ولې دځينو پلګونو نوکې درې وي؟

ولې دځينو پلګونو نوکې درې وي.تاسوبه لېدلي وي، چې د برق په سویچ یا پلګ کې دوه نوکې وي، چې بېخي ساده لامل لري، یعنې یوې یې ګرم تار (کرنټ) او بل یې یخ تار نیوټرل نومېږي. کله چې سویچ یا پلګ ولګول شي، نو د ګرم او یخ تار په سبب یې سرکټ بشپړېږي او د برښنا د حرکت لامل یې ګرځي،

بلخوابیا کله چې یې یو تار هم لېري یا پرې شي، نو سرکټ یې له کاره لوېږي او د برښنا حرکت یې له خنډ سره مخ کېږي.تر دې ځایه خو به پوه شوي یئ، خو ځینې داسې سویچونه یا پلګونه هم شته دی، چې د دریو نوکو درلودونکی وي او همدغه دریمه نوکه دغه پوښتنه راولاړوي، چې آخر دا دریمه نوکه د کومې موخې لپاره استعمالېږي د ذکر شوې پوښتنې ځواب ډېر آسانه ده او هغه دا چې که چېرته د دوو تارو لرونکی سویچ یا په بله وینا په سویچ کې موجوده برښنا مو ونیسي یا جټکه راکړي،

یاد سرکټ د بشپړېدو په سبب موږ ته دومره په سختۍ سره جټکه راکولی شي،چې د مړینې لامل مو هم ګرځېدلی شي. دغه راز که چېرته په اصلي تار کې په دومره اندازه برښنا لاړه شي، چې هغه یې د رسولو وړتیا ونه لري، نو د کورونو یاهم د شیانو د سوځېدو یا د اور د لګېدو خطر ډېرولی شي.

ویل کېږي،د همدې خطر په نظر کې د نېولو سره په سویچونو یا پلګونو کې دریمه نوکه یا تار هم لګول کېږي او په ځینو حالاتو کې دریم تار په ځمکه کې تېرېږي چې د ډېرې برښنا په صورت کې دغه تار خپله دنده ترسره کوي او اضافي برښنا د ځمکې په لور کشوي او د کور شیان له سوځېدو یا د اور له لګېدو څخه مخنیوى کوي.

همدا راز که چېرته مو برښنا ونیسي نو دغه تار بیا خپله دنده ترسره کوي او د برښنا د خطر مخنیوى کوي او د انساني ژوند د خونديتوب لامل ګرځي.هیله ده چې پورتنۍ لیکنه به مو په غور سره لوستي وي او د سویچونو یا پلګونو د اخیستلو پر وخت به ذکر شوي ټکي در یاد شي.

دتاجکستان افغانستان لپاره د برېښنا واردول کموي

بريشنا شرکت چې د افغانستان د خلکو لپاره د برق د تنظیمولو اداره ده  دغه اداره یعني برېښنا شرکت وايي، په وروستیو وختونو کې ډېری دولتي ادارو د برېښنا د لګښتونو پیسې نه دي پرې کړي، چې له کبله یې د برېښنا شرکت ۶۰ سلنه عواید کم شوي دي. د برېښنا شرکت عمومي رييس امان الله غالب وايي، د کورونا ویروس له خپرېدو وروسته ډېری دولتي ادارو د خپلو لګښتونو پسې نه دي تحویل کړي، ځکه خو د دغه شرکت ۶۰ سلنه عواید له لاسه ورکړي دي.

هغه اندېښنه څرګندوي که چېرته د کورونا ویروس په یوه کړکېچ بدل شي، نو د برېښنا شرکت عواید به نور هم راټيټ شي. نوموړي دغه راز له حکومت نه د پنځوس میلیونه ډالرو د پور غوښتنه کړې ده، تر څو د برېښنا شرکت ستونزې پرې حل کړي.

امان الله رييس وايي، د افغانستان ۸۰ سلنه برېښنا وارداتي ده او دوی هر کال ګاونډيو هېوادونو ته د برېښنا په بدل کې ۲۸۰ میلیونه ډالر ورکوي. ښاغلی رييس زیاتوي، چې ګڼ شمېر لوړپوړي چارواکي، زورواکي، پارکونه او بېلابېلې ادارې د برېښنا شرکت ته د لګښتونو پیسې نه ورکوي.

د برېښنا ریاست د رييس له څرګندونو وروسته، د نړیوال بانک په یوې خبرپاڼه کې راغلي دي، چې سږ کال به افغانستان د کورونا ویروس له کبله له شدید اقتصادي کړکېچ سره مخ شي.

د نړیوال بانک مرستیال ويلي دي، افغانستان د اتو هغو اسیايي هېوادونو په ډله کې دی، چې د کورونا ویروس له کبله به تر ټولو زیاتو زیانونو سره مخ شي او ګڼ کلیوال خلک به یې د فقر او بېوزلۍ تر کرښې لاندې ژوند ولري.

خو ولسمشر محمد اشرف غني بیا وايي، حکومت د کورونا ویروس د کړکېچ د مدیریت وړتیا لري او تراوسه یې له ځانه د کړکېچ په مدیریت کې قاطعیت او له فرصتونو استفاده څرګنده کړې ده.

د ولسمشر غني په وینا، حکومت د کړکېچ د مدیریت لپاره د کارونو چټکتیا ته اړتیا لري او په دې برخه کې به لازم ګامونه پورته کړي.