عبدالله او غني د ناټو له سرمنشي سره خبرې کړي دي

د پکتيا د خلکو نماینده په ولسي جرګه کې راضيه سعادت منګل وايي، چې د عبدالله عبدالله او ډاکټرغني  مابین کې سياسي تفاهم کېږي، د افغانانو ملي وحدت لپارهدغه کار ښه دۍ ، تر څو راتلونکي لپاره يو غږ ولرو او د ټولو مليمسایلو لپاره یو موټۍ شو دغه خبره له دې وړاندې هم په افغانستان کې بازې بازې سیاسیونو دغه ګام ښه بللۍ وو. دغو ویلي وو چې دغه ګام به د ملي وحدت لپاره ښه وي او څومره چې زر کيږي باید عملي او حل شي. .

راضيه سعادت منګل په خپله فېسبوکپاڼه په يو پوسټ کې دا خبرې کړې دې او د ولسمشر غني او عبدالله عبدالله ترمنځ يې سياسي جوړجاړى د هېواد لپاره ښه بللې ده. خو نوموړې بيا د جنرال عبدالرشيد دوستم د مارشال کېدو په اړه نيوکه کوي او وايي چې افغانانو ته د هغه مارشال کېدو پرېکړه د قبول وړ نه ده..

دغه وکيلې همدا راز په خپل دغه پوسټ کې ليکلي دي، چې د جنرال دوستم د مارشال کېدو مسئله بيا ٩٥ سلنه افغانانو ته د قبول وړ نه ده، ځکه نوموړى د مقتدرو دولتونو په سقوط کې او کودتاګانو کې افغانانو ته خپله اصلي څېره ښودلې ده.

د يادولو ده چې د ولسمشر غني او عبدالله عبدالله د ټيمونو له لوري ويل شوي دي، چې د دواړو ترمنځ هوکړه نهايي شوې ده او ښايي ژر دواړه دغه هوکړه په رسمي ډول اعلان کړي.

تر دې دمه پورې د ولسمشر غني او عبدالله عبدالله ترمنځ شوې هوکړه په رسمي ډول نه ده اعلان شوې، خو په ټولنيزو رسنيو او يو شمېر رسنيو کې د ځينو سرچينو له قوله ليکل کېږي، چې ولسمشر غني له عبدالله عبدالله سره منلې ده چې په کابينه کې به پنځوس سلنه واک ورکوي او همدا راز جنرال عبدالرشيد دوستم ته به د مارشالۍ رتبه هم ورکوي.

بلخوا طلوع نیوز په ټولینیزو رسنیو کې یوه لیکنه نشر کړۍ ده له کومې له مخې به دغه هوکړه په دریو برخو ویشل کيږي او عبدالله عبدالله ته به په کابینه بازې وزارتونه ورکول کيږي. او د دې تر څنګ به دوستم ته د مارشالۍ رتبه ورکوي.د دغې طرحې یو برخه اصلاحاتو په اړه ده دغې د مخې به انتخاباتي اصلاحاتو ته کار کيږي.

افغانستان زمونږ ګډ کور دۍ باید ټول افغانان د هېواد د ابادۍ لپاره کاروکړي تر څو مونږ هم سیالانو سره سیال شو او عام خلک وکولۍ شي په ارامه فضاء کې ژوند وکړي. افغانستان د څو لسیزو راهیسې په جنګ اخته دۍ نو باید نور دغه هېواد بو ارام هیواد ټوله کې نړۍ کې ،پېژندل شي.

د عبدالله او غني انتخاباتي ټيمونو ترمنځ  مذاکرات پیل شوي

افغانان نور نه غواړي چې وحدت ملي په څېر تش په نوم حکومت جوړ کړي ، خلک وايي چې په سياسي معاملو کې د ملي القابو او رتبو ورکول خيانت دى او دغه رتبې باید وړ کسان ته ورکړي. هېوادوال د ولسمشر غني او عبدالله عبدالله ترمنځ جوړجاړي او د واک وېش ته اندېښمن دي او وايي چې ښايي تېره پنځه کلنه دوره يو ځل بيا هم تکرار شي.

افغانان له سياسیونو غوښتنه کوي، چې چوکیو لپاره دې پر ملي او ارزښتمنو مسايلو معاملې نه کوي. د کابل ښار يو اوسېدونکى حاجي محمد نسيم وايي، چې تېر پنځه کلن حکومت هېڅ هم ونه شول کولاى، تر دې پورې چې په کابل کې يې د ناروغانو لپاره يو روغتون جوړ نه کړو، که يو ځل بيا د تېر په څېر حکومت جوړېږي، نو دا د وطن او خلکو په تاوان دى.

بل خوا  ته بيا ډېرى ږګړي  له ولسمشر غني او عبدالله عبدالله څخه غواړي چې په خپل منځ کې دې جوړ شي، خو د واک وېش او د پخوانۍ دورې تکرار دې بيا نه کوي.

د کابل ښار يو بل اوسېدونکى اجمل بيات بيا وايي، چې تېر ځل هم له خلکو سره ژمنې وشوې چې ستونزې به نه جوړېږي او حکومت به ټولې چارې په بريالۍ توګه پر مخ يوسي، خو هغسې ونه شول. هغه وايي چې دا ځل ملت تمه لري چې د تېر حکومت تجربې تکرار نه شي. خلک د سولې تږې دي او دوى بايد د سولې لپاره جدي کار وکړي.

بل لوري ته په ټولنيزو رسنيو هم د ولسمشر غني او عبدالله عبدالله ترمنځ په جوړجاړي سختې نيوکې کېږي او که يو لوري ته عبدالله عبدالله د واک ترلاسه کولو لپاره د خلکو تر نيوکو لاندې دى، نو بل لوري ته پر ولسمشر غني هم له دې امله نيوکې کېږي، چې څنګه يو کس ته مارشالي ورکوي او دا ځلې بيا هم نيم حکومت ناکامه کانديد ته ورکوي.

بازې خلک بيا په ټولنيزو رسنيو کې دا جوړجاړى په نېک پال نيسي او وايي، چې په اوسني وخت کې لازمه ده چې ټول سياستوال يو موټى شي او د سولې خبرې پر مخ يوسي. دوى وايي که چېرته د سياستوالو ترمنځ يووالى رامنځته نه شي، نو ګټه به يې طالبانو ته ورسېږي او د سولې خبرې به هغسې پر مخ لاړې نه شي، لکه څنګه چې پکار دي.

د یادونې وړ ده چې کېدایشي ډېر ژر د اشرف غني او ډاکټر عبدالله عبدالله په یو توافق سره موافق شي او د یو لړ مراسمو کې دغه توافقنامه لاسلیک شي. له دغې توافق له مخې به واک ۵۰ ٪ دواړو نوماندانو په مینځ کې وویشل شي. په ټوله کابینه کې به ورته ۱۲ وزارتونه ورکړل شي. د دې نه علاوه کېدایشي د مستقلو ادارې هم نیم په نیمه ورکړل شي..