جاوېد اميرخېل: غواړم د سېلاب ځپلو مرسته وکړم

د افغانستان نامتوسندرغاړۍ جاويد اميرخېل نن کليزه ده، هغه له ٣١ کاله مخکې د اپريل په ٢٢مه نېټه په پکتيا کې زېږېدلى و. جاويد اميرخېل په پښتو موسيقۍ کې ځانګړى نوم او مقام لري، هغه تل د ښې موسيقۍ سره ښه شاعري ويلې ده او د دې تر څنګ يې ښکلې ويډيوګانې هم جوړې کړې دي دهغه  هره سندره له ستر پېغام ډکه وي او د هغه له سندرو څخه ښکاره کېږي، چې نوموړى له خپل هېواد او خلکو سره څومره مينه لري او په هېواد او خلکو څومره دردمن دى.

جاويد اميرخېل د پکتيا په ځاځي اريوب ولسوالۍ کې زېږېدلى دى. هغه په خپله يوه مرکه کې ويلي و، چې موسيقي يې مينه ده، د زړه له تله سندرې وايي او تمثيل نه کوي.

هغه وايي، که يې تمثيل کولى نو چا به يې اوس سندرې هم نه اورېدلې. نوموړى وايي چې د خپلې کورنۍ څخه يوازينى سندرغاړى دى او ښايي په کورنۍ کې يې له ده پرته بل څوک سندرغاړى هم پېدا نه شي.

جاويد اميرخېل چې د ژوند سړو تودو دې ته پرې نه ښود چې له اتم ټولګي څخه مخکې زده کړې وکړي او غريبۍ ته يې لاس پورې کړ، هغه ډېر کارونه وکړل خو اخر هم د سندرو نړۍ ته راغى، نوموړي لومړى له احسان عرفان او ماسټر علي حېدر څخه د موسيقۍ زده کړه ترلاسه کړې ده.

هغه وايي، چې سندرو ته راتګ ورته دومره اسانه نه و، ځکه کورنۍ يې نه پرېښوده چې سندرې دې وايي، وايي کورنۍ يې ورته ويل چې موږ ته د سندرو پېغور مه جوړوه، خو په وېنا يې چې کله يې خلکو سندرې خوښې کړې او کليوالو يې هم په ټلويزيون سندرې وليدې، نو بيا ورسره د خلکو رويه بدله شوه.

جاويد اميرخېل په خپله فېسبوکپاڼه په يو پوسټ کې هم له هغه ټولو خلکو څخه مننه کړې ده، چې هغه ته يې د کليزې مبارکۍ ورکړي دي.

له تاسې ټولو درنو ملګرو او مینوالو د زړه له کومې مننه کوم چې د کلېزې مبارکي مو رالېږلې له مینې مو قربان ټولو ته
د ښه ژوند په هیله یم ژوند مو خوږ او بختور اوسه
په درنښت

د پښتو ژبې ځوان سندرغاړۍشاه سواریو ځل بيا موسيقۍ ته مخه کړه

د پښتو نخواځوان او نامتو سندرغاړى چې دوه کاله د مخه يې له هنري نړۍ سره مخه ښه وکړه او د تبليغ په لار روان شو اوس يې يو ځل بيا د موسيقۍ نړۍ ته مخه کړه.

شاه سوار خان چې هغه مهال يې يوه ويډيو په ټولنيزو رسنيو کې خپره شوې وه، هغه په خپله ويډيو کې ويلي و، چې دوه کاله يې د ګناه کارونه ترسره کړي او نور له موسيقۍ نه توبه وباسي او خپل ټول ژوند به د خداى په لاره کې تېروي.

له هغه وروسته چې د شاه سوار خان هر څومره انځورونه راتلل، نو به يې پټکى په سر و، ږيره يې پرېښې وه، سپين کالي به يې په تن و او همدا راز يو کوچنى څادر به يې په اوږه و او په لاس کې به يې تسبې هم وې.

خو تازه شاه سوار خان په يوه ويډيو کې ويلي دي، چې په تبليغ کې د دوه کاله تېرولو نه وروسته هغه يو ځل بيا د موسيقۍ نړۍ ته مخه کړې ده.

شاه سوار خان چې په خپله دغه تازه ويډيو کې ويلي دي، چې لر و بر چې څومره هم زما مينه وال دي، دوى يوه خبره دا اورېدلې ده چې شاه سوار بيا د موسيقۍ نړۍ ته راځي.

هغه وايي، هو، دا رښتيا دي او زه بيا د موسيقۍ نړۍ ته راځم، خو لامل يې دا دى چې د دين کار به اول وي او د دنيا کار به دويم وي.

هغه وايي، چې د موسيقۍ نړۍ ته بيا ځکه راځم، چې دوه کاله مې د دين خدمت وکړ، خو هېڅوک زما پوښتنې ته رانغلل، چې شاه سوار څنګه دى؟ ژوند يې څنګه دى؟ او څه کوي، نو ځکه اوس بيا غواړم چې د موسيقۍ نړۍ ته راشم.

شاه سوار خان چې په کراچۍ ښار کې زېږېدلى او هلته يې ټول عمر هم تېر کړى دى، څو کاله دمخه د پښتو موسيقۍ مېدان ته راغى او ډېر ژر يې ډېر زيات شهرت ترلاسه کړ.

هغه د پښتو فلمونو لپاره سندرې ويلې او همدا راز په سټېج د نڅاوو له لامله بيا د خلکو له غبرګون سره هم مخ شو. همدا راز شاه سوار خان په ځينو پښتو فلمونو کې اداکاري هم وکړه.

خو يو وخت بيا شاه سوار خان په خپله يوه مرکه کې وويل، چې نور نه غواړي فلمونو ته سندرې ووايي، ځکه چې فلمي سندرې غېر معياري دي او هغه غواړي چې په پښتو کې معياري کلامونه ووايي، چې په دې لړ کې يې يو نظم دوه هم خپاره شوي و. خو وروسته بيا له تبليغي جماعت سره د يو ځاى کېدو سره سم يې پښتو موسيقي پرېښوده او خپل ټول وخت يې تبليغ ته ورکړ، چې تر ډېره به يې د تبليغ ويډيوګانې خپرېدې، خو داسې ښکاري چې نوموړى د اقتصادي ستونزو له لامله غواړي چې بېرته موسيقي پېل کړي