حمدالله محب: دسولې د هڅو تر څنګ جګړې ته هم دوام ورکوو

حمدالله محب: دسولې د هڅو تر څنګ جګړې ته هم دوام ورکوو. دوحه کې د طالبانو او کابل د مذاکراتي ټيم تر منځ خبرې رواني دي؛ د کابل حکومت د ملي امنیت شورا سلاکار «حمدالله محب» وایي، حکومت د سولې د هڅو تر څنګ له طالبانو سره د جګړې هم کوو ځکه د ولس دفاع زمونږ مسولیت دی .

محب د بي بي سي له انګلیسي څانګې سره په خپله تازه مرکه کې ویلي، چې د سولې هڅې او جګړه به یو ځای روانه وي ځکه دده په خبره، تر هغو چې طالبان د جګړې په ډګر کې ځپل شوي نه وي، هغوی سولې ته غاړه نه ږدي « که طالبانو په شا ونه تمبوو، هغوی سولې ته نه حاضرېږي، په اوسني وخت کې هم طالبان وخت وژنه کوي، هغوی فکر کوي چې د امریکايي ځواکونو له وتلو وروسته به امنیتي ځواکونه دهغوی په وړاندې را وپرځېږي او حکومت به سقوط وکړي.»

اړونده خبرونه: د افغان عسکرو او نظامي سکتور سره د امریکا ملاتړ دوام کوي

نوموړي همداراز ویلي.چې طالبان د حکومت د ځواکونو په جنګي مهارتونو باور نه لري او د هوايي بریدونو په مهال فکر کوي چې بهرنیان د حکومت له عسکرو سره مرسته کوي؛ خو د محب په خبره، دا فکر سم نه دی.نوموړي ددې تر څنګ له افغانستانه د امریکایي ځواکونو وتل یقیني بولي او دده له قوله، په امریکا کې ټول اوس دې پایلې ته رسېدلي چې عسکر باید له افغانستانه ووزي

د هېوادد ملي امنیت شورا سلاکار «حمدالله محب» وایي،د سولې د هڅو تر څنګ له طالبانو سره هم جګړه روانه ساتي؛ ځکه دده په خبره، هغوی له ځپل کېدو پرته سولې ته نه حاضرېږي.د محب په خبره، طالبان د عسکرو په جنګي مهارتونو باور نه لري او فکر کوي چې عسکر د بهرنیانو په مټ هوایي بریدونه کوي

د ښاغلي محب له لوري د جګړې پر دوام ټینګار داسې مهال دی، چې د طالبانو او کابل مذاکراتي ټیمونه په قطر کې د خبرو مېز ته ناست دي او په دوران کې يې حکومت په بیا، بیا  طالبان تورنوي چې اوربند نه غواړي او جګړه یې روانه ساتلې.ورته مهال طالبان بیا وايي، چې دوی غواړي د مؤقتي اوربند په ځای د افغانستان جګړه په اساسي ډول ختم شي.

حمدالله محب: غواړم د غاري امان الله خان هيلې په حقبقت بدلې شي

د هېواد د ملي امنيت شورا سلاکار حمدالله محب د خپلواکۍ د ١٠١مې کليزې په مناسبت ټولو هېوادوالو ته مبارکي ورکړه او وۍ ویل چې یوداسې ورځ په تمه یم چې دغازي امان الله خان هيلې په حقيقت بدلې کړو.او په ځان بسیا هېواد کې ژوند وکړو،

د امنیت شورا ا له دفتره په يوه خپره شوې خبرپاڼه کې ويل شوي: د زمري ۲۸ نېټه زموږ د هیواد په زرین تاریخ کې هغه ستره ورځ ده، چې زموږ د باتورو خلکو په مېړانې، رشادت او قربانۍ سره مونږ ازادي واخیسته، له نن څخه ۱۰۱ کاله مخکې افغانان د مدبر، هوښیار او ځوان پاچا غازي امان الله خان پهمشرۍ د انګریزي ښکېلاک پر وړاندې د وطن د ازادۍ ګټلو لپاره د مبارزې میدان ته ووتل او دافغانستان د مقدسې خاورې نه د انګریزي ځواکونو په شړلو سره یې افغانستان نړیوالو ته د یو خپلواک هیواد په توګ معریفي کړ او د هیواد ویاړلی بیرغ یې د افغانستان د دنګو غرونو باندې رازوړند کړ

