پرطالبانودې بریدونه بندشي ولسمشرغني

ولسمشر پرون، د فبرورۍ په ۲۱مه نېته په ټول هېواد کې امنیتي او د فاعي ځواکونو ته امر وکړ چې پر وسله‌والو طالبانو حملې بندې کړي.

د امریکا اوطالبانو ترمنځ د موافقې له مخې، د بېګا شپې له ۱۲ بجو د فبرورۍ تر ۲۹ مې به په ټول افغانستان کې تاوتریخوالی کم وي.

اشرف غني پرون په ټلویزوني وینا کې وویل چې د افغانستان امنیتي ځواکونه به په دفاعي حالت کې وي.

ښاغلي غني زیاته کړه: “اوس چې د سولې لپاره زمینه برابره شوې، له دې فرصته موږ د خپلو خلکو برحقه غوښتنه مطرح کړه چې طالبان اوربند ومني او مذاکرات پېل شي، خو دا چې د طالبانو ډلې د تاوتریخوالي په کموالي هوکړه وکړه، داهم اوربند او پایه دارې سولې ته د رسېدو لپاره یو مهم ګام دی.”

د  طالبانو د نظامي چارو کمېسیون هم یو بیان خپور کړی او ویلي یې دي چې تر راتلونکې شنبې به د افغانستان پر امنیتي او دفاعي ځواکونو او امریکايي قواوو حملې نه کېږي.

په خبرپاڼه کې وسله‌والو طالبانو ته ویل شوي چې دافغانستان د حکومت تر کنټرول سیمو ته له تګه ډډه وکړي.

د امریکا د بهرنیو چارو وزیر مایک پامپیو وویل چې په یوه اوونۍ کې د تاوتریخوالي د کمولو پرېکړه په بریالیتوب عملي شوه، د فبرورۍ په ۲۹مه به امریکا له طالبانو سره د سولې هوکړه لاسلیک کړي.

طالبانود مذاکراتو خرابیدو زمه واري په امریکايي او افغان چارواکو ور اچولې

د متحده ایالاتود بهرنيو چارو وزیر مایک پمپیودوشنبې په ورځ ويلي چې د طالبانو سره د سولې د توافقنامه لاسليک کېدل نزدې شوي، خو تر هغې مخکې، طالبانو ته په کار ده چې د تشدد د کمولو په برخه کې دې خپل نیت او وړتیا وښاي .

د امریکا خارجه وزیر پمپیو ویلي: “مونږ په پوره احتیاط سره د سولې او پخلاینې پر یو پلان کار کوو، موږ تېر ځل هم، همداسې پلان ته نږدې شوي وو چې داړو اړخونو پرې کار کړی و، خو طالبانو شو چې د تشدد د راکمولو په برخه کې خپل نیت او وړتیا ثابته نه  کړه

طالبانو د پمپیو بيان ته په ټویټر غبرګون ويلي چې” اسلامي امارت د مشکل د حل اراده اوتوان لري، د مذاکراتو بهیر د ټرمپ ټویټ، د امریکا متعددو غوښتنو، په امریکا او کابل کې د چارواکو اختلاف خزاب کړی. ښاغلی پمپیو دې د خپل بام واورې زموږ پر بام نه را اچوي، زموږ موقف اصولي او متحد دی، دریځ مو د مقابل لوري په شان متزلزل نه دی”.

له دې وړاندې د تشدد د کمولو په سر د اختلافاتو له امله د امریکې او د طالبانو مذاکرات ځنډېدلې دي.

د طالبانو د قطرد فتر ترجمان سهېل شاهین د ځنډ ذمه واري په امریکایانو اچولې چې د لوظنامې د لاس کېدو د ورځو په مهال به پرامنه ماحول جوړ وو خو امریکایانو نورې غوښتنې وړاندې کړې…د دې له امله د امن په بهیر کې خنډان پېدا شوي.”

د سولې بهير په داسې هالکی  د ځنډ ښکار شوی چې د افغانستان د سولې دپاره د امریکا ځانګړي استازي زلمي خليلزاد د اسلام اباد او کابل سفرونه کړي او د دواړو هېوادونو د مشرانو سره يې خبرې اترې شوي او د طالبانو سره د ترسره شوؤ خبرو په احوال يې خبر کړي دي.