نن د پښتو ژبې نوموتي سندرغاړي هارون باچا کلیزه ده

نن د پښتو ژبې نوموتي سندرغاړي هارون باچا کلیزه ده د پښتونخوا مخکښ سندرغاړی هارون باچا چې تل يې د لر و بر پښتنو او لوى افغانستان لپاره سندرې ويلي دي، نن د ٤٨ کلونو شو. هغه په ١٩٧٢ کال کې د جولاى په ٢٧مه نېټه د پښتونخوا د صوابۍ په پنجپير کې نړۍ ته سترګې وغړولې

ښاغلي هارون باچا په پنجپير ښوونځي او د پېښور نمبر ١ ښوونځي کې زده کړې ترلاسه کړې، همدا رنګه اېډورډز کالج کې له بیچلر نه فارغه شو او د پېښور پوهنتون کې يې بيا په سوشل ورک کې د ماسټرۍ سند ترلاسه کړ ترلاسه کړه،هارون باچا په ١٩٩٢ کال کې د موسيقۍ نپیل کړه او کله چې بيا هغه د (اول به کله کله غم و) ټپې وويلې نو هغه ته يې ډېر شهرت پیدا کړ ،او دغه ټپې ېې ډېر وایرل شوې په دغه وخت کې دغه ټپې ډېرې خلکو اورېدلې.

تر دې دمه پورې هغه شاوخوا پنځوس د سندرو البمونه ريکارډ جوړ کړي دي هر يو البم يې تر بل خلکو ډېر خوښ کړى دى.هارون باچا اوس په پراګ کې ژوند کوي او هلته د مشال راډيو سره هم کار کوي. نوموړى په مشال راډيو کې د (هارون باچا هنري ګړۍ) په نوم يوه هنري خپرونه هم چلوي، چې له هنرمندانو سره پکې مرکې کوي.په اوسنيو وختونو کې هارون باچا يو د غزل ښه سندرغاړى دى، د هغه اوسنۍ سندرې هم خلک ډېر په مينه اوري له يو بل څخه يې سندرې د پېغام له لحاظه هم ډېرې په زړه پورې وي.

ښاغلي باچا بې شمېره ژوندي کنسرټونه هم ورکړي دي، چې خلکو يې له موسيقۍ څخه مزه اخېستې ده . د هغه په وروستيو سندرو کې (داستان، ټپې او ژوند کشالې کشالې هم شاملې دي چې ټپې يې د کوچني اختر نه څو ورځې وړاندې خپرې شوې وې او ژوند کشالې کشالې يې اوس اوس تازه په سوشل ميډیا کې خپره شوې چې نوموړي تازه ویلې وه

هاروباچا هنرمند په افغان وطن مين دى او تل يې د لوى افغانستان د جوړولو فکر له ځان سره لرلى. نوموړۍ په پښتو ژبه لیکل هم کولۍ شي او خپل فیسبوک باندې کله کله په پښتو ژبه لیکنې کوي چې کوم د دې نښه ده چې نوموړۍ په پښتو ژبه او افغانستان مین شخص دۍ، او هغه افغانستان سره ځانګړې مینه لري نوموړي څو څو وارې ویلي چې ډېر ژر به افغانستان ته سفر وکړي او دا به نوموړي تر ټولونه زیات خوږ سفر وي هغه وايي چې زیات ارمان لري چې افغانستان کې سوله راشي او افغانان په سوله او ارامۍ کې ژوند وکړي

نن د پښتو ژبې نوموتي سندرغاړي هارون باچا کلیزه ده
نن د پښتو ژبې نوموتي سندرغاړي هارون باچا کلیزه ده

هارون با چا اوس د هېواد نه بیرون مېشت دۍ او نوموړۍ د مسافرۍ ژوند کوي نوموړي سره هملته فامیل هم دۍ او خپل ژوند د هېواد نه بهر پر مخ وړړي د نوموړي یو ځويي اوسمهال د مکتب یا هايي سکول نه فارغ شو نوموړي د خپل ري د فراغت عکسونه هم په خپأ فیسبوک پاڼه باندې شیر کړي وو، نوموړۍ د زوي ترڅنګ نوړې لورانې هم لري چې د هغه په وینا غواړي په اینده کې د پښتنو د خدمت لپاره ترینه کار اخلي او یورپ کې په اعلۍ تعلیم هم کوي،

د صاحب شاه صابر۱۳تلین

صاحب شاه صابر د پښتو ژبې نامتو شاعر و. هغه په ​​پښتو ادبیاتو ، اردو ادبیاتو او سیاسي علومو کې د ماسټرۍ سندونو تر څنګ په ادبیاتو کې د PhD سند ترلاسه کړی ، چې ټول د پیښور پوهنتون څخه دي.هغه ګڼړ شمېر خپاره شوي کتابونه لري د خوبوهنه او تکل د شعرونو ټولګه او د نورو کتابونو ترڅنګ د پښتو ادب په اړه لیکل شوي دي.

