د کرکټ ملي لوبډلې لوبغاړي د کرونا ویروس سره د مبارزې عملونو کې ونډه اخلي

د کرکټ ملي لوبډلې لوبغاړي به د کرونا ويروس د خپرېدو د مخنيوي او وقايې په برخه کې په روانه مبارزه کې ګډون وکړي

د معلوماتو له مخې، د کرونا ويروس د خپرېدو د مخنيوي او وقايې د عامه ارتباطاتو دولتي کمېټې مشر وحيد عمر د هېواد له مشهورو لوبغاړو سره ليدلي دي.

د دغه ليدنې پر مهال عمر افغان ملي لوبغاړو ته په هېواد کې د کرونا ويروس د وروستي وضعيت او د دې ويروس سره د مبارزې په برخه کې معلومات ورکړل.

هغه وويل چې په ټول هېواد کې د کرونا ويروس د خپرېدو له امله رامنځته شوى حساس حالت د اندېښنې وړ دى، نو په دې خاطر بايد خلکو ته له بېلا بېلو لارو معلومات ورکړل شي، تر څو د دې ويروس د خپريدوى مخنيوى وشي.

نوموړي همدا راز زياته کړه، چې د کرونا ويروس مخنيوى د دولت لومړيتوب دى او ټول ملت ته پکار دي چې د دغه ناورين سره د مبارزې لپاره يو بل ته د مرستې او همکارۍ لاس ورکړي.

هغه همدا راز له ملي لوبغاړو څخه غوښتنه وکړه، چې په ټولنيزو رسنيو کې دې د کرونا ويروس د مخنيوي او وقايې په برخه کې خپلو مينه والو ته پېغامونه ورکړي او د کرونا ويروس په مخنيوي کې دې خپل مسووليت ترسره کړي.

په راپورونو کې ويل شوي دي، چې د کرکټ بورډ د ستراتيژيکو اړيکو سلاکار عبدالله بارکزي د هر ډول همکارۍ ژمنه وکړه او د کرکټ ملي لوبډلې لوبډلمشر اصغر افغان وويل، چې زموږ ټوله لوبډله په دې برخه کې همکارۍ ته چمتو ده.

اصغر افغان په خپلو خبرو کې وويل، چې د ملي لوبډلې لوبغاړي به د يادې کمېټې او د عامې روغتيا وزارت له لوري تاييد شوي پېغامونه په ويډيويي او تصويري بڼه چمتو او په ټولنيزو رسنيو کې به يې خپاره کړي.

ډونلډ ټرمپ:د کرسمس پورې ټول امریکايي فوځیان له افغانستان څخه راوباسو

د امریکا متحده ایالاتو ولسمشر ډونالډ ټرمپ په ټوله امریکا کې د بېړني حالت (ایمرجنسي) اعلان وکړ. ډونالډ ټرمپ د روغتیايی چارواکو او د درملو دلویو کمپنیو د استازو په وړاندي په سپینه ماڼۍ کې د ایمرجنسي د اعلان پر مهال د کرونا وایرس د مقابلې لپاره (۵۰) پنځوس اربه ډالر بودیجه هم اعلان کړه .

نوموړي وویل چې امریکا به ډېر ژر د روان روغتیا يي بهران نه ځان وباسي ؛ او ټولو ایالتونو ته یې امر وکړ چې په بېړنۍ توګه د کرونا وایرس سره مبارزې ته ور ودانګي .

کرونا وایرس دم ګړی دامریکا متحده ایالاتو ټلو ایالتونو کې خپور شوی ؛ تر دم ګړیه یې (۱۰۰۰) کسان په اخته شوي  او (۴۱)  یې وژلي دي .

په امریکا کې پر لویو غونډو ؛ ودونو ؛ د موسیقۍ پر پروګرامونو؛ مذهبي او سپورتي لویوغونډو هم بندیزونه لګول شوي دي . 

ځیني ښوونیزي ادارې لا له وړاندي بندي کړل شوې وې او ځینو اوس د بندېدلو پرېکړي کړې دي .

ولسمشر ټرمپ نېشنل ایمرجنسي یا په ټوله هیواد کې بېړنی حالت په داسي حال کې اعلان کړ چې کرونا وایرس لا له وړاندي د امریکا د ونډو بازار سخت ځپلی دی .

تېره ورځ ولسمشر ټرمپ له ټولو اروپايي هیوادونو امریکا ته د خلکو تګ وځنډاوه ؛ یوازي بریتانیا له دغه بندیزه وتلې وه ، خو نن یې دا اشاره هم ورکړه چې د بریتانیا په تړاو به هم پر خپله پرېکړه فکر وکړي .

دلته بریتانیا کې د کرونا وایرس پېښي په شدت سره مخ په زیاتېدو دي ؛ تر دم ګړیه این ایچ ایس په کرونا وایرس د اخته کسانو شمېر ۷۹۸ اعلان کړی او ۱۱ یولس کسانو ژوند له لاسه ورکړی  .

بریتانیا هم د رارواني اونۍ نه د Mass gatherings could be banned پیغام ورکړ ، مطلب دا چې پر لویو غونډو ؛ ودونو ؛ مېلو او مذهبي رسوماتو کې به ډېر خلک نه سره راغونډیږي .

په بریتانیا کې لا هم ښوونځي پرانیستي دي  او چارواکي  وايي لا هم تر اوسه حالات کابو کې دي  خو خلک د ښوونځیو د بندېدو غوښتنه کوي .

د بریتانیا چارواکي وايي چې بریتانیا د کرونا وایرس سره د مبارزې لپاره چمتو ده ؛ خو بل پلو کرونا وایرس په بریتانیا کې سخته وېره خپره کړې ده .

