دروس سره مرسته کونکی افغان نوم افشا شو

د انسان شخصیت په ښه کارونو جوړيږي هر انسان چې کوشش کوي او خيل کار په وخت کوي ډېر ژر ترینه شخصیت جوړیږي ،دهغه جملې چې انسان یې په تنهایئ کې ځانته وایي تقریبا ددغه شخص فکر او او ریښتیني باورونه راڅرګندوي.

کامیاب شخصیتونه دغه پينځه جملې هيڅکله نه کاروي

اوس به لږ انتظار وکړو: دا خبره په نادره توګه یوه سمه سترپلان بلل کیږي، خو کامیابه خلک د هدف ترلاسه کولو لپاره خپل لږ امکانات د نورو مشکلاتو او فکتورونو په مقابل کې پکار اچوي.دا باید ووایم چې په یوځای انتظار او ننداره کول د فعالیت او عملي اقدام کولو په نسبت کمه مثبته نتیجه لري.د انتظار پرځای مو خپل وخت په فکر کولو او پلان جوړولو مصرف کړئ، عملي اقدام وکړئ، څو ډوله مختلفې طرحې او پلانونه جوړ کړئ او خپل ټول فکري تمرکز مو د کامیابیدو پرنقطه راغونډ کړئ چې څه ډول کولای شئ خپل هدف ترلاسه کړئ.

دا زما دنده نده: مسولیته خلاصون او د هغې رفع پخاطر د توجیهاتو لټون یوه بده او د نه فعالیت انګیزه ده چې ستاسې د کامیابیدو پروړاندې خنډ رامنځته کوي.دا چاره له تاسې کامیاب شخصیت نه جوړوي.بریالي شخصیتونه د هرې ستونزې او وضیعت کنټرول پخپل لاس کې لري او له هغې د خلاصون په موخه بهانې او توجیهات نه لټوي.

کوشش به وکړم: بریالي خلک تصمیم نیسي چې څه او څه ډول یې ترسره کړي، هغوی یوڅه کوي یا یې نه کوي اما دا نه وایې چې «هڅه به وکړم». هڅه به وکړم (یعني په حقیقت کې دا قضیه ستاسې لپاره لمړیتوب نلري او دومره ارزښتمنده نده)، که په حقیقت کې همداسې وي نو بهتره ده چې ورته «نه» ووایئ. ټام راین یو ګرافیک ډیزاینر دی. هغه  د خپل کار لپاره یو ځانګړی چارچوب لري چې تصمیم، پلان او عمل پکې شامل دي.

دا ممکن ندۍ:بریالي خلک د هرې ستونزې او وضیعت کنټرولولو هنر لري. دوی پوهیږي چې په هر ډګر کې د پرمختګ او راتلونکي پوړۍ ته تلل هغه وخت لاسته راځي کله چې یو «ناممکن» په ممکن بدل کړي.دوی د ستونزو په وړاندې توجیهات نه لټوي، بلکې هڅه کوي، دقیق فکر کوي او د ستونزې په اړه پوښتنې کوي ترڅو هغه په سم او کامل ډول وپیژني.

دا نا انصافي ده: کامیاب انسانان د خپل زندګۍ اتلان دي نه قرباني. البته دا دومره ساده نده چې د غیرعادلانه وضیعت د نشتون ادعا وکړو، مګر کله چې د داسې وضیعت سره مخ کیږئ نو د شرایطو غیرعادلانه کیدو باندې ټینګار مه کوئ بلکې د حل لارې موندلو هڅه وکړئ.

