوموړي وړاندې زیاته کړې، چې په قطر کې د روانو مذاکراتو په پایله باوري نه دی؛او نه هم کومه تمه لري.

خو دده په خبره، دا خبرې یې د سولې پروسې د مخالفت په معنی نه دي او دولتي عسکر له سولې ملاتړ کوي.د خالد له لوري پورته څرګندونې داسې مهال دي، چې په دوحه کې له تېرو دوو میاشتو راپدېخوا د سولې خبرې روانې دي.خولا هم سره په کوم توافق ندي رسېدلي او لا هم دويي لري چې یوې نتیجې ته به سره ژر ورسیږي.دړواړو ډلو د تماس ګروپ لا هم لنډو ورځو کې سره ناسته نده کړې.

خالد: د سولې روانو خبرو باندې پوره باوري نه یو
خالد: د سولې روانو خبرو باندې پوره باوري نه یو

طالبان وايي، حکومت د سولې پروسې ته د ترغیب پر ځای نړیوال په افغانستان کې جګړې ته راکاږي او هڅه کوي د افغانستان د سولې په پروسه ولس او نړیواله ټولنه بې باوره کړي.ځکه ددويي په وینا دويي لا هم جګړه غواړي او غواړي خپل حکومت مخ ته بوزي تر څو دويي د واکه لرې نشي.

ورته مهال د امریکا ولسمشر «ډونالډ ټرمپ» هم په دفاع وزارت کې هم پراخ بدلونونه راوستي تر څو وکولای شي، له افغانستانه خپل عسکر په چټک ډول وباسي.او خپل کوم مشن ېې چې دی هغه سر ته ورسوي د نوموړي مشن او هدف دا وو چې ژر تر ژره ټول عسکر ځپل هېواد ته راستانه کړي.

اشرف غني د مسعود او رباني د تلین نمانځلو لپاره کمېسیون ګمارلی

ولسمشر غني د شهید اونۍ، د هیواد د ملي اتل احمد شاه مسعود د شهادت د نوولسم تلین او د سولې شهید پروفیسور استاد برهان الدین رباني د شهادت د نهم تلین د درناوي مراسمو لپاره کمېسیون وګوماره دغه کمیسون به د احمدشاه مسعود او نورو تلینونو لمانځلو په ورځ د امنیت ټینګښت په خاطر اقدامات وکړي

دهېوادجمهوررئیس محمد اشرف غني د یو حکم له لارې د شهید اونۍ، د هیواد د ملي اتل احمد شاه مسعود د شهادت د نوولسم تلین او د سولې شهید پروفیسور استاد برهان الدین رباني د شهادت د نهم تلین د درناوي مراسمو لپاره لس کسیز کمېسیون وګوماره. د دې حکم پر بنسټ د ملي دفاع وزیر اسدالله خالد په مشرۍ د افغانستان اسلامي جمعیت ګوند رئیس سید عنایت الله شاداب، د جمهوري ریاست د دیني چارو سلاکار مولوي عنایت الله بلیغ، د مسعود بنسټ رئیس احمد ولي مسعود، د کورنیو چارو وزارت ستر امنیتي مرستیال،

اوهمدارازد مارشال محمد قسیم فهیم بنسټ رئیس ادیب فهیم، د اطلاعاتو فرهنګ وزارت نشراتي معین، د کابل امنیه قوماندان، د لوړپوړو مقاماتو د ساتنې او امنیت عمومي رئیس، د کابل د ملي امنیت رئیس او د ملي راډیو ټلویزیون عمومي رئیس د یاد کمېسیون غړي دي. جمهوررئیس محمد اشرف غني په دې حکم کې کورنیو چارو وزارت، ملي امنیت عمومي ریاست او د کابل د ګډو ځواکونو قومانداني مکلف کړي چې د دغو مراسمو امنیت ټینګښت لپاره ځانګړي پاملرنه وکړي

د کابل حکومت مشر «اشرف غني» د پخواني جګړه مار  «احمد شاه مسعود» او د سولې عالي شورا د پخواني رییس «برهان الدین رباني» د تلین د نمانځلو لپاره له لوړ پوړو امنیتي او ملکي چارواکو ترکیب شوی لس کسیز کمېسیون ګمارلی.

دیادونې وړده چې احمد شاه مسعود چې د شمال له مشهورو جنګي قوماندانانو څخه وو؛ پلویان يې هر کال د دهغه د تلین په مناسبت په وسلو پوښلي کابل ښار ته راوځي، هوایي ډزې کوي او زیاتره وخت کابل ښاریانو ته مرګ نقصان وراوړوي او ان کرګ ېوبله هم پکې کيږي.

جمهور ریس غني د مسعود او رباني  تلین لمانځلو لپاره اسدالله خالد په مشرۍ  کمېسیون وټاکه
جمهور ریس غني د مسعود او رباني تلین لمانځلو لپاره اسدالله خالد په مشرۍ کمېسیون وټاکه

اوس پورې څرګنده نه ده، چې د مسعود پلویان به د پورته منظور شوي کمېسیون تر سترګو لاندې هم  خپلې پخوانۍ کړنې کوي او که به په سوله ییز ډول د مسعود تلین نمانځي . عام وکړي په دې اړه سوشل ميډيا کې وايي چې باید دا تلین په امن کې ولمانځل شي. ځکه هر کال دويي ټول کابل په مخه اخلي او عام وګړو ته مشکلات جوړوي چې دا د افغانانو سره زیب نه کوي په دې اړه بازې خلکو لیکلي چې دويي په دې ورځ پرځاۍ ددې چې دا ورځ په امن امان کې ولمانځي دوي د ځان نه لنډغران جوړوي او او د ټول کابل امنیت خرابوي،