اصغر افغان: شپږيزه د نوي ځوانانو لپاره ډېر مهم لیګ دی

اصغر افغان: شپږيزه د نوي ځوانانو لپاره ډېر مهم لیګ دی د هېواد د ملي کرکټ ټيم مشهور لوبغاړۍ او کپتان اصغر افغان چې په شپږيزه کرکټ ليګ کې روان کال د بند امير ښامارانو د ټيم کپتان دی، وايي چې شپږيزه کرکټ ليګ د افغانستان د نوي نسل لپاره ډېره مهمه ده.

ښاغلۍ افغان يوه ويډيو چې د کرکټ بورډ لخوا خپره شوې ده، پکې اصغر افغان ویلي ، چې د دوى لوبډله بند امير ښاماران ډېرهښه ټيم جوړه کړې ده، چې ځوانان او سينئير لوبغاړي پکې شامل دي، هغه په خپلو خبرو کې زیاتوي ، چې شپږيزه کرکټ ليګ د افغانستان د راتلونکي لپاره ډېره مهمه ده او بايد هر کال وشي تر څو دا رواج قایم وساتل شي،

هغه وويل، شپږيره ليګ کې ځوانان ډېر څه زده کوي او همدا رنګه له سينئير پلیرانو څخه به هم ډېر څه زده کړي، چې په راتلونکي کې ورته فایده کوي افغان وايي، چې له شپږيزې څخه ډېر ځوان لوبغاړي ملي لوبډلې، د ١٩ کلنو لوبډلو، اې لوبډلې او ايمرجينګ لوبډلې ته راغلل او ملي ټيم کې هم موثر تمام شول.

نوموړي همداراز وویل ، چې ځوانان هڅه وکړي ، چې په شپږيزه کې ډېر څه زده کړي او خپل ځانونه ښکاره کړي، ځکه همدېکې د دويي کامیابي ده.اصغر افغان د لوبډلو په اړه وويل، چې ټول ټيمونه ډېر ښه جوړ شوي دي. هغه وويل چې شپږيزه به هغه لوبډله ,ګټي، چې شپږيزه ډېره سيريس واخلي او ځانونه ورته اماده کړي نوموړي وویل چې باید ټول ټيمونه هڅه وکړي چې لوبې وګټي ځکه ټول پلیران د افغانستان لپاره فایده ده چې ټرین شي او د لوبو ګټلو چل ورته زده وي،

هغه وویل ، چې زه هره سيالۍ کوم، که هغه نړيواله سيالي وي او که کورنۍ سيالي وي، نو ډېره توجه يې سيالۍ ته وي، ډېر سيريس ډول باندې لوبه کوي.هغه وايي چې کوشش کوم چې ځان فټ وساتم او تر پایه ولوبېږم نوموړي وویل چې دا کورنۍ لوبې دي او هر انټرنیشنل پلیر ترینه خوند اخلي

اصغر افغان: شپږيزه د نوي ځوانانو لپاره ډېر مهم لیګ دی
اصغر افغان: شپږيزه د نوي ځوانانو لپاره ډېر مهم لیګ دی

نوموړي همداراز وویل چې په نړيوالو سياليو کې پرېشر بوج ځکه ډېر وي چې هغه نړيوالې سيالۍ وي، خو کورني سيالۍ بيا فرق کوي، ځکه کورنۍ په خپل هېواد کې وي. نوموړي وويل، چې هر ډول سيالۍ چې وي خو بايد ښه لوبډلمشري وشي.

ګواسکر:IPL کې اوس هرټیم د راشد خان ارمان کوي

د هېواد کرکټ ملي ټيم درې پياوړي او مخکښ پلیران، چې نه يوازې د لوبډلې تر ډېره پورې تکيه په همدې پلیرانو ده ، بلکې په نړيواله کچه هم ډېر مشهور دي او د دنیا په ستر لیګ انډین پریمیرلیګ کې هم لوبیږي،

په دغو درې پلیرانو کې راشد خان، محمد نبي او مجيب الرحمان شامل دي، چې درې واړه ښه بالران دي او محمد نبي بيا د الراونډر لوبغاړى هم دى، خو راشد خان هم د اړتيا پر مهال ښه بیټنګ کولۍ شي، د کارابين پريمئير ليګ چې د اګست په ١٨مه نېټه پيلېږي او د سپتمبر تر ١٠مې نېټې پورې به ختم شي ، راشد خان پکې د بارباډوس ټريډينټس لوبډلې سره لوبېږي، محمد نبي د سينټ لوسيه زاوکس لوبډلې سره لوبېږي او مجيب الرحمان بيا د جمايکا ټلواهاس لوبډلې سره لوبه کوي،

یاد ليګ د سپتمبر په ١٠مه نېټه پاى ته رسېږي، بل خوا بیا د افغانستان کورنى ليګ شپږيزه کرکټ ليګ بيا د سپتمبر په ٦مه نېټه تر سره کیږي او تر ١٦مې پورې به میچونه کوي .په تېره شپږيزه کرکټ ليګ کې محمد نبي د مس عينک اتلانو لوبډلمشر و او راشد خان بيا د بند امير ښامارانو لوبډلې کپتاني ه غاړه درلوده.

