ښاغلثی نجیب الله

ښاغلثی نجیب الله یمین لومړنۍ زده کړې د غازي امین په عالي لېسه کې او عالم محمد نیازي کې بشپړې کړي او وروسته د کابل پوهنتون انجنیرۍ پوهنځي ته بریالی شوی وو چې په ١٣٧٩ه ش کال یې د سېول انجنیرۍ په برخه کې خپل لېسانس له کابل پوهنتون تر لاسه کړ.

ښاغلثی نجیب الله یمین د ماسټرۍ زده کړې سند په ١٣٨٧ کال کې د تایلنډ هېواد د مهیدول پوهنتون نه د د بشري منابعو د مدیریت برخه کې او همدا راز د ماسټرۍ بل سند امریکا متحده ایالاتو مشیګان ایالت کې د طبیعي منابعو په برخه کې د نړیوال انکشاف په چوکاټ کې تر لاسه کړ.او دغه پوهنتون کې د لایق شاګرد په صفت خلکو پېژنده نونموړی د ماستری په دوره کې هم یو بریالی شاګرد وو

اړونده خبرونه: د افغان عسکرو او نظامي سکتور سره د امریکا ملاتړ دوام کوي

انجنیر نجیب الله یمین د فواید عامې وزارت ته له نوماندۍ وړاندې ٢٠ کاله کاري تجربه په مسلکي او تخصصي توګه په ملي او نړیوالو ادارو باندنیو او بهرنیو ادارو، د کلیو بیا رغونې او پراختیا وزارت، د اوبو او انرژۍ وزارت، د چاپیریال ساتنې ملي اداره، ولسمشرۍ ماڼۍ، د اسیا پراختیایي او نړیوال بانک، ملګرو ملتونو او د المان د همکاریو پراختیایي سازمان کې دندې ترسره کړي.

ښاغلی یمین په ٢٠ کاله مأموریت کې په زیاتو تقدیرو نامو او ستاینلیکونو، په اوله، دویمه او درېیمه درجه جایزې ترلاسه کړي.ښاغلی یمین پارلمان ته له ور پېژندل شویو وزیرانو له منځه یو داسې شخصیت دی، چې حساب پرې کېدی شي او که له پارلمان بریالی ووځي، د ډېرو خدمتونو مصدر به وګرځي.

د ټولګټو وزارت نوی وزیر اوپېژنی
د ټولګټو وزارت نوی وزیر اوپېژنی

ښاغلی یمین څو ورځې وړاندې د ولسمشر حکم پر اساس د ټولګټو وزارت د نوي وزیر په توګه معریفي شو او نوموړی د پارلماني چارو وزارت لخوا د باوري رایو لپاره ولسي جرګې ته هم معریفې شوی.نوموړی د ډاکټر فضلي لخوا دغه وزارت کارممندانو ته معریفي شو. ښاغلي فضلي معریفي غونډه کې د خپل وینا پر مهال وویل چې ښاغلی یمین صیب به د ټولګټو وزارت کې خورا زیاتې لاسته راوړنې ولري او نوموړی به وزارت کې د اصلاحاتو لړی هم ژر پیل کړي

اتمر:موازي حکومتونه رامېنځته کېدل د منلووړ نه دي

د افغانستان د اسلامي جمهوریت جمهوررئیس محمد اشرف غني د جمهوري ریاست عالي مقام د دوو جلا حکمونو پر اساس، محمد حنیف اتمر د بهرنیو چارو وزارت سرپرست او نوماند وزیر په توګه وټاکه. د هیواد جمهوررئیس د اساسي قانون د ۶۴ مادې د ۱۳ فقرې حکم پر اساس، محمد حنیف اتمر د بهرنیو چارو وزارت د سرپرست او نوماند وزیر په توګه وټاکه او په چارو کې یې ورته د بریالیتوب هیله وکړه.

محمد حنیف اتمر د هیواد له مطرح او اغېزناکو سیاسي شخصیتونو دی، چې په تېرو دوو لسیزو کې یې د کلیو پراختیا وزیر، د پوهنې وزیر، کورنیو چارو وزیر او په وروستیو کې یې د ملي امنیت سلاکار په توګه کار کړی دی. د ارګ له لوري په خپاره شوي فرمان کې راغلي دي، چې ولسمشر محمد اشرف غني په دوه جلا حکمونو کې محمد حنيف اتمر د بهرنيو چارو وزارت سرپرست او نوماند وزير ټاکلى دى.

محمد حنيف اتمر به له دې وروسته ولسي جرګې ته وړاندې کېږي او د باور رايې به ترلاسه کوي. حنيف اتمر همدا راز ولسمشريزو ټاکنو ته ځان نوماند کړ او د ملي يووالي په حکومت او ولسمشر غني يې ډېر تورونه پورې کړل او د هغه حکومت يې يو ناکامه حکومت وبللو خو د ولسمشريزو ټاکنو وخت په نږدې کېدو سره د حنيف اتمر ټيم وپاشل شو او هغه په ولسمشريزو ټاکنو کې له ګډون انکار وکړ او د څه وخت لپاره نوموړى بېخي ارامه ناست و..

خو په ولسمشريزو ټاکنو کې د ولسمشر غني تر بريا وروسته، حنيف اتمر غلى و، چې د ولسمشر غني تر لوړې وروسته په يوه اعلاميه کې ولسمشر غني ته مبارکي هم وويله. نوموړى چې تازه د ولسمشر غني له لوري د بهرنيو چارو وزارت سرپرست او نوماند وزير ټاکل شوى دى، د ولسي جرګې څخه به د باور رايې هم ترلاسه کوي.

د يادولو ده چې ولسمشر غني له تېرو څو ورځو راهيسې د کابينې په جوړولو کار پيل کړى دى او هره ورځ وزارتونو، ولايتونو او نورو برخو کې کسان ګماري

د مالیه وزارت لپاره یی عبدالهادي ارغندیوال د اطلاعاتو او فرهنګ لپاره یی طاهرزهیر کمارلۍ د دې نه علاوه د یو شمېر معینیتونو او ولایتونو ته یی تازه ګمارنې کړي دي.

ولسمشر تازه په یو بیان  کې ویلي دي چې ټوله کابینه به زر تکمیل کړم او کابینې کې به داسې کسان وګمارم چې ملی او سیاسی ملاتړ د ځان سره ولري هغه زیاته کړه کوشش کوي چې داسې خلو ته به  کابینه کې ځاۍ ورکړي چې د اقوامو نمایندګې وکړي.  .