ډېرې بدې ورځې مې تېرې کړي دي : که باور ولرئ چې هرڅه ستاسې خلاف دي او دنیا ستاسې په وړاندې د یوې توطئي او سازش جوړولو هڅه کوي ترڅو ستاسې دبریالي کیدو مخه ونیسي. پدې باور لرل او یوازې ستونزې رابرسیره کول ستاسې منفي دید دی او دا بدې انګیزې نشي کولای ستاسې د مخکې تګ مخه ونیسي. پرځای ددې چې په ستونزو فکر وکړئ ځان منظم کړئ، فکر مو له ستونزو جلا کړئ او هڅه وکړئ چې د ستونزو په حل لارو سوچ وګړي،

کامیاب انسانان هيڅکله په خپلو کارونو کې سوچ نه کوي او صرف خپل کار ته کار وايي ټوله ورځ په دې لټه کې وي چې څنګه خپل ستونزو ته د حل لارې پیدا کړي دوويي په خپل کارونو کې زړونه لګوي او کارونو ته زړه نه تنګوي او ټوله ورځ په کوشش او هڅه هکوي چې کار مخې ته بوزي،

د بدن دفاعي سېستم

اوسني وضعیت مکې مختف ډاکټران مختلف درمل خايی همداراز د سوديم په ورځني ژوند کې د مالګې په ډول کارېږي يا هم يادېږي، د دسترخوان مالګه د دوه منرالونو ترکيب دی، دا سوديم او کلورين دي، سوديم په بدن کې په ځانګړي ډول د عصبي ريښو د فعاليت او د بدن د معاياتو د توازون په ساتلو کې مهمه دنده لري، اوس په دې ليکنه تاسې ته د سوديم د لوړوالي، ټیټ والي او ددې د تاثيراتو په هکله کافي معلومات درکوو.

د بدن لپاره يو تر ټولو اړين منرال دی، د سوديم يو ښکاره سرچينه موږ او تاسې ټول پېژنو او هغه زموږ د دسترخوانونو مالګه ده، سوديم د عصبي خبرونو د انتقال، د بدن د معاياتو د توازون، د عضلاتو د حرکتونو او د بدن په مختلفو غړو کې نورې مختلفې دندې ترسره کوي، په ورځني ډول د انسان بدن يوازې د ماشومانو د کاشوغې په اندازه مالګې ته اړتيا لري، په وینه کې بيا د سوديم نورماله اندازه د ۱۳۵ او ۱۴۵ دى.

په يو ليتر وینه کې د ۱۴۵ ملي مول څخه زيات سوديم د هيپرناترمي يا د سوديم د لوړوالي په مانا راځي، يانې په دې پروسه کې د بدن څخه وتلې اوبه د بدن د ترلاسه کړو اوبو څخه زياتې دي، که په دې لږ رڼا واچوو نو بايد ووايو چې په بدن کې بايد سوديم او اوبه يو توازون ولري، که چېرې اوبه زياتې شي د سوديم اندازه کمېږي او که چېرې په بدن کې اوبه کمې شي نو د سوديم اندازه کمېږي.

تږي کېدل، هغه خلک چې په بدن کې يې د سوديم سویه لوړه وي نو ډېر ژر ژر تږي کېږي، که دا سويه ډېره لوړه وي نو يو ډول بې حاله کېدل، سر ګرځېدل، په عضلاتو کې حساسيت او داسې نورې نښې هم ليدل کېدی شي.

ډېر زيات خولې کېدل او د ډېرو زياتو اوبو اخيستل د سوديم اندازه راکموي، په دې مانا چې د خولو په وخت کې د خولو سره د بدن څخه سوديم هم د مالګې په ذايقه وځي او که  زياتې اوبه واخيستل بيا نو په وینه کې د اوبو سویه تر سوديم لوړېږي چې په پايله کې بيا د سوديم کم والی رامنځته کېږي.

په يو ليتر وینه کې د ۱۳۰ ملي مول څخه کم سوديم ته هيپوناترمي او يا هم د سوديم کم والی ویل کېږي.

په انساني بدن باندې دسوديم اغېز

بې حاله کېدل، هغه خلک چې په بدن کې یې د سوديم اندازه کمه شي يو ډول بې حاله، بې شيمې او بې انرژۍ وي، ژر ستړي کېدل، د سر درد، د معدې بد والی، استفراق، بې حضوره کېدل، تنګېدل، بې اشتها کېدل، د عضلاتو ضعیف والی، د عضلاتو دردونه، د ذهن تياره کېدل يانې يو ډول يو شی سم نه درک کول د شعور کمېدل، زياته غوسه او رېږدېدل هم د سوديم د کم والي نښې نښانې دي.

