دوحه کې مذاکراتي پلاوي  د طرزالعمل په اړه توافق  ته سره رسېدلي دي

دوحه کې مذاکراتي پلاوي د طرزالعمل په اړه توافق ته سره رسېدلي دي.په قطر کې د خپلمنځي مذاکراتو له بهیره باخبره سرچینې وایي، په پلازمېنه دوحه کې د روانو مذاکراتو دواړه لوري د ناستو د طرزالعمل په اړه هوکړې ته رسېدلي او ژر به په دې اړه رسمي اعلان هم نن ناوخته وشي.

د قطر پلازمینه دوحه کې د دوو میاشتو راپدېخوا د طالبانو او حکومت مذاکراتي ټيمونه د خبرو مېز ته ناست وو؛ خو د حکومت د ټیم له لوري د مذاکراتو د بنسټ په حیث د طالبانو او امریکا د تړون د نه منلو او یو شمېر نورو اختلافي ټکو له امله په مذاکراتو کې پرمختګ په ټپه ودرېد او مذاکراتي ټیمونه ونه توانېدل د ناستو د طرزالعل په اړه هوکړې ته ورسېږي.تازه یو شمېر سرچینې وایي، دواړو لورو د ناستو د طرزالعمل په اړه هوکړې کړې، چې ډېر ژر به یې په اړه رسمي اعلان وشي.

د يو مهم میډیا خبریال «علي حسیني» مذاکراتي بهیر ته د نږدې سرچینو له قوله لیکلي، چې د بین الافغاني مذاکراتو ټیمونه د اختلافي موضوعاتو په اړه توافق ته رسېدلي او داسې تمه وه، چې دا هوکړه نن ورځ «چهارشنبه» اعلان شي؛ خو اعلان یې ځنډېدلی.که څه هم په رسمي ډول تر دې دمه په مذاکراتو کې د هوکړې خبرونه تایید شوي نه دي؛

خود ملي امنیت پخوانی مشر «رحمت الله نبیل» وایي، د دواړو لورو تر منځ د طرزالعمل په ۱۹ مادو باندې هوکړه شوې او یوازې رسمي اعلان یې پاتې دی.دده په خبره، د حکومت مزاکراتي ټیم تر فشار لاندې و او د طالبانو په وړاندې يې مقاومت نشوای کولای هغه وايي ډېر ژر به دويي رسمي اعلان هم وکړي او دا به د سوللې خبرو لپاره یو بنیاد وي چې دا ټول اړخونو ته مهمه خبره ده.

دوحه کې مذاکراتي پلاوي  د طرزالعمل په اړه توافق  ته سره رسېدلي دي
دوحه کې مذاکراتي پلاوي د طرزالعمل په اړه توافق ته سره رسېدلي دي

هیره دې نه وي، چې د حکومت مذاکراتي ټیم داسې مهال د اختلافي موضوعاتو په برخه کې له طالبانو سره هوکړې ته رسېږي، چې د امریکا دفاع  وزارت له افغانستانه د زرګونو عسکرو د ایستلو اعلان کړی او داسې ګمان کېږي، چې ښایي د طالبانو او امریکا تر منځ د شوي تړون په بنسټ د راتلونکي کال په لومړیو پنځو میاشتو کې ټول بهرني عسکر له افغانستانه ووځي.او افغانستان سره به بهرني هېوادونه مرستې جاري وساتي.

دسویزرلینډهېوادچارواکودطالبانومشرانو سره خبرې شوي

دسویزرلینډهېوادچارواکودطالبانومشرانو سره خبرې شوي د سویزرلینډ هېواد چارواکو سره یې د روانو خپل منځي خبرو او افغانستان کې د بشري او تعلیمي مرستو رسولو په هکله خبرې اترې کړې دي.او د ملانړ ډاډ ېې ورکړی.

دوحه کې د طالبانوسیاسي دفتر ویاند ډاکټر محمدنعیم د یو لړ ټویټونوکې ویلي، چې نن ماښام د طالبانو د سیاسي دفتر د اروپايي څانګې مسئول مولوي عبدالحق وثیق په مشرۍ هیئت او د طالبانو د تعلیم او تربیې او عالي تحصیلاتو کمیسیون د بهرنیو اړیکو مسئول مولوي عبدالحکیم همت د ویډیو کنفرانس له لارې په قطر کې دسویزرلینډ هېواد سفیر «دوریګ» او افغانستان لپاره ددغه هېواد نا استوګن سفیر «دي سرجات» او د سویزلینډ هېواد د بهرنیو چارو او پرمختیايي ادارې له استازو سره ملاقات ترسره کړی دی.