دغه پاڼه کې د محب له طرف نه لبکلا شوي وو:زه د دغې تاریخي او ویاړلي ورځې په مناسبت ټول افغان ولس او،په ځانګړې توګه د افغانستان قهرمانو امنیتي او دفاعي ځواکونو ته، چې د هیواد د ځمکنۍ بشپړتیا ، حریت او خپلواکۍ  ساتنه کوي، او د آزادۍ د لارې  ټولو لارویانو ته د خپلواکۍ مبارکي وایم . د استقلال  د ګټونکو او ساتونکو یاد دي تلپاتی وي. د شهیدانو ارواح دې ښاد او جنتونه دې ځاۍ وي

نوموړي هدراز زياتوي: د هېواد ویاړلي امنیتي او دفاعي عسکرله نړېوال او سیمه ییز تروریزم خلاف د خپلو خلکو او خپل مقدس قلمرو د دفاع لپاره د ننګ او مېړانې جګړه کوي . دا د هماغو نېکونو اولادونه دي، چې یوه پیړۍ وړاندې یې یرغلګر انګریزي ځواکونه له خپلې خاورې شړلي وو او زمونږ هېواد افغانستان ېې په مېړانې سره ازاد کړۍ وو،

ښاغلي محب زياتوي: زمونږ هیله دا ده چې په افغانستان کې سرتاسري سوله وي او د یوه پرمختللي افغانستان لپاره د غازي امان الله خان هیلې په حقیقت بدلې کړو.او یو داسې هېواد ولرو چې د ټولو افغانانو ژوند پکې خوندي وي او مونږ په ځان بسیا هېواد ولرو،څکه افغانانو ډېر وخت په جنګ کې تېر کړۍ دۍ او اکثره افغانان مهاجر شوي دي نو مونږ د یو داسې افغانستان هيله مند یو چې ټول افغانان پکې باعزته ژوند ولري،

حمدالله محب: غواړم د غاري امان الله خان هيلې په حقبقت بدلې شي
حمدالله محب: غواړم د غاري امان الله خان هيلې په حقبقت بدلې شي

د یادونې وړ ده چې افغانان چې د خپلواکۍ په ارزښت او معنا پوه دي، نن د خپلواکۍ دا ١٠١مه کاليزه په هېوادنۍ مينه او ولولو سره لمانځي. دا ورځ نه يوازې دا چې ځوانان لمانځي، بلکې مشران، ماشومان او د هېواد زړورې مېرمنې هم دا ورځ په خوشحالۍ سره لمانځي. په سوشل ميډیا کې هم دويي ښه په جوش او جزبې سره پوسټونه کوي او د هېواد خبلواکۍ د لمانځلو نه خوند اخلي،

حمدالله محب: دور بابا دروازه دولت له منځه وړو

حمدالله محب: دور بابا دروازه دولت له منځه وړو دامنیت شورا سلاکارپرون په یو ناڅاپي سفر جلال اباد ولایت ته تللی ؤ او د دغه ولایت امنیتي وضعیت یې وارزاو،نوموړي هلته د دغه ځاۍ خلکو سره هم ولیدل،

هغه په خپلو خبرو کې ځايي خلکو ته ویلي چې په دور بابا کې د پاکستان لخوا جوړه شوې دروازه به ور ړنګه کړي خو په څرګنده یې نه دي ویلي چې کله او په څه ډول به یې له منځه یوسي.د یادولو ده چې څو ورځې وړاندې د ننګرهار په دور بابا ولسوالۍ کې د څڅوبي سیمه کې د پاکستاني ملېشو د وړاندې راتګ خبرونه ورکړل شول او په دغه سیمه کې یې دروازه جوړه کړې ده.

د یو څه وخت راهيسې د پاکستاني ملېشو لخوا د ډیورنډ تپل شوې کرښې په اودو کې تحرکات او توغندیز بریدونه زیات  شوي چې د سیمې خلک یې سخت اندېښمن کړي دي.په دولت کې یوه سرچینه ادعا کوي چې پاکستان د امریکا په لمسون باندې پر کونړ باندې توغندوي ګوزاروي تر څو په وینا یې په افغان سوله کې ټول هغه فرمایشات چې پاکستان او امریکا یې لري، په پټو سترګو ومنل شي.

دغه موضوع دبهرنیو چارو وزارت له ډيپلوماتیکو لارو دغه شکایت پر ملګرو ملتونو سربېره د امریکا سفارت ته هم په مکتوبي ډول رسولی، چې د ستراتېژیک او امنیتي تړون پر اساس اقدام وکړي، خو امریکا تر اوسه هېڅ نه دي کړي.دوی د ټولو بندیانو خوشې کول، موقت حکومت منل، په رسمي ډول د ډیورنډ له داعیې تېرېدل او د بهرني سیاست محدودول هغه غوښتنې دي چې پاکستان یې مطرح کوي او د افغان سولې په اوسنیو سختو شرایطو کې د فشار لپاره ترې امریکا هم استفاده کوي.