ډېری په دې اند دي چې په امریکا ې تر نېشنل ایمرجنسي اعلانولو وروسته ښايی بریتانیا هم ورته ګاو واخلي . ځکه په بریتانیا کې د کرونا وایرس پېښي پرله پسې مخ په زیاتېدو دي .

افغانستان کې د کرونا ویروس پېښوشمېر زیات شو

د افغانستان د روغتیا وزارت په دغه هیواد کې د کورونا ناروغۍ د یوې بلې پېښې خبره کوي د دې وزارت ویاند وحید مایار د سې شنبې په ورځ( د مارچ ۱۰) بي بي سي ته وویل، د افغانستان شمال ته په سمنګان ولایت کې یو کس کورونا نیولی دی د هغه په خبره، دې پېښې سره افغانستان کې پر کورونا د اخته کسانو شمېر پنځو ته ورسېد

د دې ناروغۍ نورې پېښې تراوسه یوازې له ایران سره ګاونډي هرات ولایت کې وې. تر اوسه د افغانستان مختلفو ولایتونو کې د کورونا لسګونه شکمنې پېښې معاینه شوې، خو منفي بلل شوې دي دا شکمنې پېښې، په هرات، هلمند، فراه، غور، بغلان، بلخ، فاریاب، غزني، لوګر او کابل کې ټولې شوې وې

تر اوسه د افغانستان مختلفو ولایتونو کې د کورونا لسګونه شکمنې پېښې معاینه شوې، خو منفي بلل شوې دي. دا شکمنې پېښې، په هرات، هلمند، فراه، غور، بغلان، بلخ، فاریاب، غزني، لوګر او کابل کې ټولې شوې وې

د کورونا د مخنیوي لپاره تدبیرونه

افغان ولسمشر محمد اشرف غني د کورونا ویروس د خپرېدو د مخنیوي لپاره د ملي پګړې یا بسیج غوښتنه کړې ده.

افغان حکومت د دې ناروغۍ د خپرېدو د مخنیوي لپاره ۲۵ میلیونه ډالر ځانګړي کړي دي.

ولسمشر غني څو ورځې مخکې د ملي شورا د پرانیستې غونډه کې وویل، که افغانستان کې د کورونا خپرېدل چټک شي، حکومت به له دې ویروس سره د مقابلې لپاره ملي بودیجه باندې بیا کتنه وکړي او د تصویب لپاره به یې بیا ولسي جرګې ته واستوي.

د ممکنه ناروغانو د پېژندلو لپاره د افغانستان پولو او هوايي ډګرونو کې ځانګړي تدبیرونه نیول شوي، خو پر دې ویروس د اخته کس د پېژندلو لپاره یوازې پلازمېنه کابل کې امکانات شته او شکمن کس باید د معاینې د نتیجې تر روښانېدو پورې اړوند ولایت کې قرنطین شي.

د کورونا ویروس د ازمېښت ډبی ۱۶ سوه ډالر لګښت لري چې د ۵۰ کسانو د معاینې لپاره کارېدلی شي.

افغان حکومت وايي، هرات ولایت کې به ښوونځي او پوهنتونونه په ځنډ پرانیستل شي.

د روغتیا وزارت له خلکو غوښتي چې د نوروز مراسمو او غونډو کې ګډون ونه کړي.

ازبکستان له افغانستان سره پوله تړلې او پاکستان هم پر سپین بولدک دروازه تګ راتګ د یوې اونۍ لپاره بند کړی دی.

افغانستان هم لومړیو کې له ایران سره پوله وتړله، خو وروسته یې پرانیسته.

ډبلیو ایچ او: کرونا ویروس د هوا له لارې انتقالېدلۍ شي

د روغتیا نړیوال سازمان وایي چې کرونا ویروس تر اوسه په نړۍ کې چټکه او خطرناکه پراختیا نه لري. ددغه سازمان د ساري ناروغیو د برخې مشر په ژنیو کې د خبرو پر مهال ویلي، چې د نورو نړیوالو ساري ناروغیو په پرتله د کرونا ناروغۍ ځاني زیانونه تر دې دمه کم دي

. د سرچینې په خبره دغه ناروغۍ تر اوسه ۴۲۵ کسه وژلي چې تر ډېره په چین کې دي. همدا راز تر دې دمه ۲۰ زره کسان په دغه ناروغۍ اخته دي. یاد سازمان د چین هڅې یو ځل بیا ستایلې دي چې ددغه ویروس د پراختیا مخه یې ونیوله.

 د روغتیا نړیوال سازمان لا هم بېړنی حالت دوامداره بولي او پر هېوادونو غږ کوي چې ددغه مرض د پراختیا په مخنیوي کې له چین سره همکاري وکړي.

د کرونا ویروس یو شمیرهیوادونو ته رسیدلۍ‎  چی زیاته فیصدي یی په چین هیواد کی شتون لري او لا هم چین کی  بېړنی حالت دوام لري دغه بیړنی حالت به د پوره مخنیوۍپوری دوام ولری

په چین هیواد کی د یادو ویروسو لپاره ډاکټرانو عامو وګړو ته د احتیاتي تدابیرو نیولو لارښونه کړی دوي ته یی د ماسکونو اچولو او په ورځ کی یی ۵ ځل د مخ او لاسونو وينځلو او د بی ځایه ګرځیدلو د  ډډی لارښونه هم کری. د یادونی وړ ده چی په آفغانستان کی هم د کرونا ویروس د مخنيوي لپاره د ډاکټرانو لخوا د احتیات کولو لارښونه شوی او د حکومت لخوا د خارج نه راتلونکی مسافرو د معاینه کولو حکم شوی دی د شک وړ  مسافرو ته د روغتون کی د معاینی امر هم شوی.