هغه زیاتوي،په دغه کتنه کې  د بین  الافغاني مذاکراتو په روان بهیر، د افغانستان د وضعیت او جینوا کې د راتلونکي کنفرانس او په افغانستان کې د سویزرلینډ هېواد د بشري او تعلیمي مرستو د ویش په هکله خبرې  اترې شوې دي.د ډاکټر نعیم په خبره د خبرو په جریان کې طالبانو سویسي چارواکو ته ډاډ ورکړی چې د هرقسم بشري رسولو کې د مرستو رسوونکو امنیت تأمینوي او دواړو لورو د اړیکو پر پراختیا او دوام ټینګار کړی.او غواړي چې نور اړېګې ورسره پراحه شي.

د یاد هېوادچارواکي په داسې مهال طالبانو سره د بشري او تعلیمي مرستو ترڅنګ د جینوا راتلونکي کنفرانس کې د همکارۍ ټټر وهي، چې د کابل حکومت چارواکو هم یاد کنفرانس کې د نړیوالو مرستو راجلبولو په خاطر په تیرو څو اونیو کې ګڼ لوړ پوړي حکومتي چارواکي په فساد تورن او څارنوالۍ ته معرفي کړل؛ خو ددې چارواکو له ډلې کم شمېر یې نیول شوي او ګنو نورو بیا په آزادانه توګه خپلو دندو ته دوام ورکړی دی.

طالبان:دارګ لخوا تخریبکونکي خبرې به د سولې خبرو ته زیان ورسوي

د یادونې وړ ده چې طالبان غواړی چې دا ځل د نړی سره پراخه تعلقات ولري او خپل سیاست ته تغیر ورکړي دويي د دې نه وړاندې د نورو اورپايي هېوادونو سره هم مجلسونه شوي دي.او دويي سره ېې په مختلفو موثوعاتو خبرې اترې کړي دي. دغه ډلې د پاکستان هېواد سره هم یو وار په سوداګری ټرانزیټ تعلیم او داسې نورو موضوعګانو بحث کړی د دويي په خبره ډېری هېوادونو ورته ډاډ ورکړی چې د سولې د توافق نه وروسته به ورسره مالي ملانړ جاري ساتي.

بي بي سي : طالبانو د افغانستان ډېری ښارونه نیولي

افغانستان کې د ملګرو ملتونو مرستندویه دفتر یا «یوناما» او اروپايي ټولنې د طالبانو لخوا د “اورکم” مودې د غځېدو غوښتنه کړې ده.

په افغانستان کې د امریکا او طالبانو ترمنځ د سولې تړون لاسیکېدو په هدف د کب له ۳ ـ ۹ پورې د تاوتریخوالي کمېدو باندې هوکړه شوې وه.

افغان چارواکو تېره شپه په زابل او کندهار ولایتونو کې پر افغان سرتیرو د طالبانو د بریدونو خبر ورکړی دی.

طالبانو تر دا مهاله یوازې د هلمند ولایت په ګرشک ولسوالۍ کې پر افغان پولیسو د برید پخلی کړی دی.

په افغانستان کې د اروپايي ټولنې استازي رولاند کوبیا بیا پر خپل ټویټر لیکلي: “که چیري د طالبانو لخوا د بریدونو پیلېدل تائید شي،دا به د هغه تړون له روحیې خلاف وي چې په دوحه کې لاسلیک شو، دا د دې وخت نه دی، بلکې د باور رامنځته کولو مرحله ده چې په رغنده ډول پر مخ ځي

په افغانستان کې د ملګرو ملتونو مرستندویه دفتر یا «یوناما» هم «بین الافغاني» خبرو ته د زمینې برابرېدو په هدف د اور کم مودې غځېدو غوښتنه کړې ده.

پرون سې شنبه د کب ١٣ یوناما په دې اړه پر خپل فېسبوک لیکلي: “د طالبانو د نظامي عملیاتو د بیا پیل کیدو په تړاو له رپوټونو وروسته، ملګري ملتونه د اور کم د دوام غوښتنه کوي، ترڅو د بین الافغاني خبرو اترو د پیل لپاره مناسب چاپیریال ته زمینه برابر شي چې دا چاره بیا د دایمي اوربند او دوامداره سیاسي جوړجاړی لامل شي.” پر همدې مهال د افغانستان د کورنیو چارو وزارت یوې سرچینې د نوم او غږ نه خپرېدو په شرط امریکا غږ ته وویل چې د تېرې شپې راپدېخوا په څو ولایتونو کې طالبانو پر افغان امنیتي ځواکونو بریدونه کړي چې مرګ ژوبله هم لري