افغان دولت د دې لپاره چې نړیوالو مراجعو ته د سولې پروسې مخالف معرفي نشي، په رسمي ډول د وروستیو فشارونو په اړه چوپتیا غوره کړې ده. هغه څه چې په ټولنیزو شبکو کې یې فعالان هم پر حکومت په غوسه کړي دي.محب ننګرهار ته د خپل سفر په ترڅ کې ویلي دي چې د ګاونډیو هیوادونو د اوبو ارمان به پوره نه شي او زیاته کړې یې ده چې مونږ د خاورې په ډاډه زړه دفاع کوو،

محب داسې مهال ننګرهار ته سفر کوي چې تازه په رسنیو کې د ګمبیري کمپ پر وړاندې توندې نیوکې زیاتې شوې دي. خلک غواړي چې د داود خان له پلان سره سم دغه ارزښتمنه سیمه سیمټ نه شي او د کونړ اوبو ته یې په زراعتي ځمکه بدله کړي.محب همداراز ویلي چې امامان او ولس دې د طالبانو له لوري د روانو وژنو پر وړاندې محافظه کاري پرېږدي، او دیني عالمان دې د افغانستان لپاره مذهبي جګړه وکړي. د محب  په وینا په ننګرهار کې نور امنیتي اصلاحات راوستل کېږي او ډېر ژر به يو تکړه والي ورته راواستوي،

اوس وخت د دې رارسېدلۍ دۍ چې دولت په سمه توګه اقدامات وکړي ځکه دا وخت په افغانستان داسې راغلۍ دۍ چې باید دولت او ټولې خواوې صداقت سره کار وکړي،او د هېواد امنیت او سولې راوستلو کې همکاري وکړي ترڅو افغانستان د اوسني بهران نه اوزي او یو با ثباته په زان بسیا هيواد ولرو.

محب: افغان سرتیري د سولې اتلان دي

حمدالله محب چې  د ملي امنیت سلاکار دۍ پرون پکتيا ته تللى دى، د خپل سفر په ترڅ کې د پخواني ولسمشر شهيد ډاکټر نجيب مزار ته هم ورغلىوو او هلته يې د هغه قبر ته دعا کړې ده د نومړي د ورتګ نه عامو وګړو مننه کړې ده.

د ملي امنيت شورا سلاکار حمدالله محب سره د پکتيا والي شميم خان کټوازى هم يو ځاى و، چې دواړو د شهيد ډاکټر نجيب له مزار څخه ليدنه وکړه. د اختر په دریمه پرون ورځ د ملي امنيت شورا سلاکار حمدالله محب پکتيا ولايت ته تللى دى، چې هلته يې د ملکي او امنيتي چارواکو سره د ليدنې تر څنګ له عامو خلکو او مشرانو سره هم ليدنې کړي دي.

د ملي امنيت شورا له دفتره په خپره شوې خبرپاڼه کې ويل شوي دي، چې حمدالله محب پرون له غرمې مخکې د پکتيا ولايت د امنيتي، حکومتدارۍ او پرمختيايي وضعيت د ارزونې په سفر کې د ياد ولايت د نظامي او ملکي چارواکو سره په جلسه کې د هغوى ستونزې او غوښتنې هم واورېدې.

بلخوا د شهيد ډاکټر نجيب لور د ملي امنيت شورا سلاکار څخه له دې امله مننه کړې ده، چې د هغه د پلار قبر ته ورغلى او ورته يې دعا د هغه مزار ته په ورتګ کې له هغه سره د پکتيا والي شميم خان کټوازي هم ملتيا کوله. له هغه وروسته په ټولنيزو رسنيو کې د حمدالله محب ستاينه کېږي، ځکه په تېرو کلونو کې نوموړى لومړنى چارواکى دى، چې د شهيد ډاکټر نجيب مزار ته ورغلى دى او هغه ته يې دعا کړې ده.

 د ډاکټر نجیب لور هيله نجيب په خپل ټویټ لیکلي:

((زه د ښاغلي حمدالله محب او ښاغلي شميم کټوازي صاحب نه ډېره مننه کوم چې زما د پلار او زما د تره مقبرو ته ورغلي و. خداى دې زما د پلار او تره په حق کې ستاسې دعاګانې قبولې کړي او خداى دې وکړي چې زموږ هېواد ته يو دايمي سوله راشي. کور مو ودان))

دا هم باید یاده کړو چې حمدالله محب یو سیاسي او قومي څیره ده نوموړۍ لدې وړاندې هم مختلف سفرونه کړي دي او مختف ځایونو کې ېې د قومي مخورو او سپینګيرو سره لیدلي دي