هغه کسان چې په بدن کې يې دا نښې نښانې، هغه که د سوديم د کم والي وي او يا هم د سوديم د زيات والي، په اسانۍ د تداوۍ وړ دي، په دې کې د اندېښنې ځای نشته، پکار ده چې ناروغ روغتون ته ولاړ شي که یې په بدن کې سوديم کم وي د ډاکټر د لارښوونې مطابق به ورته سپارښتنه او تداوي وشي او که یې په بدن کې سوديم زيات وي هم به ورته لازمې لارښوونې او تداوي یې وشي.

د نبي علیه سلام ښکلي اخلاق

د دنیا په کی قهرمانان، نومیالي، زړه ور، جنګیالي او د نورو غورو صفتونو او کړنو څښتنان خورا ډیر تیر شوي دي. هغوی ژوند کړي، کړنې یې ښکاره کړي او راتلوونکو خلکو ته یی کیسي پاتي شویدي. او د تاریخ په کتابونو کی یی ډیر څه راټول شویدي. خو  محمد بن عبدالله (صلی الله علیه وسلم ) له ټولو تاریخي ویاړمنو څخه جلا انسان وو د هغه ژوند، اخلاق او عادات، راکړه ورکړه، ناسته ولاړه، خوراک څښاک او بالاخره د انساني ټولنی په منځ کی یی هر ډول ښکته او پورته کیدل له بل هر چا څخه ځانګړي وو. لکه چی عایشه (رض) فرمایی: (کان خلقه القران) د رسول الله (صلی الله علیه وسلم ) اخلاق قران وو.

حسین (رض) بیانوي ما د خپل پلار علي (رض) څخه پوښتنه وکړه چی نبي کریم(صلی الله علیه وسلم ) د خپلو ملګرو سره څه ډول خوې او انداز و، نو هغه راته وویل نبي کریم(صلی الله علیه وسلم) به همیشه خوشحاله معلومیده خوي یی نرم وو د پاسته طبیعت خاوند وو. بد خویه، سخت، چیغی وهونکي نه وو د خلکو عیبونه به یی نه بیانول او نه یی کینه کوله او چی څه سره به یی نه لږیده نو د هغه نه به یی ځان بی پروا کولو د الله (ج) څخه به نه ناامیده کیده او مایوسي به یی نه کوله

دا ښکاره ده چی قران د خدای (ج) کتاب اوخبری دي. او هغه څوک چی د دومره لوړو اخلاقو څښتن وي نوځکه به د الله (ج) د ټولو بنده ګانو د مینی او محبت اولګو وي.

زمونږ پیغمبر (صلی الله علیه وسلم ) د عدل، انصاف او د هر حقدار د مرستی ستنی ښخی کړی وی لکه عایشه (رض) فرمایی: نبي کریم (صلی الله علیه وسلم ) چیرته په خپل لاس نه خادم وهلی او نه خپله ښځه بغیر د جهاد في سبیل الله څخه. او د پیغمبر(صلی الله علیه وسلم ) سره چی چا زیاتی کړی نو هغه ترینه بدل ندی اخیستی مګر داچی کله به چا د الله (ج) له لوری حرام شوی کارونو څخه یو کار وکړ نو پیغمبر(ص) به بیا سزا ورکوله..

له علي، انس او بي بي عایشې رضی الله عنهم نه روایت دی، چې رسول الله صلی الله علیه وسلم ډېر زیات نرم طبیعته، خوش اخلاقه او نېک سیرته و، د رسول الله صلی الله علیه وسلم مبارک مخ له تل روڼ و، په درناوي او قلارۍ به یې خبرې کولې، چې له چا سره به مخ شو، نو لومړی سلام به پرې ده اچاوه، که چا به ورسره خبرې کولې، مخ مبارک به یې تر هغې بل پلو نه اړاوه، تر څو چې مقابل کس به خبرې نه وې خلاصې کړې، چا به چې ورته لاس کړ، تر هغې پورې به یې رسول الله صلی الله علیه وسلم لاس نه پرېښوده، چې هغه به نه و پرېښی، په هر مجلس کې چې به کېناسته زنګنونه مبارک به یې له ملګرو څخه نه مخکې کول.