د پښتو نامتو سندرغاړي کرن خان ، چې د پښتو مشهور عصري سندرغاړی او شاعر دی ، د خپل غزل او نثرونو په اړه بشپړ بې غږه البوم خپور کړی چې عنوان یې د بیا ههنه مکهم دی د هغه شاعري د نورو نامتو سندر غاړو لکه سردار علي ټکر لخوا هم ویل کیږي

هغه ویلي زه کرن د يو هنرمند په توګه ارواښاد صاحب شاه صابر د يو لوى استاد په توګه پېژنم. ما چې څومره صابر صېب لوستى او د هغه په اړه مې د هغه له ملګرو اورېدلي، هغه يو پوهه او د يو بيل طرز او اسلوب لرونکى شاعر و.

د هغه فکر د نړۍ له ليکوالانو بېخي بدل و، په ټولنه کې ستونزو ته د کتنې او په هغه اړه د احساس ميتود يې ځانګړى او جدا و. د روانې تودوخۍ او د ناروغيو په اړه د هغه شاعري شته، د هغه غزلونه، نظمونه او ټوله شاعري تر بل هر چا جدا او سنجيده ده.

استاد ډاکټر صېب صاحب شاه صابر د خپل نوم په څېر ځلېدلى، پوه او سپېڅلى دى. هغه ډېر لوى مفکر او ډېره لويه هستي وه، څنګه چې عقيل يوسفزي صېب خبره کړې وه، چې صاحب شاه بيمارۍ کم وژلى او د خپلو ملګرو رويو ډېر وژلى دى، خداى دې وکړي چې اوس زموږ رويې درستې شي او اوس زموږ څخه څوک بې وخته لاړ نه شي.

د صاحب شاه صابر د تلين لمانځل د ډاکټر اسرار اتل زيار دى، چې کال په کال يې جوړوي او ما پکې د هغه له شعرونو دوه البمه هم جوړ کړل او نور ماښامونه هم پکې وکړل، خو سږ کال د دې افت له وجې څوک نه شي راټولېدلى.

زموږ زړه غواړي چې سره راټول شو، خو سږ کال په دې ١٣م تلين کې نه شو راټولېدى، زموږ دعاوې د هغه د روح سره دي او د هغه روح او بچي دې په سکون او ارام کې وي.

انشا الله که حالات ښه شي، بيا به سره راټول شو او د دې حقدار شخصيت حق به ادا کړو.

 نن د پښتو ژبې د نامتو ليکوال او شاعر ارواښاد ډاکټر صاحب شاه صابر ١٣م تلين دى، هغه په ١٩٥٦ کال کې د خېبر پښتونخوا ملاکنډ په سخاکوټ کې زېږېدلى و او د ٢٠٠٧ کال د اپريل په دريمه نېټه يې په پېښور کې خپل روح حق ته وسپاره.

د ارواښاد صابر تکل، خوبونه، واورې او ګلونه، پښتانه او پښتو ټپه، رڼا او ګلونه او د اېم فيل تيسز او ډاکټرۍ تيسز کتابونه چاپ شوي دي.

ارواښاد صابر نه يوازې دا چې يو ښه شاعر او ليکوال و، بلکې هغه يو ښه کره کتونکى هم و.

د ارواښاد ډاکټر صاحب شاه صابر د ١٣م تلين په ورځ مو د پښتو ژبې نامتو هنرمندد کرن خان ليکنه، چې په شهباز ورځپاڼه کې خپره شوې ده، د هغوى په مننه له تاسې سره شريکه کړه.

د ارواښاد صاحب شاه صابر ځينې شعرونه لاندې ولولئ:

په تودو څړيکو يې وينځلي ساتو څومره پالنه د زخمونو کوو

ياران د تېرې زمانې يادوو ارمان د ورانو محفلونو کوو

په ساده ساده رښتيا رښتيا ويلو له صابر سره د ډېرو دښمني ده

په دې ښار کې به سړي، سړي ته ګورې د دې ښار بلها سړي، سړيخواره دي