جاوېد اميرخېل: غواړم د سېلاب ځپلو مرسته وکړم

د افغانستان نامتوسندرغاړۍ جاويد اميرخېل نن کليزه ده، هغه له ٣١ کاله مخکې د اپريل په ٢٢مه نېټه په پکتيا کې زېږېدلى و. جاويد اميرخېل په پښتو موسيقۍ کې ځانګړى نوم او مقام لري، هغه تل د ښې موسيقۍ سره ښه شاعري ويلې ده او د دې تر څنګ يې ښکلې ويډيوګانې هم جوړې کړې دي دهغه  هره سندره له ستر پېغام ډکه وي او د هغه له سندرو څخه ښکاره کېږي، چې نوموړى له خپل هېواد او خلکو سره څومره مينه لري او په هېواد او خلکو څومره دردمن دى.

جاويد اميرخېل د پکتيا په ځاځي اريوب ولسوالۍ کې زېږېدلى دى. هغه په خپله يوه مرکه کې ويلي و، چې موسيقي يې مينه ده، د زړه له تله سندرې وايي او تمثيل نه کوي.

هغه وايي، که يې تمثيل کولى نو چا به يې اوس سندرې هم نه اورېدلې. نوموړى وايي چې د خپلې کورنۍ څخه يوازينى سندرغاړى دى او ښايي په کورنۍ کې يې له ده پرته بل څوک سندرغاړى هم پېدا نه شي.

جاويد اميرخېل چې د ژوند سړو تودو دې ته پرې نه ښود چې له اتم ټولګي څخه مخکې زده کړې وکړي او غريبۍ ته يې لاس پورې کړ، هغه ډېر کارونه وکړل خو اخر هم د سندرو نړۍ ته راغى، نوموړي لومړى له احسان عرفان او ماسټر علي حېدر څخه د موسيقۍ زده کړه ترلاسه کړې ده.

هغه وايي، چې سندرو ته راتګ ورته دومره اسانه نه و، ځکه کورنۍ يې نه پرېښوده چې سندرې دې وايي، وايي کورنۍ يې ورته ويل چې موږ ته د سندرو پېغور مه جوړوه، خو په وېنا يې چې کله يې خلکو سندرې خوښې کړې او کليوالو يې هم په ټلويزيون سندرې وليدې، نو بيا ورسره د خلکو رويه بدله شوه.

جاويد اميرخېل په خپله فېسبوکپاڼه په يو پوسټ کې هم له هغه ټولو خلکو څخه مننه کړې ده، چې هغه ته يې د کليزې مبارکۍ ورکړي دي.

له تاسې ټولو درنو ملګرو او مینوالو د زړه له کومې مننه کوم چې د کلېزې مبارکي مو رالېږلې له مینې مو قربان ټولو ته
د ښه ژوند په هیله یم ژوند مو خوږ او بختور اوسه
په درنښت

جاوېد اميرخېل: غواړم د سېلاب ځپلو مرسته وکړم

د افغانستان ولایت د کابل په درمسال سیمه کې نن برید ترسره شو دغه برید ټولو هېوادوالو په سختو ټکو وغنده  د عامو وګړو تر څنک د مختلفو سیاسیونو او هنر مندانو لخوا خم و غندل شو .ترسره شوي بريد ټول هېوادوال خپه کړي د افغانستان نامتو هنرمند چاوېد په دې بريد خپه او غوسه دى.

اميرخېل په خپله فېسبوکپاڼه باندې د سکهانو څخه بخښنه غوښتې ده او ويلي يې دي، چې موږ د ځان پوښتنه نه شو کولى، نو ستاسې به څه پوښتنه وکړو.

جاوبد همدا راز ويلي دي، چې موږ يوازې د خولې نران او غېرتيان يو او په عمل کې فقط يو پوسټ وکړو او بس.

جاويدداسې لیکلي: ((زه د اهل هنود خلکو څخه بخښنه غواړم، له موږه ګيله شکوه مه لرئ ولې چې موږ پښتانه، تاجکان، هزاره، اوزبک د خپل ځان پوښتنه نه شو کولى، نو ستاسې به څه وکړو. موږ خو د خولې نران او غېرتيان يو په عمل کې فقط يو پوسټ وکړو او بس. موږ که په يوه خوله يو اتفاق وې نن به ولې له داسې ستونزو سره لاس او ګرېوان وى.))

د يادونې وړ ده چې نن سهار په کابل کې څلورو بريدګرو سهار مهال هغه وخت د سيکانو په درمسال بريد وکړ، چې دغلته شاوخوا دوه کسان په عبادت بوخت و..

د کابل په دغه بريد کې ٢٥ کسان وژل شوي دي او ٨ هم نور ټپيان دي. په وژل شوو کې ٢٤ سيکان او ١ مسلمان دى. په وژل شوو سيکانو کې ١ ماشوم او ٦ ښځې هم شاملې دي. دغه بريد شاوخوا د ٦ ساعته وروسته د څلورو بريدګرو په وژلو سره پاى ته ورسېد