رسول الله صلی الله علیه وسلم به کور ته په داسې حال کې ننوت چې ټنډه به یې روښانه او پر شونډو به یې موسکا خپره وه، هر کله چې به له دوستانو سره په مجلس کې ناست و، نو هيڅکله به یې پښې نه غځولې. .

زیاتره به ورته مریانو او وینځو اوبه راوړې، چې رسول الله صلی الله علیه وسلم پکې د تبرک لپاره لاس ښکته کړي، که د ژمي سحر وختي به هم و، رسول الله صلی الله علیه وسلم انکار نه کاوه.

بي بي عایشه رضی الله عنها فرمايي: ما تر نبي علیه السلام زیات د ښه اخلاقو څښتن نه و لیدلی، د هر چا سوال ته به یې په لبیک ځواب ورکاوه.

ابوفتاده رضی الله عنه فرمايي: د نجاشې پاچا له لورې یوه ډله خلک مدینې ته راغلل، رسول الله صلی الله علیه وسلم د هغوی خدمت پخپله کاوه، موږ ورته وویل: یا رسول الله صلی الله علیه وسلم! موږ یې خدمت کوو، تاسې ولې تکلیف کوئ؟ رسول الله صلی الله علیه وسلم وفرمایل: د دوی خدمت زه کوم، ځکه چې دوی زما د اصحابو خدمت کړی دی.

رسول الله صلی الله علیه وسلم فرمايي: زه د دې لپاره رالېږل شوی یم چې نېک اخلاق پوره کړم.

یو صحابي وايي، چې په کوچنیوالي کې د انصارو د کجورو بڼ ته تلم او د کجورو څانګې به مې په ډبرو او لوټو ویشتلې، په دې ترتیب به مې د کجورو له لښتو څخه کجورې راټولولې، د دې کار په کولو زه خلکو ونیولم او رسول الله صلی الله علیه وسلم ته یې بوتلم، هغه صلی الله علیه وسلم له مانه پوښتنه وکړه، چې: ونې ولې په لوټو ولې؟ ما ورته وویل: د دې لپاره چې کجورې راتویې کړم

د بدن دفاعي سېستم

دانسان د بدن معافیت سیسټم بدن د ناروغۍ یا نورو احتمالي زیان اړونکي بهرني ارګانونو نه محقوظ ساتي. کله چې په سمه توګه فعالیت کوي ، د غه دفاعی سیسټم یو شمیر ګواښونه پیژني او بدن باندې اټیک کولو ته یی نه پریګدي. دغه سستم پشمول  د ویروسونو، باکتریا او پرازیتونه په مقابل کې دفاع کوي.

په ۱۹۷۶ کې  يو فلم جوړ شوۍ وو ، په دې فلم کې د یوه هلک کيسه بیانېږي کوم چې د بدن دفاعي ځواک یې له لاسه ورکړی او خپل ټول عمر د ځمکې له لاندې يا سرپټيو ځايونو کې تېروي، که دا کيسه هر څومره خيالي هم وي خو نن سبا داسې خلک شته چې د بدن د دفاعي سيستم شديده ناروغي لري او بدن یې د ناروغیو په وړاندې هېڅ راز وسله په لاس کې نه لري، په هرو يو لکو کسانو کې يو کس داسې پېدا کېږي چې په خپله د بدن دفاعي سيستم ناروغي(SCID)  لري.

پخوا د دغه خلکو د تداوۍ لپاره يوازې دا تداوي موجوده وه چې د خپل ورور د هډوکي د مغز انتقال وه، خو په دې وروستيو کې د جنين تراپي تداوي دود شوې ده

د بدن دفاعي د سستم مهمې خبرې .

