د چار ادارې مشرفضلي د پېژندپاڼودتعدیل په تړاو د ولسي جرګې لخوا تایید شوې طرحه ردکړې

د چارو ادارې مشرفضلي د پېژندپاڼو د تعدیل په تړاو د ولسي جرګې له لوري تایید شوې طرحه رد کړې د کابل حکومت د چارو ادارې رییس «فضل محمود فضلي» د ولسي جرګې له لوري د برېښنايي پېژندپاڼو د تعدیل په تړاو تایید شوې هغه طرحه رد کړې، چې له مخې یې  د افغان او ملیت کلمې له پېژندپاڼو لرې کيږي.

د رسنیوراپورپه اساس د ولسي جرګې غړو نن د رایو په اکثریت سره هغه طرحه تایید کړه، چې له مخې یې باید د بریښنایي پېژندپاڼو قانون تعدیل او د افغان او ملیت برخې ترې لیري کړل شي.د ولسي جرګې غړي «خان اقا رضايي» وایي، کله چې د پېژندپاڼو په سر کې د افغانستان اسلامي جمهوریت لیکل کېږي؛ نو بیا اړتیا نشته چې د افغان، ملت او یا ملیت کلمې ور اضافه کړل شي؛ نو اوس چې طرحه تاييد شوه نو باید جوخت ورسره د بریښنایي پېژندپاڼو د وېش لړۍ هم بنده شي.

بل خوا د چارو ادارې رییس «فضل محمود فضلي» بیا پر خپله فسبوک پاڼه لیکلي، چې د بريښنايي پېژندپاڼو د تعدیل په تړاو خپاره شوي راپورونه حقیقت نه لري او د پېژندپاڼو د وېش لړۍ د تېر په څېر دوام لري.او هر څوک عام وګړي کولی شي چې پېژند پاڼړې تر لاسه کړي او خپل هویت او هر څه د دغه پېژند پاڼړې په بنسټ ثابت کړي. هغه وايي چې هر افغان باید دغه پېژند پاڼه ژر تر ژره تر لاسه کړي تر څو په نورې نړی کې هم مونږ وپېژندلی شو.

د هغه د وال دقیق الفاظن «د برېښنايي تذکرو وېش د پخوا په څېر جریان لري، هېوادوال کولای شي په اړوندو ادارو کې تذکرې واخلي. د برېښنايي تذکرو په وېش کې هیڅ ډول تغییر، تعدیل او تعلیق نشته.» هغه وايي باید دا معامله سیاسي نشي نوره او ټول ولس باید لاس یو کړي ترڅو نور خلک وهڅيږي چې برېښنايي تزکره واخلي او امنیت په تامین کې دغه تزکرې مونږ سره کومک وکړي.تر څو د دې تزکرې پر بنسټ مونږ وکولی شو چې د خلکو پېژندنه وشي.

  1. د چارو ادارې مشرفضلي د پېژندپاڼودتعدیل په تړاو د ولسي جرګې لخوا تایید شوې طرحه ردکړې

د ولسي جرګې او چارو ادارې د رییس تر منځ ټکر وروسته له هغه دي، چې تېره ورځ وکیلانو پر فضل محمود فضلي باندې انتقادونه وکړل او نوموړی یې تورن کړ، چې د ټاکنو تر بدنامۍ وروسته یې د چارو ادارې بدنامۍ ته ملا تړلې او د وزیرانو په چارو کې لاسوهنه کوي.

د ولسي جرګې یوشمېرغړي پاکستان ته سفرکوي

د ولسي جرګې یوشمېر غړي پاکستان ته سفرکوي د کابل حکومت د ولسي جرګې لوړپوړی پلاوی د «میررحمان رحماني» په مشرۍ پاکستان ته سفر کوي.او هلته به د دغه هېواد د قومي اسمبلی مشر په شمول یو شمېر اعلی چارواکو سره ګوري.

د افغانستان لپاره د پاکستان ځانګړي استازي «محمد صادق» په همدې تړاو پر خپل ټويټر لیکلي، چې د ولسي جرګې د رییس «میر رحمان رحماني» په مشرۍ دغه لوړپوړی پارلماني پلاوی به نن د جمعې په ورځ د اکتوبر په ۲۳ مه نېټه پاکستان ته سفر وکړي او د پارلماني کمیټو ۵ رئیسان ، د پارلمان ګڼ غړي ، منشي او د ولسي جرګې چارواکي به پکې شامل وي.دويي به هلته د اعلی چارواکو سره د سولې په اړه خبرې اترې کوي.

ښاغلي صادق که څه هم د پلاوي د سفر د موخې او د خبرو د اجنډا په تړاو څه نه دي ویلي؛ خو دغه سفر داسې مهال دی چې په دوحه کې د طالبانو او له کابله تللي پلاوي تر منځ خبرې روانې دي او هڅه کېږي د افغانستان اوږدې جګړې ته د پای ټکې کېښودل شي.له دې مذاکراتو سره هم مهاله پاکستان ته د کابل حکومت د چارواکو او دولتي پلاوو سفرونه هم زیات شوي.

اړونده خبرونه: د افغان عسکرو او نظامي سکتور سره د امریکا ملاتړ دوام کوي

څه موده وړاندې د پخلاینې عالي شورا مشر «عبدالله عبدالله» هم اسلام اباد ته تللی و او هلته یې له پاکستاني چارواکو سره د افغانستان د سولې او نورو اړوندو موضوعاتو په اړه خبرې درلودې.پاکستان وایي، په افغانستان کې د ثبات او امنیت ملاتړ کوي  او تمه لري، چې په دې هیواد کې سوله به د پاکستان پر اقتصاد مثبت اغېز ولري.

د ولسي جرګې یوشمېرغړي پاکستان ته سفرکوي
د ولسي جرګې یوشمېرغړي پاکستان ته سفرکوي

د یادونې وړ ده چې د دې نه وړاندې د مصالحې عالي شورا مشر عبدالله عببدالله هم د غه هېواد ته سفر کړی او هلته ېې د سولې لپاره د دغه هېواد نه غوښتي چې د قطر د پروسې ملاتړ وکړي. تر څو افغانان يه سوله کې ژوند وکړي او په ځان بسیا هېواد کې ژوند وکړي. د ښاغلي عبدالله عبدالله نه وروسته د حزب اسلامي مشر ګلبدین حکمتیار هم د پاکستان هېواد ته سفر کړی او هلته ېې د سولې په اړه د اعلی چارواکو سره خبرې کړي.