امیر خان یار: سولې لپاره یاید ټول قومونه یوشي

دافغانستان مشهور شخصیت او ولسي جرګې کې د ننګرهار د خلکو استازی امیر خان یار ویلي ، د سولې لپاره هیله مند یوو، او باید ټول قومونه سولې لپاره متفق شي، که چرته ټول قومونه سره اتفاق ونکړي نو سوله نا ممکنه ده،

ښاغلۍ یار په ولسونو غږ وکړ، چې رازۍ ټول د سولې لپاره سره د یووالي لاسونه ورکړو او ټولې هغه لارې چارې وګورو او وڅارو چې پرې سولې ته پکې ورسېږو، امیر خان یار د ننګرهار د نوي والي ضیاءالحق امیرخېل په معریفي غونډه کې له دې څرګندونوکې زیاته کړې، چې ننګرهار د انسان قاچاق او تښتونې له وېرې خلکو پرېښی دی، د انساني قاچاق ، باج ګیرۍ او نورو جرمونو مخه باید د نوي والي صیب له لومړیتوبونو څخه وي،

د پارلمان لومړي مرستیال ښاغلي یار هیله وښوده چې نوی والي په ننګرهار کې ښه مدیریت او مأموریت تر سره کړي او امنیت ته به ځانګړې پاملرنه وکړي، هغه وایي، د ننګرهار مدیریت او رهبري نوې شوه، که ولسونه یې هم خپلې پرېکړې نوې کړي او همکار واوسي، ننګرهار ولایت به ښه پرمختګ وکړي او خلکو ته به یو مثال جوړ شي،

ښاغلۍ ضیاءالحق امرخېل اوونۍ وړاندې د ننګرهار لپاره نوی والي وټاکل شو، چې نن یې د ننګرهار ولسونو ته په یوه لویه پېژن غونډه کې ور وپېژندل شو او رسماً ېې د کار اغاز وکړ، نوموړۍ د دې نه وړاندې هم د ولسمشر سلاکار وو او په دولت کې ېې پر مختلفو پوسټونو کار کړي نوموړۍ د ۲۰۱۴ انتخاباتو مشر هم پاتې شوۍ،

د ضیالحق امرخېل نه وړاندې د ننګرهار پخوانی والي شاه محمود میاخېل وو، چې ډېره بریالۍ رهبري او مدیریت یې وکړ او له ډېرو لاسته راوړنو وروسته د ولسمشرۍ ماڼۍ په حکم د ملي دفاع وزارتاول معاون وټاکل شو.ښاغلي میاخيل هم په دولت او نړیوالو ادرو کې په لوړو پوسټونو پاتې شوۍ، او د مملکت ېې ډېر خدمت کړۍ،

امیر خان یار: سولې لپاره یاید ټول قومونه یوشي
امیر خان یار: سولې لپاره یاید ټول قومونه یوشي

د میاخېل صیب له تګ وروسته، ننګرهار شاوخوا یوې میاشتې لپاره بې سرپرسته وو، چې په دې موده کې د ننګرهار پر محبس دروند برید هم وشو او د ننګرهار امنیتي وضعیت ډېر بد شو چې بیا هم له اوږدې مودې وروسته تېره اوونۍ ننګرهار ته والي وټاکل شو او نن به رسماً کار پیل کړي.د نوموړۍ د اداره امور د مشر فضلي صیب لخوا معریفي شو او دغه معرفت غونډه کې د ولسي جر ګې غړو او نورو سیاسي شخصیتونو هم ګډون درلود،

ضیاالحق امرخېل: ټاکنې مونږ ګټلي

د ولسمشر غني سلاکار ضياالحق امرخېل تېره شپه د یو ټلویزیون سره په مرکه کې وویل، ټاکنې مو ګټلي، هيچا ته باج نه ورکوو او هېڅ فشار ته نه تسليمېږو.

امرخېل چې د ولسمشر محمد اشرف غني ستر سلاکار بلل کېږي په ولسمشریزو ټاکنو کې د محمد اشرف غني له بریا وروسته په رامنځته شویو ستونزو باندې وغږید او ډاډ یې ورکړ چې هر څه به بېرته سم شي.

هغه د خپلو څرګندونو پر مهال د ولسمشر غني د بریالیتوب وروسته د روان کړکیچن حالت په اړه وویل، چې یو شمېر سياسيون د خپلو ګټو او سهم لپاره پر حکومت فشار راوړي، نه د افغانستان لپاره.

نوموړي د ډاکتر عبدالله عبدالله وروستیو خپلسریو کړنو ته هم په اشارې سره وویل، چې په ټاکنو کې له ماتې وروسته د یو شمېر ولایتونو لپاره د والیانو ګومارنه غیر قانوني ده او لاهم د بحران رامنځته کولو په هڅه کې دی.

خو امرخېل د عبدالله عبدالله د پرېکړو په اړه ولس ته ډاډ ورکړ چې د غير قانوني واليانو د معرفي کولو په هکله دئ هيڅ تشويش نه کوي، ځکه موږ پياوړي امنيتي ځواکونه لرو او هیڅوک به پرېنږدو چې غیر قانوني راشي او دنده پیل کړي.

امرخېل د مرکې په دوام سیاسیونو ته په خطاب کې او افغان ولس ته په ډاډ سره وویل، چې د لوړي مراسم او د نوي کابينې جوړول، هر څه به د مهالوېش مطابق مخ ته ځي؛ هيڅ ځنډ به په کي را نه شي.

د ولسمشر سلاکار یو شمېر سیاسیون هم د نوم نه ښودلو په شرط یاد کړ او وې ویل چې یو شمېر افغان لوړ پوړي چارواکي سياسیون د ولسمشر غني سره د عقدې او کينې له کبله د لېونتوب تر حده رسېدلي دي.

امرخېل د سولې په اړه هم وویل، چې خلک دې تشویش نه کوي افغان حکومت سولې ته په بشپړه توګه ژمن دى او مکمل چمتووالى لري، هغه خبر ورکړ چې د امريکا او طالبانو تر توافق وروسته به ژر د افغان دولت او طالبانو تر منځ خبرې پيل شي.

د ولسمشر سلاکار د سولې پروسې په برخه کې یو شمېر پرېکړو ته په اشارې سره وویل، چې د طالب بنديانو خوشې کېدل د امريکا اوطالبانو د توافق برخه نه ده، دا تصميم به افغان حکومت د بين لافغاني مذاکراتو په لړ کې نيسي.

امرخېل د سولې پروسې په اړه داهم وویل چې افغان حکومت او امريکايان د سولې د روانې پروسې په هکله بشپړه همغږي لري او په ډیر دقت سره پرمخ روان دي.

ضیاالخق امرخېل د مرکې په پای کې وویل، چې د سولي په خبرو کي د موجود حکومت پنځه کلنه دوره د بحث او معاملې وړ نه ده.

امرخېل په داسې مهال په یوې مرکه کې راښکاره شو چې په ولسمشریزو ټاکنو کې ولسمشر غني یوځلي بیا بریا ترلاسه کړه او د افغانستان لپاره به د پنځو کلونو نوره ولسمشري هم وکړي.

د یادولو ده چې په ټاکنو کې به ولسمشر غني له بریا وروسته راتلونکې بنجشنبه لوړه وکړی چې پکې به بیلابیل کورني او بهرني مېلمانه هم ګډون وکړي.