ډېر کله باکتریاوې، منتر او ويروسونه د ناروغیو سبب کېږي، خو ځینې وخت باکتريا او يا هم ويروسونو ته د بدن د دفاعي سيستم غبرګون هم د ناروغۍ د نښو غوندې ښکاره کېږي، د مثال په ډول کله چې تاسې بيرون يخ ووهي، د ايپيتل په حجرو چې په بدن کې ځينې خاليګاوې لکه د پوزې پوښ کوي، يا د هغوي نننۍ سحطي پوښ ورڅخه جوړ وي، حمله کوي، په دې وخت کې د بدن دفاعي سيستم غبرګون ښيي، د هيستامین په نامه يو کيمياوي مواد ترشح کوي، دا د وينې رګونه ازادوي، په دې ډول ناروغ ځای ته په چټکۍ پروتینونه او د سپين کروياتو حجرې رسېږي، خو کله چې پوزه بنده شي د پوزې رګونه التهاب نيسي.

د ناروغیو د مخنیوي لپاره د ځواکمن دفاعي سيستم درلودل په اخري درجه مهم او اړین دي، که د بدن دفاعي سيستم ډېر ضعيف يا هم بېخي له منځه تللی وي نو بدن د يوې عادي ناروغۍ ځواب هم نه شي ويلی، د بدن د دفاعي سيستم په ضعيف والي کې کم خوب هم پوره تاثير لري، څېړنو ثابته کړې ده چې کم خوبي د بدن د دفاعي سيستم حجرې چې T cells ورته ويل کېږي کموي، دا هغه حجرې دي د ټولو ناروغیو په وړاندې سخته مبارزه کوي، دا د بدن د دفاعي سيستم تر ټولو غښتلې حجرې دي، حتاً د سرطاني ناروغۍ په وړاندې هم تر ټولو غښتلې مبارزه همدا حجره کوي.

اوتوايمون ناروغۍ هغه ناروغۍ دي چې په خپله د بدن دفاعي سيستم په خپل بدن حمله کوي، په دې ډول حالاتو کې د بدن دفاعي سيستم ډېر زيات فعال کېږي، يانې د حد څخه ډېر حساس کېږي او د بدن په خپلو غړو او نسجونو داسې حملې کوي لکه په بهرنيو جسمونو یې چې کوي، صدف، ارتیت ناروغۍ همدا ډول ناروغۍ دي.

په ۲۰۰۸ میلادي کال کې د امریکا د روغتيا په ژورنال کې خپره شوې مقاله کې راغلي دي چې د اوتوايمون ناروغي نارينه او ښځينه يو ډول نه متاثره کوي، بلکې ښځې تر ډېره نيسي، په امريکا کې ۷۸ سلنه ښځې په دغه ناروغۍ په مختلفو درجو کې اخته کېږي خو د نارینه و سلنه بيا ۵-۸ ده.

د انسان بدن د خپل بدن د حجرو څخه زيات په ميلياردونو او ټریلیونونو باکترياوې لري، تر ډېره دا باکترياوې د هاضمې د سيستم سره مرسته کوي، د بي ويټامين او ويټامينK  ترشح کوي، خو پوهان وايي د کولمو باکترياوې د بدن د دفاعي سيستم سره خورا مهمه مرسته کوي.

د مثال په ډول ګټورې باکترياوې د بدن په موکوزال برخه کې چې ايپيتل حجرو پوښلې د ناروغۍ جوړونکو باکتریاوو د مېشت کېدو مخه نيسي،‌ په ځانګړي ډول دا باکترياوې هغه باکتریا او مایکرواورګانيزما وژني چې د بدن دفاعي سيستم ضعيف کوي.