همدا رنګه په ورته وخت کې بيا د هند تجارتي ليګ (IPL)د سپتمبر په ١٩مه نېټه پيلېږي او د نومبر تر ١٠مې نېټې پورې به دوام کوي.د سي پي ايل تر ختمېدو مخکې د شپږيزې کرکټ ليګ پيلېږي او د شپږيزې تر ختمېدو درې ورځې وروسته بيا اى پي ايل سيالۍ تر سره کیږي،

اوس دا درېواړه أیګونه په داسې یو وخت کې پيلیږي چې لوبغاړو ته پکې د ګډون انتخاب سخت شوۍ دۍ ځکه دا لیګونه تجارتي ليګونه دي او لوبغاړو ته پکې روپۍ هم ورکول کیږي نو اوس وخت کې به ورته سخته چې ایا بیسو ته اوګوري او که نور خواوې ېې وڅیړي چې کوم یو ېې ښه دۍ چې پکې ولوبیږي لبحوا بیا د کورونا له امله سفرونه هم د پخوا په څېر نه دي.دا درې واړه لوبغاړي په دې درې واړه ليګونو کې لوبېږي،

ايا راشد، نبي او مجيب به د شپږيزې نه پرته نورو ليګونو کې لوبیږي؟

بازې راپورونه دا هم وايي، چې ښايي د سفري محدوديتونو له امله راشد خان ونه شي کولاى چې د شپږيزې کرکټ ليګ ته ځان راورسوي، که څه هم دا خبر تاييد شوى نه دى، خو که داسې کېږي نو بيا به نور افغان لوبغاړي هم ونه شي کولاى چې په شپږيزه کې لوبیږي، که مونږ اوګورو د شپږېزې شوقیان اکثره د دې درېواړو پلیرانو فینز دي او ډېرۍ تماشیان د دوي لپاره شپیږیزې کتلو لپاره ګراونډونو ته زي خو که چرته دويي پکې برخه وانخلي نو ښايي دا وار ته تماشیان هم د تېر په پرتله کم وي،

کرکټ بورډ: شپږيزه ټورنمنټ به په اګست کې ترسره شي

د هېواد کرکټ بورډ اداره وايي ، چې په پلان کې لري چې سږکال د شپږيزې کرکټ ليګ سيالۍ د اګست په مياشت کې ترسره کړي.که څه هم د کرونا ویروس له امله د کرکټ په شمول زیات نورې لوبې ځنډول شوي دي،

د کرکټ بورډ ادارې د مۍ مياشتې په مجله کې د شپږيزې کرکټ ليګ د شروع کېدو په اړه خبر ورکړل شوى دى.یادې مجله کې راغلي دي، چې د افغانستان کرکټ بورډ په پام کې لري چې د روان زېږديز کال په اګست مياشت کې د شپږيزې کرکټ ليګ اووم پړاو سيالۍ هم ترسره کړي.

یادې ادارې همدا راز وايي، چې په اوسني حالت کې به د شپږيزې کرکټ ليګ د افغانانو د خوښۍ شېبې زياتې کړي او خلک به په ژوندۍ بڼه د خپلو اتلانو لوبې ننداره کړاى شي.دا په داسې حال کې ده چې د کورونا له امله په ټوله نړۍ کې د کرکټ سيالۍ ځنډېدلي دي، چې د هند ستر تجارتي ليګ اى پي ايل هم د کورونا له امله سږکال تر دې مهاله پورې نه دى ترسره شوى.

بل خوا ته د ويسټ انډيز لوبډله بيا انګلېنډ ته تللې ده او د جولاى په اتمه نېټه به دواړه لوبډلې د درې ټېسټ سياليو لوبلړۍ پيل کړي.همدا راز د افغانستان کرکټ ملي لوبډلې ٢٤ لوبغاړو شاوخوا لس ورځې مخکې په کابل کې يو مياشتينى تمريناتي کمپ پيل کړى دى، چې کرکټ بورډ يې موخه راتلونکي اسيا جام او نړيوال جام ته د لوبغاړو چمتووالى ښايي.

کرکټ بورډ وايي، چې په دې ترننګ کمپ کې به د پلیرانو په بیټنګ ، او بالنګ او همدا راز په تکړښت باندې پوره کار وشي.دوه ورځې مخکې د ملي لوبډلې لوبډلمشر اصغر افغان په خپله يوه مرکه کې دا هم ويلي و، که چېرته د دوى لوبغاړي ښه پرفامنس ښه وو نو کېدایشي د روان کال د اسیا جام پاکستان ته راوړي،

د یادونې وړ ده چې د کرونا ناروغۍ له امله په ټوله نړۍ کې د وړو ټونمنټونو ترڅنګ ګڼ شمېر سیالۍ ځنډېړلي دي او ترسره نشوې، د نورې نړۍ ترڅنګ ګران هېواد افغانستان کې هم د کرونا ویروس ښه په زور کې روانه ده باید د کرکټ اداره دغه وبا هم په نظر کې ونیسي ترڅو د زیاتو انساني فاجعو نه مخنیوۍ وشي په افغانستان کې تر دې دمه ۲۰ -۲۲ زرو نه ریات کسان په کرونا اخته شوي دي،

کرکټ بورډ که دغه ټورنمنټ یا سیالۍ ترسره کوي هم نو باید ځانګړي شرایط ورته وضع کړي لکه تماشیانو کم شمېر په لوبغالي کې پريګدي او د زیاتو خلکو اجازه ورنکړي ترڅو د کرونا ویروس د خپرېدو نه مخنيوۍ وشي او کرونا په کڼټرول کې وساتل شي،