دا۷ کاره چې چا کې وي نو پوه شه مینه درسره لري

په اول کې چې یو سړۍ تولد شي بیا څونۍ ته زسیږي نو دا سړۍ د نورو سره د ناستې او علاقې شوقیان کیږي او دغه غلاقه بیا په مینه اوړي ، نو بيا یې ټول تشويش دا وي چې مقابل طرف به هم د ده په هکله داسې حواس لري که نه، د هغه به هم دی يا دا خوښېږي که نه، ټوله هڅه یې په دې کې وي چې يوه نښه پېدا کړي چې داسې يو مطلب ورڅخه واخلي چې ګواکې مقابل طرف هم د ده سره مينه لري.

لاندې ۷ خبزې درسره ولولۍ. .

يو بل ته کتل، د يو بل سترګو کې کتل، د کتلو ډول او د وخت څومره والی، په دې کې ډېر مهم دی چې تاسې پوه شئ چې يو څوک درسره مينه لري که نه، د مثال په ډول که يو څوک په مسلسل ډول تاسې ته ګوري، په داسې حال کې چې په شاوخوا کې نور کسان هم موجود وي، خو هغه کس پرلپسې تاسې ته ګوري نو په لوی احتمال دا کس تاسې ته په زړه کې څه لري.

که تاسې يو مشغول ژوند لرئ، يا مقابل طرف هم ډېر بوخت ژوند لري، هېڅ خالي وخت نه شي پېدا کولی، خو د دې ټولو سره سره بيا هم ستاسې لپاره په ځانګړي ډول وخت پېدا کوي، بوختيا یې ستاسې سره د ليدنې او خبرو مخه نه شي نیولای نو دا ډول کس هم کېدی شي تاسې ورته مهم او زړه ته نيژدې واوسي.

که چېرې يو څوک تل په دې هڅه کوي چې ستاسې سره يوازې ملاقات وکړي، د بیروبار څخه تښتي او تل غواړي په داسې ځای کې ستاسې سره خبرې وکړي چې د نور خلکو رفتار کم وي، نو داسې کسان په لوی احتمال تاسې ته يو ځانګړی حس لري او تاسې یې خوښېږئ.

که مو يو ملګری یا ملګرې د شپې وخت ناوخته ميسج لېږي، هغه کار چې د ورځې یې هم پوښتنه کولی شي تاسې ته په نيمه شپه ميسج لېږي، دوی داسې وخت پېدا کوي چې پکې ډېرې خبرې وشي، تاسې او خپله دی يا دا پکې بل کار ونه لري او راحت خبرې کولی شي، نو په لوی احتمال دا ډول کسان هم په زړه کې تاسې ته یو څه لري.

که مو ملګری يا ملګرې تاسې ته په مخامخېدو کې خاندي، ستاسې سره د سترګو لګېدو په وخت کې یې شونډې موسکۍ وي نو په لوی احتمال تاسې یې خوښېږئ او حتاً مینه درسره لري، دا د مینې ښکاره کولو تر ټولو بارز طرز دی، چې حتاً د انسانانو څخه په غیرې ارادي ډول هم ترسره کېږي

انسان د هغه کس په هکله چې ورسره مينه لري ډېر واړه او تشریحي معلومات هم په خپل ياد کې ساتي، او همدا د هغه په هکله د ډېرو کوچنيو شيانو پوهېدل او د زده کولو يا پوهېدو علاقه هم لري، د مثال په ډول که يو څوک په دې پوهېږي چې ستاسې کوم خواړه ډېر خوښ دي، د کوم ډول سندرو علاقه لرئ، او يا د دې شيانو غوندې نورو شيانو په هکله غواړي چې ستاسې په هکله پوه شي نو په لوی احتمال ستاسې سره علاقه لري.

که يو څوک ستاسې د فکرونو سره زيات توافق او همغږي ښکاره کوي، په يو بحث کې تل ستاسې خوا نيسي، په لوی احتمال تاسې ته په زړه کې ښه حس لري، د مثال په ډول تاسې د يو چا سره د يوې موضوع په هکله خبرې کوئ، نو هغه فوراً ستاسې فکر تایید کوي، ستاسې فکرونو ته زياته علاقه لري، داسې چې که په ساعتونو ساعتونو د خپلو فکرونو څخه خبرې ورته وکړئ بيا یې هم په ډېره مينه اوري.